Föför 7:10 - Chuukese Bible

¹⁰ o amanaua seni an kewe riaföü meinisin. Iwe, Kot a ngeni Josef mirit o atufichi i pwe epwe küna chen me ren ewe kingen Isip. Iei mine Farao a seikätä i pwe epwe wiseni ewe wisen kepina lon unusen Isip o nemeni imwan kewe meinisin.

Föför 7:10 Iomraidhean Croise

Keneses 39:21

Nge ewe Samol mi Lapalap a eti Josef o eäni kirikiröch ngeni, pwe a küna ümöümöch me ren ewe chon nemeni ewe imwen fötek.

Keneses 42:6

Iwe, lon ewe fansoun Josef a kepinan ewe fanü, nge i chök a tongeni amömö ngeni chon fanü meinisin. Iwe, pwin Josef kewe ra pwal feito ren o chapetiu lepwül me mwan.

Keneses 44:18

Iwe, Juta a kanoto ren Josef o üreni, “Ai samol, kose mochen kopwe mwüt ngeniei ngang noum chon angang pwe üpwe apasätä och kapas ngonuk. Kose mochen kosap song ngeniei, pun en ka wewe chök me Farao.

Keneses 48:16

pwal ewe chon läng mi amanauaei seni feiengau meinisin epwe afeiöchü ekei ät. Iwe, repwe iteni itei me iten semelapei kewe Apraham me Isaak tori feilfeilachök, repwe pwal fokun chomongola won fanüfan.

1. King 8:50

Iwe, kopwe amusala än noum kewe aramas tipis me pupungau ra föri ngonuk. Kopwe pwal awora tong lon leluken chokewe mi uweerela, pwe repwe tongeer.

Kölfel 22:24

Pun Kot esap aliwini eman mi mwelele ika oput eman mi nom lon riaföü. Esap amona mesan seni, nge a pälüeni, lupwen a siö ngeni.

Kölfel 37:40

Ewe Samol mi Lapalap a alisiir o angaseer. A angaserela seni ekewe aramasangau o amanaueer, pun ra eäni i lenien op.

Än Salomon Fos 16:7

Are än eman aramas föför a apwapwai ewe Samol mi Lapalap, i epwe pwal föri pwe chon oputan repwe kinamwe ngeni.

Än Salomon Fos 2:6

Pun ewe Samol mi Lapalap a fangala tipachem, i a atowu silelap me weweöch.

Än Salomon Fos 3:4

Are kopwe föri ei, kopwe küna ümöümöch me iteüöch me ren Kot me aramas.

Jeremaia 39:12

“Kopwe angei Jeremaia o tümwünüöchü. Kosap afeiengaua, nge kopwe chök föri ngeni usun mine a ürenuk.”

2. Timoty 4:18

Ach samol epwe pwal angasaei seni ekewe sokun angangingau meinisin o amanauaei, pwe epwe uweeila ngeni mwün lon läng. I epwe ling tori feilfeilachök! Amen.

James 5:11

Sia apasa pwe ir chon feiöch pokiten ar likitü. Oua rongorong usun än Hiop likitü, oua pwal silei met ach Samol a amolätä fän itan lesopolan. Pun ach Samol a uren kirikiröch me tong.

Pwärätä 7:14

Üa pölüeni, “Ai samol, üsap silei, en mi silei.” Iwe, a üreniei, “Ekei aramas, ir chokewe mi towu seni ewe riaföü mi lapalap. Ra limeti üfer o apwecher lon chaan ewe Lam.