Föför 8:10 - Chuukese Bible

¹⁰ o aramas meinisin lon ewe telinimw, seni ekewe aramas mi iteföüla tori aramas mi kis, ra fokun aüseling ngeni. Ra apasa, “Ätei ewe manamanen Kot, a pwä pwe i ewe Manaman mi Lap!”

Föför 8:10 Iomraidhean Croise

Jeremaia 31:34

Esap wor eman epwe chüen aiti ngeni chon arun ika pwiin an epwe sileei, pun ir meinisin repwe sileei seni ewe mi kis tori ewe mi lap. Iwe, üpwe amusala ar föföringau, nge üsap chüen chechemeni ar tipis. Ngang ewe Samol mi Lapalap üa kapas.”

Jeremaia 42:1

Mürin ekewe meilapen ewe mwichen sounfiu meinisin me Johanan nöün Karea we, pwal Asaria nöün Hosaia we mwän me ekewe aramas meinisin seni ekewe mi kis tori ekewe mi lap ra feito

Jeremaia 6:13

Pun seni ekewe mi kis tori ekewe mi lap ir meinisin ra kütta ar win fän pwüngingau. Pwal seni ekewe soufos tori ekewe souasor ir meinisin ra atupu aramas.

Jeremaia 8:10

Iei mine üpwe fangala pwülüer ngeni chon ekis, pwal fanüer ngeni chokewe mi liapeniir. Pun seni ekewe mi kis tori ekewe mi lap, ir meinisin ra kütta ar win fän pwüngingau, pwal seni ekewe soufos tori ekewe souasor, ir meinisin ra atupu aramas.

Sona 3:5

Iwe, ekewe chon Ninifa ra lükü än Kot we kapas. Ra arongafeili pwe aramas meinisin seni ekewe aramas tekia tori ekewe aramas kis repwe echikefel o üföüf üf seni tuk, pwe asisilen ar ekieksefäl.

Föför 14:11

Lupwen ewe mwichen aramas a küna mine Paulus a föri, ra kökkö fän leüömong lon fosun Likaonia, “Ekewe kot ra feitiu rech lon lapalapen aramas!”

Föför 28:6

Iwe, ekewe aramas ra witiwiti pwe pöün Paulus epwe pwootä ika epwe fen turula o mäla. Ra witiwit fansoun langatam, nge lupwen resap küna och feiengau a fis ngeni, ra siwili ar ekiek o apasa, “Ätei eman kot!”

1. Korint 1:24

Nge ren chokewe Kot a köriir me lein chon Juta me chon lükün Israel, Kraist ewe manamanen Kot me ewe tipachemen Kot.

2. Korint 11:19

Püsin ämi oua fokun tipachem, iei mine oua songomang ngeni chokewe resap mirit!

Efisos 4:14

Mürin sisap chüen sokuni sokun semirit, sisap chüen chüwölüwölfeil ren no kana o mamaanfeil ren enienin asepwälin än chon likatuputup afalafal, ir ätekewe mi emweningaua ekoch aramas ren ar tunochofona.

2. Petrus 2:2

Iwe, chomong aramas repwe apirü ar föför mi fokun ngau. Nge pokiten mine ra föri, ekoch aramas repwe kapasingau usun ewe Al mi Let.

Pwärätä 13:3

Eu me lein möküren ewe manmwacho kewe a kinas usun itä nge eu kinas epwe mäla ren. Nge ewe kinas a mola. Unusen chon fanüfan ra mairü ren o ra tapwela mürin ewe manmwacho.