Ipru 1:12 - Chuukese Bible

¹² Kopwe numufengeniir usun echö sekit, kopwe siwiliir usun eman a siwili üfan. Nge en ka ususum we chök, manauom esap müchüla.”

Ipru 1:12 Iomraidhean Croise

Hiop 36:26

Kot a fokun tekia, nge kich sisap tongeni weweiti. Esap wor eman a tongeni aleani ükükün ierin manauan.

Kölfel 90:4

Pun engeröü ier ra usun chök eu rän me reöm, ra usun chök ewe rän näneu a fen la, ika usun chök eu leülüngatin eu pwin.

Ekistos 3:14

Nge Kot a üreni Moses, “Ngang ngang echök. Iei usun mine kopwe üreni ekewe aramasen Israel, ‘Ewe mi iteni Ngang a tinieito remi.’”

Aisea 38:12

Manauei a feil seniei usun eu imw mangaku a tomola. Ewer, a müchüla usun eman chon tür a awesala türünian. Kot a fichiela manauei usun eman a fichiela mätättärin ewe tür. Iwe, mwen an epwe pwinila a awesi manauei.

Johannes 8:58

Jesus a pölüeniir, “Enlet üpwe wesewesen ürenikemi: Me mwen än Apraham esamwo uputiu, ngang üa fen nom.”

Ipru 13:8

Jesus Kraist usun ewe chök lom, ikenai tori feilfeilachök.

James 1:17

Lifang mi mürina meinisin me feiöch mi unusöch meinisin ra feitiu seni läng, ra feitiu seni ewe Sam mi föri ekewe Saram lon läng, ewe esap siwil, esap pwal fis rochopwak ren an kul.