Föför 9:1 - Chuukese Bible

¹ Lon ena fansoun Saul a chök sopwela le eniweniwa ekewe chon lükü ach Samol pwe epwe niirela. Iwe, a feila ren ewe Souasor mi Lap

Föför 9:1 Iomraidhean Croise

Kölfel 27:12

Kosap asechieilong lepöün chon pälüeniei. Pun chon pwärätä chofana ra ü ngeniei, ra tiliken le föri föförün mwäneson ngeniei.

Föför 7:58

ra etekinawu lükün ewe telinimw o popuetä le monei ngeni fau. Nge ekewe chon atutur ra isenatiu üfer kewe ren eman alüal itan Saul.

Föför 8:3

Nge Saul a popuetä le atala mwichefel. A feila ngeni imw me imw o etekinawu ekewe chon lükü, mwän me fefin, o atolongeer lon imwen fötek.

1. Korint 15:9

Pun ngang üa kis seni ekewe soukünö meinisin, esap fich ngeniei ai üpwe iteni eman soukünö, pun üa ariaföüü chon ewe mwichefelin Kot.

Kalatia 1:13

Ämi oua fen rong usun manauei me lom, lupwen üa achocho lon ewe lamalamen chon Juta. Oua rong usun ai ariaföüü chon ewe mwichefelin Kot, nge üsap eäni tong, üa pwal achocho ngeni ai üpwe atala ewe mwichefel.

Filipi 3:6

üa pwal fokun tiliken lon ai ariaföüü ekewe chon lükü Jesus. Are eman aramas a ekieki pwe a tongeni küna pwüng ren an aleasochisi ekewe Allük, ngang üa apwönüretä meinisin.

1. Timoty 1:13

Inamwo ika me lom üa kapasingau usun i, üa ariaföüü o turunufaseei. Nge Kot a eäni tong ngeniei, pun esap mwo wor ai lükülük, iei mine üsap silei mine üa föri.