Föför 9:10 - Chuukese Bible

¹⁰ Iwe, a wor eman souläng lon Tamaskus itan Ananias. Ach Samol a kapas ngeni lon künaan o üreni, “Ananias!” Ätei a pölüeni, “Ngang iei, ai Samol.”

Föför 9:10 Iomraidhean Croise

Keneses 14:15

Ikenan Apram a aimwüfeseni nöün kewe chon angang lon kükün mwich o maun ngeniir lepwin. Iwe, a akufuur o tapweriir tori Hopa efengin Tamaskus.

Keneses 22:1

Mürin ekoch fansoun Kot a sotuni Apraham o üreni, “Apraham.” Nge i a pälüeni, “Ngang iei.”

Keneses 31:11

Iwe, nöün Kot we chon läng a köriei lon ai tan, ‘Jakop.’ Nge ngang üa apasa, ‘Ngang iei.’

2. Samuel 15:26

Nge are Kot esap ümöümöch ngeniei, ngang üa molotä. Epwe chök föri ngeniei mine a mürina me ren.”

Ekistos 3:4

Lupwen ewe Samol mi Lapalap a küna pwe Moses a feila ikenan, a kökköwu me lon ewe iräfölüföl, “Moses, Moses!” Moses a pälüeni, “Ngang iei.”

Aisea 6:8

Mürin, üa rong mwelien ewe Samol mi Lapalap a apasa, “Iö üpwe tini, nge iö epwe ach chon künö? Nge üa pälüeni, “Ngang üa mochen, kopwe tiniei.”

Taniel 2:19

Iwe, lon ewe chök pwinin, ewe monomon a pwä ngeni Taniel lon künaan. Mürin, Taniel a mwareiti ewe Koten läng.

Numperis 12:6

Iwe, a üreniir, “Oupwe aüseling ai kapas: Are mi wor eman soufos leimi, ngang ewe Samol mi Lapalap üpwe pwäri ngeni üsi lon künan, üpwe pwal kapas ngeni lon an tan.

Föför 10:3

Ina epwe kulok ülüngat leolopalen eu rän a wor künaan. A künaöchü eman nöün Kot chon läng a feito ren o üreni, “Kornelius!”

Föför 11:5

“Lupwen üa iotek me lon ewe telinimw Joppa, a wor künaei. Üa küna och mettoch mi wewe ngeni echö chenikam mi watte, a föfö pwokukun me rüanü, a ürütiu me läng. Iwe, a köüla mwei.

Föför 12:9

Iwe, Petrus a tapwela mürin o towu seni ewe imwen fötek. Nge Petrus esap silei, pwe mine ewe chon läng a föri a wesewesen fis. A ekieki pwe a wor künaan.

Föför 16:10

Mürin künaan Paulus ei, äm aia müttir amolätä pwe aipwe feila Masetonia, pun aia mefi pwe Kot a körikem pwe aipwe afalafala ewe Pworausen Manau ngeni ekewe aramas ikenan.

Föför 16:9

Lon ewe pwinin a wor künaan Paulus. A küna eman mwän seni Masetonia, a üta o tüngormau ngeni, “Kose mochen feito Masetonia o alisikem!”

Föför 18:9

Lon eu pwin ach Samol a kapas ngeni Paulus lon künaan, “Kosap niuokus, nge kopwe chök sopwela le afalafal. Kosap fangata,

Föför 2:17

‘Kot a apasa: Iei usun met üpwe föri lon ekewe ränin sopolan. Ngang üpwe tinato Ngüni won aramas meinisin. Nöümi mwän me fefin repwe osuni, nöümi alüal epwe wor künaer, ekewe chinlap mwän me leimi repwe soutatan.

Föför 22:12

“Lon ena telinimw a wor eman mwän itan Ananias. I eman mwän mi achocho le fel ngeni Kot o aleasochisi ach kewe allük, a pwal watte sufölün me ren ekewe chon Juta meinisin mi nom lon Tamaskus.

Föför 9:12

Iwe, lon künaan a pwä ngeni eman mwän itan Ananias a feito o iseis pöün won pwe epwe tongeni küna mwan.”

Föför 9:9

Lon ükükün ülüngat rän Saul esap tongeni küna mwan, esap pwal mongö ika ünümi och lon ena fansoun.

2. Korint 11:32

Lupwen üa nom Tamaskus, ewe kepina mi nom fän ewe king Aretas a anomu chon mas, pwe repwe mamasa asamalapen ewe telinimw pwe repwe turufiei.

Kalatia 1:17

üsap pwal feila Jerusalem fän iten ai üpwe churi ätekewe mi akom mwei lon ewe wisen soukünö. Nge üa müttir feila lon ewe fanü Arapia, mürin üa liwinsefäliti Tamaskus.

1. Samuel 3:4

ewe Samol mi Lapalap a kökkö, “Samuel, Samuel!” Nge Samuel a üra, “Ngang iei.”