Föför 7:3 - Chuukese Bible

³ o üreni, ‘Kopwe towu seni om famili me fanüom, pwe kopwe feila lon ewe fanü ngang üpwe aiti ngonuk.’

Föför 7:3 Iomraidhean Croise

Keneses 12:1

Lon ewe fansoun ewe Samol mi Lapalap a üreni Apram, “Kopwe towu seni fanüom, seni aramasom pwal seni imwen semom, pwe kopwe feila lon ewe fanü ngang üpwe aiti ngonuk.

Keneses 15:7

Mürin, Kot a üreni, “Ngang ewe Samol mi Lapalap. Üa emwenukowu seni Ur lon ewe fanü Papilon, pwe üpwe ngonuk ei fanü pwe kopwe fanüeni.”

Keneses 20:13

Nge lupwen Kot a aiti ngeniei pwe üpwe feila seni imwen semei o siamüfetal, üa üreni pwülüei we, ‘Iei usun kopwe pwäri om kirikiröch ngeniei. Lon ekewe leni meinisin sia tori kopwe apasa pwe ngang mongeom.’”

Nehemia 9:8

Ka küna pwe a allükülük ngonuk, ka föri eu pwon ngeni pwe kopwe ngeni mwirimwirin kana ewe fanüen chon Kaanan, chon Hit, chon Amor, chon Peris, chon Jepus me chon Kirkas, pwe repwe fanüeni. En ka apwönüetä om we pwon, pun ka pwüng.

Mateus 10:37

Iö a tongei saman are inan lap seniei, esap fich ngeni an epwe nei chon kaiö. Nge iö a tongei nöün ät are nengin lap seniei, esap fich ngeni an epwe nei chon kaiö.

Lukas 14:33

Ina chök usun, esap wor eman a tongeni nei chon kaiö are esap pölükü meinisin mine a eäni.

Föför 7:4

Iei mine Apraham a towu seni fanüan o feila pwe epwe nonom lon Haran. Mürin än seman we mäla, Kot a tinala seni ikenan o emwenato lon ei fanü oua nonom lon ikenai.

2. Korint 6:17

Iei mine ach Samol a apasa, “Oupwe towu seniir o aimwükemiila seniir. Ousap atapa och mettoch mi limengau, pwe üpwe etiwakemi.

Ipru 11:8

Ren än Apraham lükü, a aleasochisi Kot lupwen a köri pwe epwe towu seni fanüan o feila ngeni eu fanü Kot a pwon ngeni pwe epwe fanüeni. A feila seni fanüan, nge esap silei ia epwe feila ie.

Josua 24:3

Mürin üa angei Apraham ämi we lewo seni ewe fanü pekilan ewe chanpupu o emwenifeili lon ewe fanü Kanaan, üa pwal awora chomong mwirimwirin. Üa ngeni Apraham Isaak,