Föför 7:44 - Chuukese Bible

⁴⁴ “A wor ren ach kewe lewo me lon ewe fanüapö ewe imwenfel seni mangaku. A för usun chök met Kot a aiti ngeni Moses lon liosun we a fen pwäri ngeni me mwan.

Föför 7:44 Iomraidhean Croise

1. Kronika 28:11

Mürin, Tafit a ngeni Salomon liosun ewe imwenfel me kengkangan, liosun ekewe imw me ekewe lenien iseis pisek mi aüchea, liosun ekewe rumwen won me ekewe rumwen lon, pwal liosun ewe rum mi unusen pin, ia a fis ie asoren amusamusen tipis.

1. Kronika 28:19

Iwe, Tafit a üra, “Ekei lapalap mi nom lon ewe akot a mak fän aitien ewe Samol mi Lapalap ngeniei, pwe üpwe apwönüetä.”

2. Kronika 24:6

Iei mine ewe king a titi ewe souasor mi lap Jehoiata o aisini, “Pwota kosap pesei ngeni chon ewe ainangen Lefi, pwe repwe angei seni ekewe chon Juta me chon Jerusalem ewe takises Moses nöün ewe Samol mi Lapalap we chon angang a apwüngala ngeni ekewe chon Israel fän iten ewe imwenfel seni mangaku, ia ekewe allük ra nom ie?”

Ekistos 25:40

Kopwe tümwünü pwe kopwe chök föri meinisin usun mine üa aiti ngonuk me won ewe chuk.”

Ekistos 26:30

Lupwen kopwe aüetä ewe imwenfel seni mangaku, kopwe chök aüetä lon aükükün mine ka küna me won ewe chuk.

Ekistos 27:8

Kopwe föri ewe rongen asoren kek seni pap, nge epwe pöön lon. Iwe, kopwe chök föri usun mine üa aiti ngonuk me won ewe chuk.

Ekistos 38:21

Ikkei iteiten pisekin ewe imwenfel seni mangaku, ewe ia ekewe allük ra nom ie. Ekewe mwän seni ewe ainangen Lefi ra föri ewe angangen alea fän emwenien Itamar nöün ewe souasor Aaron we mwän, usun Moses a allük ngeniir.

Numperis 10:11

Iwe, lon aruuen ränin ewe aruuen maram lon aruuen ier mürin än chon Israel towu seni Isip, ewe kuchu a wiitä seni won ewe imwenfel seni mangaku ewe ia ekewe allük ra nom ie.

Numperis 18:2

Iwe, kopwe pwal emwenato pwiüm kewe chon ewe ainangen Lefi, repwe etuk o alisuk, lupwen ämi me noum kewe mwän oua föri ämi angang lon ewe imwenfel seni mangaku.

Numperis 9:15

Iwe, lon ewe rän ewe imwenfel seni mangaku a kaütä, iei ewe ia ekewe allük ra nom ie, ewe kuchu a pwölüela. Nge seni lekuniol tori lesosor ewe kuchu asen ewe imwenfel seni mangaku a usun chök ekkei.

Ipru 8:2

I a angang lon ewe wisen souasor mi lap lon ewe Leni mi Unusen Pin, iei wesewesen ewe imwenfel seni mangaku ewe Samol a aüetä, nge sap aramas.

Ipru 8:5

Ewe angang ra föri lon wiser wisen souasor a chök eu lios me ngünüen ekewe mettoch mi wor lon läng. Pwal iei chök usun mine a fis ren Moses. Me mwen an epwe aüetä ewe imwenfel seni mangaku, Kot a üreni, “Kopwe tümwünüfichi pwe kopwe föri meinisin lon lapalapen ewe lios ka küna me won ewe chuk.”

Josua 18:1

Mürin, unusen ewe mwichen aramasen Israel ra mwichefengen lon Silo o aüetä ewe imwenfe sen mangaku ikenan. Iwe, ewe fanü mi nom mwer a oola,

Josua 3:14

Iwe, ekewe aramas ra sai seni ewe ia ra nonom ie, pwe repwe pwerela pekilan ewe chanpupu, nge ekewe souasor mi mwärei ewe pworofel ra akom mwer.