Föför 7:16 - Chuukese Bible

¹⁶ Iwe, somäär kewe ra uwato Sikem o peiaseniir lon ewe peias Apraham a möni seni nöün Hamor kewe mwän.

Föför 7:16 Iomraidhean Croise

Keneses 23:16

Iwe, Apraham a tipeeu ngeni Efron. A kiloni ewe silifer Efron a fos usun me mwan fän mesen ekewe chon Hit, pwe epwe ngeni ükükün engol paun silifer. Iwe, Apraham a aea ewe kilo ekewe chon amömö lon ewe leni ra aea.

Keneses 23:4

“Ngang eman wasöla mi siamü remi. Ouse mochen oupwe amömö ngeniei eu fanü pwe ai lenien peias, pun üa mochen peiaseni ai ei somä.”

Keneses 35:19

Iwe, lupwen Rahel a mäla, ra peiaseni lepekin ewe al a ale ngeni Efrat, a pwal iteni Petleem.

Keneses 47:30

nge kopwe uweeila seni Isip pwe üpwe peias lon lenien peiasen semei kewe.” Iwe, Josef a apasa, “Üpwe föri mine ka üreniei.”

Keneses 50:12

Iwe, nöün Jakop kewe mwän ra föri ngeni usun mine a allük ngeniir.

Keneses 50:13

Ra uweala semer we ngeni ewe fanü Kanaan o peiaseni lon ewe pwangen achau mi nom lon ewe tanipi Makpela ötiuen Mamre, Apraham a mönifengeni me ewe tanipi seni Efron ewe re Hit, pwe epwe an lenien peias.

Ekistos 13:19

Nge Moses a uwei chün Josef usun i a tüngorei ekewe aramasen Israel repwe pwon fän akapel pwe repwe uwei chün. Pun Josef a apasa, “Kot epwe fokun alisikemi, nge lupwen oupwe towu, oupwe uwei chüi seni ikei.”

Josua 24:32

Iwe, ekewe aramasen Israel ra peiaseni chün Josef ra uwato me Isip. Ra peiaseni lon Sikem, lon kinikinin ewe fanü Jakop a möni won ükükün ipükü föün moni silifer seni nöün Hamor kewe mwän, nge Hamor semen Sikem. Ei fanü a wiliti fanüen mwirimwirin Josef.