Föför 6:9 - Chuukese Bible

⁹ Nge ekoch mwän ra ü ngeni Stefanus, ir chon ewe imwen felikis mi iteni “Chon Ngas”, ekoch chon Juta seni Kirene me Aleksantria ra choni ei mwich. Ir me pwal ekoch chon Juta seni ekewe fanü Silisia me Asia ra popuetä le anini ngeni Stefanus.

Föför 6:9 Iomraidhean Croise

Mateus 10:17

Oupwe mamasa, pun epwe wor aramas repwe fötekinikemi o emwenikemi lon kapwüng, repwe pwal wichikemi me lon ar kewe imwen felikis.

Mateus 23:34

Iei mine üpwe tinala remi soufos me soutipachem me sense. Ämi oupwe niela ekoch leir, oupwe iräpengesi ekoch, oupwe pwal wichi ekoch me lon ämi imwen felikis o cheerela seni eu telinimw tori pwal eu telinimw.

Mateus 27:32

Iwe, lupwen ar towu seni ewe telinimw, ra churi eman mwän itan Simon seni Kirene. Ekewe sounfiu ra echimwa ngeni pwe epwe mwärei ngeni Jesus an we iräpenges.

Markus 13:9

Oupwe püsin mamasakemi. Pun repwe fötekinikemi o emwenikemiilong lon kapwüng. Repwe wichikemi lon ar kewe imwen felikis. Oupwe ütä mwen ekewe kepina me king pokitei, pwe oupwe pwärätä ngeniir mine a let.

Lukas 21:12

Nge me mwen ekewe mettoch meinisin repwe fisitä, repwe turufikemi o ariaföüükemi, repwe etekinikemiila pwe oupwe kapwüng lon ekewe imwen felikis o atolongakemi lon imwen fötek. Repwe pwal emwenikemiila mwen ekewe king me kepina pokiten itei.

Föför 11:20

Nge ekoch me lein ekewe chon lükü Jesus, ir mwän seni Saipros me Kirene, ra feila Antiokia o arongafeili kapasen Kot ngeni pwal ekewe chon lükün Israel, ra afalafala ngeniir ewe Pworausen Manau usun ach Samol Jesus.

Föför 13:1

Iwe, a wor soufos me sense lon ewe mwichefel lon Antiokia iter Parnapas, Simeon a pwal iteni Niker, Lusius seni Kirene me Manaen, (ätei a folfengen me ewe samol Herotes) pwal Saul.

Föför 13:45

Nge lupwen ekewe chon Juta ra küna ewe mwicheichen aramas, ra fokun lolowo. Ra esita mine Paulus a apasa o kapasingau usun.

Föför 15:23

Iei masouen ewe toropwe ra tini ngeniir: “Äm pwimi kewe soukünö me souakom, aia tinala äm kapong ngeni ämi pwiim kana meinisin chon lükün Israel mi nom lon Antiokia, Siria me Silisia.

Föför 15:41

A saifeil lon Siria me Silisia o apöchöküla chon ekewe mwichefel.

Föför 16:6

Iwe, Paulus me chiechian kana ra sai lemenen ekewe fanü Frikia me Kalatia, pun ewe Ngünmifel esap mwüt ngeniir pwe repwe afalafala ewe Kapasen Kot lon ewe fanü Asia.

Föför 18:24

Lon ewe fansoun eman chon Juta itan Apollos, i a uputiu lon Aleksantria, a tori Efisos. Ätei eman mi silelap le afalafal, a pwal silefichi kapasen lon ekewe Toropwe mi Pin.

Föför 19:10

Ei a fis lon ükükün ruu ier, pwe ekewe aramas meinisin mi nom lon ewe fanü Asia, ir ekewe chon Juta me ekewe chon lükün Israel, ra rongorong kapasen ach Samol.

Föför 19:26

Nge iei oua tongeni püsin küna o rongorong met ätenan Paulus a föri. A apasa pwe ekewe uluulun kot mi för ren pöün aramas resap wesewesen kot. Nge a fen liapenala chomong aramas ikei lon Efisos pwal lon arapakan unusen ei fanü Asia.

Föför 21:27

Nge lupwen a arapakan ngeni pwe ekewe fisu rän repwele sopola, ekoch re Juta seni ewe fanü Asia ra küna Paulus me lon ewe imwenfel. Ra etipetipa unusen chon ewe mwich o ra turufi Paulus.

Föför 21:39

Iwe, Paulus a pölüeni, “Ngang eman re Juta, üa uputiu lon ewe telinimw Tarsus lon Silisia, ngang eman chon eu telinimw mi iteföüla. Kose mochen mwüt ngeniei ai üpwe kapas ngeni ekei aramas.”

Föför 22:19

Iwe, üa pölüeni, ‘Ai Samol, ir ra fokun silei pwe ngang üa feila lon ekewe imwen felikis ai üpwe turufi o wichi chokewe mi lükü en.

Föför 22:3

“Ngang eman re Juta, üa uputiu lon ewe telinimw Tarsus lon Silisia, nge üa mämäritä ikei lon Jerusalem. Üa sukul ren ewe sense Kamaliel, a aiti ngeniei tichikin ekewe allük seni ach kewe lewo pwe üpwe apwönüretä. Üa fangala manauei ngeni Kot usun chök ämi oua föri ikenai.

Föför 23:34

Ewe kepina a aleani ewe toropwe o aisini Paulus meni fanü a feito seni. Iwe, lupwen a silei pwe Paulus a feito seni ewe fanü Silisia,

Föför 24:18

Lupwen üa föri iei usun, ra künaei lon ewe Imwenfel, mürin ai awesi ai we angangen alimelim. Esap wor eu mwichen aramas a nom rei, esap pwal wor och fitikoko.

Föför 26:11

Fän chomong üa ariaföüür lon ar kewe imwen felikis, üa pwal achocho le föri mine repwe fangata ar lükülük ren. Lon ai lingeringeritiir üa fen mwo nge feila ngeni ekewe telinimwen chon ekis pwe üpwe ariaföüür.

Föför 6:10

Nge Ngünmifel a ngeni Stefanus tipachem, pwe lupwen a kapas, ir resap tongeni pölüeni.

1. Korint 1:20

Iwe, ifa i ewe soutipachem? Ifa i ewe souekiek? Ifa i ewe mi silelap le anini lon kapasen ei fanüfan? Ifa usun, Kot esap pwärätä pwe tipachemen ei fanüfan mi chök umwes?

Kalatia 1:21

Mürin üa feila lon ekewe fanü Siria me Silisia.