Föför 9:2 - Chuukese Bible

² o tüngor ngeni an epwe makkei toropwen mwümwütä ngeni ekewe souemwen lon ekewe imwen felikis lon Tamaskus, pwe are epwe küna chokewe mi fetal won ewe Alen ach Samol, epwe tongeni fötekini mwän me fefin, o aliwiniir ngeni Jerusalem.

Föför 9:2 Iomraidhean Croise

Keneses 14:15

Ikenan Apram a aimwüfeseni nöün kewe chon angang lon kükün mwich o maun ngeniir lepwin. Iwe, a akufuur o tapweriir tori Hopa efengin Tamaskus.

Aisea 17:1

Iei än Kot kapas usun Tamaskus: Tamaskus esap chüen eu telinimw, nge epwe wiliti eu ioien mettoch mi tala.

Jeremaia 49:23

Iei usun mine ewe Samol mi Lapalap a apasa fänäsengesin Tamaskus. Chon ekewe telinimw Hamat me Arpat ra rükö, pun ra rongorong pworausen afeiengau. Ra niuokus o mwökütüküt lon leluker ren ar osukosuk usun matau esap tongeni lüala.

Mateus 10:17

Oupwe mamasa, pun epwe wor aramas repwe fötekinikemi o emwenikemi lon kapwüng, repwe pwal wichikemi me lon ar kewe imwen felikis.

Johannes 14:6

Jesus a üreni, “Ngang ewe al me ewe let me ewe manau. Esap wor eman epwe tongeni feila ren Semei me lüki.”

Föför 18:25

A fen kaiö usun Alen ach Samol o seni pöchökülen pwapwan letipan a afalafal o aiti ngeni aramas ekewe mettoch mi enlet usun Jesus, nge a chök silei usun än Johannes angangen papatais.

Föför 19:23

Lon ena fansoun a fis eu osukosuk watte lon Efisos pokiten ewe Alen ach Samol.

Föför 19:9

Nge ekoch me leir ra tipeförea. Resap fokun lükü, nge ra fen kapasingau mwen ewe mwichen aramas usun ewe Alen ach Samol. Iei mine Paulus a feila seniir o uweela ekewe chon lükü. Iwe, iteiten rän a afalafal lon utten Tiranus ia aramas ra akafalafal ie.

Föför 24:14

Nge ngang üpwe pwärätä ei ngonuk: Üa fel ngeni än ach kewe lewo we Kot ren ai fetal won ewe Al ir ra apasa pwe mi mwäl. Nge üa pwal lükü meinisin mine a mak lon än Moses kewe Allük pwal lon ekewe puken soufos.

Föför 24:22

Mürin Feliks mi sileöchü usun ewe Al a aükätiu ewe kapwüng o üreniir, “Lupwen ewe sounemenemen sounfiu Lisias epwe war, üpwe atowu pwüngün ei kapwüng.”

Föför 26:10

Iwe, iei met üa föri lon Jerusalem. Üa angei ai mwümwütä seni ekewe souasor mi lap pwe üpwe aturalong lon imwen fötek chomong nöün Kot kewe aramas, nge lupwen a towu pwüngün pwe repwe ninnila, üa pwal tipeeu ngeni.

Föför 26:12

“Iwe, fän iten ei popun üa feila Tamaskus fän pwüngün me akünöüen ekewe souasor mi lap.

Föför 6:9

Nge ekoch mwän ra ü ngeni Stefanus, ir chon ewe imwen felikis mi iteni “Chon Ngas”, ekoch chon Juta seni Kirene me Aleksantria ra choni ei mwich. Ir me pwal ekoch chon Juta seni ekewe fanü Silisia me Asia ra popuetä le anini ngeni Stefanus.

Föför 7:19

Ätewe a rawangauei ach kewe lewo o ariaföüür, a pöchökül ngeniir ar repwe pöütala nöür mönükol, pwe repwe mäla.

Föför 9:14

A feito ikei fän ewe pwüüng a angei seni ekewe souasor mi lap pwe epwe fötekiniir meinisin mi fel ngonuk.”

Föför 9:21

Iwe, meinisin mi rongorong an afalafal ra mairü o ais, “Ifa usun, sap iei i ätewe mi niela chokewe mi fel ngeni Jesus lon Jerusalem? Esap iei i ätewe mi feito ikei ren ewe chök popun an epwe fötekini ekewe chon lükü o aliwiniir ngeni ekewe souasor mi lap?”

2. Korint 11:32

Lupwen üa nom Tamaskus, ewe kepina mi nom fän ewe king Aretas a anomu chon mas, pwe repwe mamasa asamalapen ewe telinimw pwe repwe turufiei.

Kalatia 1:17

üsap pwal feila Jerusalem fän iten ai üpwe churi ätekewe mi akom mwei lon ewe wisen soukünö. Nge üa müttir feila lon ewe fanü Arapia, mürin üa liwinsefäliti Tamaskus.