Ipru 1:11 - Chuukese Bible

¹¹ Ir repwe tala, nge en kopwe nonom fochofoch, repwe mesila usun echö üf.

Ipru 1:11 Iomraidhean Croise

Kölfel 10:16

Ewe Samol mi Lapalap i king tori feilfeilachök. Chon ekewe mwü repwe rosola seni fanüan.

Kölfel 102:26

Ir repwe tala, nge en kopwe nonom fochofoch. Ir repwe mesila usun echö üf. Ka siwiliir usun eman a siwili üfan, iwe, repwe morola.

Kölfel 29:10

Ewe Samol mi Lapalap a nemenem won ekewe lölö. A nemenem, pun i a king tori feilfeilachök.

Kölfel 90:2

Mwen ekewe chuk resamwo fis, pwal mwen kosamwo föri unusen fanüfan en chök Kot seni fansoun esepop tori fansoun esemüch.

Aisea 34:4

Iwe, akkar me maram me fü kana repwe telila, läng epwe numufengen usun echö toropwe, nge minen läng meinisin repwe turutiu usun chön irän wain ika chön irä fiik ra mworotiu.

Aisea 41:4

Iö a föri ei föför? Iö a köri ekewe pilon aramas seni lepopun? Ngang, ewe Samol mi Lapalap, üa nom me lepoputan, üpwe pwal nom ren ekewe pilon lesopolan, ngang chök.

Aisea 44:6

Iei alon ewe Samol mi Lapalap, ewe Kingen Israel me an Chon Amanau, ewe Samol mi Unusen Manaman, “Ngang chök Kot ewe Aemanün me Amüchülan, esap wor eman Kot lüki.

Aisea 50:9

Nengeni, Kot ewe Samol mi Lapalap a alisiei. Iö epwe tongeni atipisiei? Iwe, ekewe chon atipisiei meinisin repwe rosola usun echö katup pwötür ra eni.

Aisea 51:6

Oupwe netä läng, oupwe pwal nenela won fanüfan. Iwe, läng epwe morola usun ötüöt, fanüfan epwe mesingauala usun echö katup, nge chokewe mi manau won repwe mäla usun chök nikken. Nge ai angangen amanaua aramas epwe nonom fochofoch, ai pwüng esap fokun müchüla.

Aisea 51:8

Pun repwe rosola usun echö katup pwötür ra eni, repwe pwal wewe ngeni mangaku seni ülen man mi eniman. Nge ai pwüng epwe nonom fochofoch, ai manau epwe tori ekewe täppin aramas meinisin.”

Aisea 65:17

Iwe, ewe Samol mi Lapalap a apasa, “Nengeni, üpwe föri eu läng mi fö me eu fanüfan mi fö. Iwe, esap chüen wor eman epwe chechemeni ekewe mettochun lom o ekieki usun.

Mateus 24:35

Läng me fanüfan repwe morola, nge ai kapas kana resap fokun morola.

Markus 13:31

Läng me fanüfan repwe morola, nge ai kapas kana resap fokun morola.

Lukas 21:33

Läng me fanüfan repwe morola, nge ai kapas kana resap fokun morola.

Ipru 12:27

Ewe kapas “pwal fän eu” a pwärätä pwe ekewe mettoch mi för repwe chechech o morola, pwe ekewe mettoch resap tongeni chechech repwe nonomola.

Ipru 8:13

Lupwen Kot a kapas usun eu pwon mi fö, a föri pwe ewe aeuin pwon epwe mesila. Nge mine a mes esap chüen wor lomotan, epwe müttir morola.

Pwärätä 1:11

A apasa, “Kopwe makkeetiu lon toropwe mine ka küna o kopwe tinala ngeni ekewe fisu mwichefel: Efisos, Smirna, Perkamon, Tiatira, Sartis, Filatelfia me Laotisea.”

Pwärätä 2:8

“Kopwe makkei ngeni ewe chon künöön ewe mwichefel lon Smirna: Iei alon ewe Aemanün me ewe Amüchülan, ewe mi mäla o manausefäl.

Pwärätä 20:11

Mürin üa küna eu lenien motun king mi watte o pwechepwech me ewe eman mi mot won. Fanüfan me läng ra süla seni mwen mesan, nge esap chüen wor leni fän iter.

Pwärätä 21:1

Mürin üa küna eu läng mi fö me eu fanüfan mi fö, pun ewe poputän läng me ewe poputän fanüfan ra morola, nge matau esap chüen wor.