Föför 9:3 - Chuukese Bible

³ Iwe, lupwen Saul a sai o arap ngeni ewe telinimw Tamaskus, lon ena chök otun eu saram me läng a feitiu won.

Föför 9:3 Iomraidhean Croise

Kölfel 104:2

o pwölü ngonuk saram usun echö üf. Ka ameresala ekewe läng usun eu imw mangaku

Föför 22:6

“Iwe, lupwen ai sai o üa arap ngeni Tamaskus, leoloas a fis pwe a pwäkai ngeniei och saram mi fokun saramaram me läng a feitiu woi.

Föför 9:17

Iei mine Ananias a feila o tolong lon ewe imw ia Saul a nom ie. A iseis pöün won o apasa, “Pwipwi Saul, ach Samol Jesus a tinieito, ewe mi pwä ngonuk won ewe al lupwen ka saito ikei. A tinieito pwe kopwe tongeni künasefäli mwomw, kopwe pwal uren Ngünmifel.”

Föför 9:27

Mürin Parnapas a alisi o emwenala ren ekewe soukünö. A awewe ngeniir usun än Saul küna ach Samol won ewe al, pwal usun än ach Samol kapas ngeni. A pwal apworausa ngeniir usun än Saul pworacho le afalafal usun iten Jesus lon Tamaskus.

1. Korint 15:8

Iwe, amüchülan a pwal pwä ngeniei, inamwo ika üa wewe ngeni eman aramas mi uputiu lon fansoun esap pwüng ngeni.

1. Korint 9:1

Ifa usun, sap ngang eman aramas mi ngas? Ifa usun, sap ngang eman soukünö? Üsap fen küna ren mesei ach Samol Jesus? Ifa usun, sap ämi uän ai angang fän iten ach Samol?

1. Timoty 6:16

I chök ewe eman esap tongeni mäla, a nom lon eu leni mi fokun saram, pwe esap wor eman a tongeni arap ngeni. Esap wor eman a piin küna, esap pwal fokun wor eman epwe tongeni küna i. I epwe angei iteüöch me nemenem tori feilfeilachök! Amen.

Pwärätä 21:23

Esap lomot ngeni ewe telinimw tinen akkar ika tinen maram, pun än Kot ling a tinetiu won, o ewe Lam iei an atitin.

Pwärätä 22:5

Esap chüen wor pwin, esap pwal chüen lomot rer lamp ika akkar, pun ewe Samol Kot epwe ar saram, nge repwe nemenem usun king tori feilfeilachök.