Föför 8:7 - Chuukese Bible

⁷ Ekewe ngününgau ra towu seni chomong aramas fän ar pupuchör mi leüömong, pwal chomong aramas mi mwök me aramas mi pechemä ra pöchökületä.

Föför 8:7 Iomraidhean Croise

Aisea 35:6

chon pechemä repwe mwetemwet usun eman chia, nge ekewe chon awemwöch repwe köl fän mweireir. Pun lenien koluk repwe mökküla lon fanüpwas, nge chanpupu repwe pupu lon fanüapö.

Mateus 10:1

Iwe, Jesus a körifengeni nöün kewe engol me ruoman chon kaiö o ngeniir manaman pwe repwe asüela ekewe ngününgau o apöchöküla aramas mi eäni sokopaten samau me apwangapwang.

Mateus 11:5

Ekewe mi mesechun ra küna mwer, ekewe mi pechemä ra fetal, ekewe mi üriir rupun pwötür ra chikarsefäl, ekewe mi selingepin ra rongorong, ekewe mi mäla ra manauatä, ekewe mi wöüngau ra rongorong afalafalen ewe Pworaus Allim.

Mateus 4:24

Iwe, pworausen Jesus a chöfetal lon unusen ewe fanü Siria, pwe ekewe aramas ra uwato ren ekewe chon samau meinisin, chokewe mi üriir sokopaten samau o metek, aramas mi waan anü, mään kawakau me aramas mi mwök. Iwe, Jesus a apöchöküleretä meinisin.

Markus 9:26

Iwe, ewe ngününgau a puchörütä, a achechecha ewe ät o a towu seni. Iwe, ewe ät a konola won pwül usun chök eman mi mäla. Iei mine chomong me lein ekewe aramas ra apasa, “A mäla.”

Lukas 10:17

Iwe, ekewe fik me ruoman ra liwinto fän pwapwa chapur. Ra üreni Jesus, “Äm Samol, ekewe anün rochopwak mwo nge ra aleasochisikem, lupwen aia allük ngeniir fän itom.”

Johannes 14:12

Enlet, üpwe wesewesen ürenikemi: Iö a lüküei epwe föri ekewe föför ngang üa föriir, ewer, epwe pwal mwo nge föri föför mi lap seni ekei, pun ngang üpwe feila ren Semei.

Föför 5:16

Iwe, chomong aramas ra feito seni ekewe telinimw mi nom ünükün Jerusalem, ra ekieto ekewe mi samau ika chokewe mi wor ngününgau wor. Iwe, ir meinisin ra pöchökületä.

Föför 8:6

Lupwen ekewe aramas ra rongorong ngeni än Filip afalafal o küna ekewe manaman a föri, ir meinisin ra fokun aüseling ngeni mine a apasa.

Ipru 2:4

Lon ena chök fansoun Kot a apacha an kapasen pwärätä ngeni ar ren an föri asisil me manaman me sokopaten föför mi amwarar, pwal ren an aineti ekewe lifangen Ngünmifel usun mochenin letipan.