Föför 9:4 - Chuukese Bible

⁴ Iwe, a turutiu le pwül, nge a rongorong eu möngüngü mi üreni, “Saul, Saul, pwota ka ariaföüüei?”

Föför 9:4 Iomraidhean Croise

Keneses 16:8

Iwe, ewe chon läng a aisini, “Hakar nöün Sarai chon angang, ia ka feito me ie, nge ia kopwe feila ie?” Iwe, Hakar a pälüeni, “Üa sü seni ai samol Sarai.”

Keneses 22:11

Nge nöün ewe Samol mi Lapalap chon läng a köri Apraham me lon läng, “Apraham! Apraham!” Iwe, a pälüeni, “Ngang iei.”

Keneses 3:9

Nge Kot ewe Samol mi Lapalap a köri ewe mwän o aisini, “Ia ka nom ie?”

Ekistos 3:4

Lupwen ewe Samol mi Lapalap a küna pwe Moses a feila ikenan, a kökköwu me lon ewe iräfölüföl, “Moses, Moses!” Moses a pälüeni, “Ngang iei.”

Aisea 6:8

Mürin, üa rong mwelien ewe Samol mi Lapalap a apasa, “Iö üpwe tini, nge iö epwe ach chon künö? Nge üa pälüeni, “Ngang üa mochen, kopwe tiniei.”

Aisea 63:9

Püsin i a amanaueer, sap eman chon läng. Ren an chen me tong ngeniir a angaseer, a ekiretä o mwäreer lon ekewe fansoun lom.

Sekaraia 2:8

Iwe, iei alon ewe Samol mi Unusen Manaman, a tiniei ren an ling ngeni chon ekewe mwü mi angei pisekimi fän pöchökül, pun chokewe mi atapakemi ra atapa fituken lon mesan,

Numperis 16:45

“Oupwe merela seni ei mwichen aramas pwe üpwe aroserela fän eu chök.” Iwe, ir me ruoman ra chapetiu lepwül.

Mateus 25:40

Iwe, ewe king epwe pölüeni, ‘Enlet, üpwe ürenikemi: Mine oua föri ngeni eman lein ekewe pwii mi fokun kisikis, iei oua föri ngeniei.’

Lukas 10:41

Nge ewe Samol a pölüeni, “Marta, Marta, ka öürek o osukosuk ren chomong mettoch,

Johannes 18:6

Lupwen Jesus a üreniir, pwe i ätewe, ra nimärämärsefäl o turula lepwül.

Johannes 20:16

Iwe, Jesus a föüni iten neminewe o apasa, “Maria!” Mürin Maria a kul ngeni o apasa lon kapasen Ipru, “Rapponi!” (Wewen “Sense”)

Johannes 21:15

Wesin ar mongön lesosor, Jesus a üreni Simon Petrus, “Simon, nöün Sona, ka echeniei lap seni ätekei?” Petrus a pölüeni, “Ewer, ai Samol, en ka silei pwe üa echenuk.” Jesus a üreni, “Kopwe amongöni nei kewe apanen sip.”

Föför 5:10

Lon ewe chök otun neminei a turula arun pechen Petrus o mäla. Iwe, ekewe alüal ra tolong o küna pwe Safira a mäla. Iei mine ra pwal ekiewu o peiaseni ünükün pwülüan we.

Föför 9:5

Nge Saul a aisini, “En iö Samol?” Ewe möngüngü a pölüeni, “Ngang Jesus, ewe ka ariaföüü.

Nöün Paulus Toropwe ngeni ekewe Souläng lon Rom 11:22

Iei mine oupwe ekieki usun än Kot kirikiröch me an pöchökül. A fokun pöchökül ngeni chokewe mi turutiu, nge a kirikiröch ngeni ämi. Are oua sopwela le föri mine a mürina, epwe sopwela le kirikiröch ngenikemi, nge are ousap föri iei usun, pwal ämi oupwe kuputiu.

1. Korint 12:12

Iwe, usun inisich a chök eu o a wor chomong kifetin, inamwo ika a sokopat ekewe kifet, nge ra nom lon eu chök inis. Ina chök usun Kraist.

1. Korint 4:7

Pun iö a seikuketä pwe kopwe lap seni ekewe ekoch? Ifa usun, Kot esap fang ngonuk mettoch meinisin mine ka eäni? Pwota ka aingaing won met mi wor reöm usun itä nge esap minen lifang?

Efisos 5:30

Pun oukich meinisin kifetin inisin.