Föför 7:2 - Chuukese Bible

² Nge Stefanus a pölüeni, “Ämi pwii me semei kana, oupwe aüseling ngeniei! Me mwen än ach we lewo Apraham feila pwe epwe nonom lon Haran, ewe Kot mi ling a pwä ngeni me lon Mesopotamia

Föför 7:2 Iomraidhean Croise

Keneses 11:31

Iwe, Tara a angei Apram nöün we me Lot nöün Haran pwin Apram we, pwal Sarai pwülüen Apram. Iwe, ra towu seni ewe telinimw Ur lon ewe fanü Papilon, pwe repwe feila lon ewe fanü Kanaan. Nge lupwen ra tori ewe telinimw Haran, ra imweimw ikenan.

Keneses 12:1

Lon ewe fansoun ewe Samol mi Lapalap a üreni Apram, “Kopwe towu seni fanüom, seni aramasom pwal seni imwen semom, pwe kopwe feila lon ewe fanü ngang üpwe aiti ngonuk.

Keneses 12:5

Iwe, Apram a angei Sarai pwülüan we me Lot nöün pwin, pwal pisekir meinisin ra achufengeni me nöür kewe chon angang ra nöüniir amanau me lon Haran. Iwe, ra towu pwe repwe feila lon ewe fanü Kanaan. Iwe, lupwen ra tori,

Keneses 15:7

Mürin, Kot a üreni, “Ngang ewe Samol mi Lapalap. Üa emwenukowu seni Ur lon ewe fanü Papilon, pwe üpwe ngonuk ei fanü pwe kopwe fanüeni.”

Keneses 29:4

Iwe, Jakop a üreni ekewe chon mas, “Pwii kana, ia oua feito me ie?” Nge ra pälüeni, “Äm aia feito seni Haran.”

Nehemia 9:7

En ewe Samol mi Lapalap, ewe Kot mi filätä Apram, ka emwenawu i seni Ur lon ewe fanü Papilon o siwili itan ngeni Apraham.

Kölfel 24:10

Iö ei king mi ling? Ewe Samol mi Unusen Manaman, i ewe king mi ling.

Kölfel 24:7

Oupwe sukala ekewe asam, oupwe sukchöchöla ekewe asamen lom, pwe ewe king mi ling epwe tolong lon.

Kölfel 29:3

Aramas ra rongorong möngüngün ewe Samol mi Lapalap won ekewe matau. Ewe Kot mi ling a apüngü chopulap. Möngüngün ewe Samol mi Lapalap a tittiriis me won ekewe matau.

Aisea 37:12

Ai kewe lewo ra ataala ekewe telinimw Kosan, Haran, Resef o niela ekewe aramasen Eten mi nom Telassar. Iwe, esap wor eman lein ar kewe kot a tongeni amanaueer.

Aisea 51:2

Oupwe nenengeni ämi we lewo Apraham, pwal Sara inelapemi we. Lupwen üa köri Apraham, esap wor nöün. Nge ngang üa afeiöchü pwe a wor nöün, üa pwal achomonga mwirimwirin kana.

Aisea 6:3

Iwe, ra kökköfengen lefiler, “A pin, a pin, a pin ewe Samol mi Unusen Manaman. Unusen fanüfan a ur ren lingan.”

Mateus 6:13

Iwe, kosap atolongakem lon sosot, nge kopwe angasakem seni ewe mi ngau. [Pun om chök mwü me manaman me ling feilfeilachök. Amen’]

Lukas 2:14

“Kot epwe ling lon läng, epwe wor kinamwe won fanüfan ngeni aramas, chokewe Kot a pwapwa rer.”

Johannes 1:14

Ewe Kapas a wiliti aramas o nonom lefilach. Sia nengeni an we ling, ewe ling Saman a ngeni, pun i Nöün Aleman, a uren ümöümöch me let.

Johannes 12:41

Aisea a apasa ekei kapas, pun a küna än Jesus ling o kapas usun i.

Föför 22:1

“Ämi pwii me semei kana, oupwe aüseling ngeniei, pun üpwe püsin peniei mwemi.”

Föför 23:7

Lon ewe chök otun a apasatä ekei kapas, ekewe Farisi me Satusi ra popuetä le aninifengen o ewe mwich a kinikinfesen.

Föför 7:1

Iwe, ewe Souasor mi Lap a aisini Stefanus, “Ifa usun, a let mine ra aturuk won?”

1. Korint 2:8

Esap wor eman sounemenemen ei fanüfan a silei ei tipachem, pun ika repwe silei, resap iräpengesi ewe Samol mi ling.

Efisos 1:17

o tüngor ngeni än ach we Samol Jesus Kraist we Kot, i Samach we mi ling, pwe epwe ngenikemi ewe Ngünmifel. I ewe mi atipachemakemi o asile ngenikemi usun Kot, pwe epwe lapala ämi silei i.

Titus 2:13

Iwe, sipwe witiwiti ewe Ränin feiöch sia apilükülük ngeni, lupwen lingen ach we Kot mi tekia, ach Chon Amanau Jesus Kraist epwe wareto.

Ipru 1:3

A lingeni lingen Kot o wesewesen lapalapeni lapalapen Kot. A anükünüköchü mettoch meinisin ren an kapas mi manaman. Mürin an awesala amusamusen än chon fanüfan tipis, a mottiu lepelifichin Kot lon läng, i ewe mi manaman seni meinisin.

Ipru 11:8

Ren än Apraham lükü, a aleasochisi Kot lupwen a köri pwe epwe towu seni fanüan o feila ngeni eu fanü Kot a pwon ngeni pwe epwe fanüeni. A feila seni fanüan, nge esap silei ia epwe feila ie.

James 2:1

Ämi pwii kana, ämi chon lükü ach Samol Jesus Kraist, ewe Samol mi ling, ousap lifilifil aramas pokiten chök lapalapen inisiir me lükün.

Josua 24:2

Iwe, Josua a üreni ekewe aramasen Israel meinisin, “Iei alon ewe Samol mi Lapalap ewe Koten Israel, ‘Me lomlom, ämi kewe lewo ra nom pekilan ewe chanpupu Oifrat o fel ngeni pwal ekoch kot. Eman me leir itan Tera semen Apraham me Nahor.

Pwärätä 4:11

“Ach Samol me ach Kot, en ka fich ngeni om kopwe angei ling me iteüöch me manaman. Pun ka föri mettoch meinisin, nge ren letipom ra fis o manau.”