Föför 8:2 - Chuukese Bible

² Ekoch mwän mi tupwöl lon ar lükülük ra peiaseni Stefanus o ra ngüngüres won lon ar kechü fän leüömong.

Föför 8:2 Iomraidhean Croise

Keneses 23:2

Iwe, Sara a mäla lon Kiriat Arpa, a pwal iteni Hepron, lon ewe fanü Kanaan. Nge Apraham a tolong ren pwe epwe kechüeiti Sara o ngüngüres won.

Keneses 50:9

Iwe, chon wawa woken me chon wawa oris ra pwal etala Josef. Ir meinisin eu mwich mi fokun watte.

2. Samuel 3:31

Mürin, Tafit a üreni Joap me ekewe aramas meinisin mi eti, “Oupwe kamwei üfemi, oupwe üföüf üf seni tuk o kechüeiti Apner.” Nge ewe king Tafit a tapwela mürin ewe pwor ewe somä a nom lon.

2. Kronika 32:33

Iwe, Hiskia a mäla, nge ra peiaseni won ewe pal mi nom asen peiasen ekewe mwirimwirin Tafit. Iwe, chon Juta me chon Jerusalem meinisin ra pwärätä ar asamolu, lupwen a mäla. Nge Manasa nöün we mwän a siwili lon wisan wisen king.

2. Kronika 35:25

Pwal ewe soufos Jeremaia a föri echö kölün kechü fän iten Josia. Nge ekewe chon köl mwän me fefin ra föüni iten Josia lon ar kölün kechü tori ikenai. Ei a wiliti eu örüni lon Israel. Iwe, ei köl a makelong lon ewe puken kölün kechü.

Jeremaia 22:10

Ämi aramasen Juta, ousap kechüeiti ika letipeta usun ewe king Josia, ätewe mi mäla. Nge oupwe kechüangaueiti Joahas nöün we, ätewe mi oola, pun esap chüen liwinsefäl o küna poputän fanüan.

Jeremaia 22:18

Iei mine ewe Samol mi Lapalap a apasa fän äsengesin Jehoiakim ewe kingen Juta nöün Josia we mwän, “Aramas resap kechüeiti, lupwen epwe mäla, o üra, ‘Woko pwi’ ika ‘Wole mongeei.’ Resap kechüeiti o apasa, ‘Woko äm samol’ ika ‘Woko äm king.’

Numperis 20:29

Nge lupwen ekewe aramasen Israel meinisin ra silei pwe Aaron a mäla, ir meinisin ra kechüeiti Aaron lon ükükün ilik rän.

Markus 6:29

Iwe, lupwen nöün Johannes kewe chon kaiö ra rong ei pworaus, ra feila o angei somän Johannes o peiaseni.

Lukas 2:25

Lon ena fansoun mi wor eman mwän lon Jerusalem itan Simeon. Ätei a pwüng o aleasochisi än Kot kewe Allük meinisin, a pwal witiwiti ätewe epwe echipa Israel. Iwe, Ngünmifel a nonom won.

Föför 10:2

A tupwöl lon an niuokusiti Kot, i me chon an famili meinisin. A pwal watte an alilis ngeni ekewe chon Juta mi wöüngau o a ikiotek ngeni Kot.

Föför 2:5

A wor chon Juta mi niuokusiti Kot, ra nom lon Jerusalem, ra feito seni ekewe fanü meinisin won fanüfan.

Föför 8:1

Iwe, Saul a fokun tipeeu ngeni ar niela Stefanus. Lon ena chök rän chon ewe mwichefel lon Jerusalem ra tolong lon watten riaföü. Ekewe souläng meinisin ra toropasfeil lon unusen ewe fanü Jutea me Samaria, chilon chök ekewe soukünö.

Föför 8:3

Nge Saul a popuetä le atala mwichefel. A feila ngeni imw me imw o etekinawu ekewe chon lükü, mwän me fefin, o atolongeer lon imwen fötek.

Tuteronomi 34:8

Iwe, ekewe aramasen Israel ra kechüeiti Moses me lon ewe maasiesin Moap lon ükükün ilik rän, tori fansoun ar kechü me letipeta a wes.

1. Samuel 28:3

Lon ewe fansoun Samuel a mäla, chon Israel meinisin ra kechüeiti o peiaseni lon Rama püsin telinimwan. Iwe, Saul a asüela ekewe watawa me sourong seni ewe fanü.