Föför 6:5 - Chuukese Bible

⁵ Iwe, unusen ewe mwich a tipeeu ngeni mine ekewe soukünö ra eäni akot. Iei mine ra filätä Stefanus, eman mwän mi fokun lükülük o uren Ngünmifel, me Filip, Prokorus, Nikanor, Timon, Parmenas me Nikolaus seni Antiokia, eman chon lükün Israel mi etiwa lamalamen chon Juta me mwan.

Föför 6:5 Iomraidhean Croise

Keneses 41:37

Iwe, Farao me nöün kewe nöüwis meinisin ra tipeeu ngeni ei akot.

Än Salomon Fos 15:1

Eu kapasen pälüen mi pwetete a awesi lingeringer, nge eu kapas pöchökül a afisätä song.

Än Salomon Fos 15:23

Eman aramas a pwapwa, lupwen a sileöchü mine epwe apasa, sokun kapas mi fichiti eu me eu fansoun.

Mika 3:8

Nge ngang, ewe Samol mi Lapalap a aüraei ren Ngünün me an manaman, a atufichiei, pwe üpwe weweiti mine a pwüng o apworaei, pwe üpwe pwäri ngeni ekewe chon Israel ar kewe tipis.

Mateus 23:15

Feiengauemi, ämi Sensen Allük me Farisi! Ämi chon likatuputup! Ämi oua saifeil le matau pwal won fanü fän iten ämi oupwe liapeni eman aramas ngeni ämi lamalam. Nge lupwen eman a etiwa ämi lamalam, oua föri pwe ewe aramas epwe kon ngau senikemi le tolong lon hell.

Föför 11:19

Iwe, ekewe chon lükü Jesus ra toropasfeil pokiten ewe riaföü watte a toriir lupwen Stefanus a ninnila. Ekoch leir ra feila tori Fönisia, Saipros me Antiokia o afalafala kapasen Kot ngeni ekewe chök chon Juta.

Föför 11:20

Nge ekoch me lein ekewe chon lükü Jesus, ir mwän seni Saipros me Kirene, ra feila Antiokia o arongafeili kapasen Kot ngeni pwal ekewe chon lükün Israel, ra afalafala ngeniir ewe Pworausen Manau usun ach Samol Jesus.

Föför 11:22

Ewe pworaus usun mine a fis a tori ewe mwichefel lon Jerusalem, iei mine ra tinala Parnapas Antiokia.

Föför 11:24

Parnapas eman mwän mi aramasöch, a uren Ngünmifel me lükülük o chomong aramas ra lükü ewe Samol ren.

Föför 11:26

Iwe, lupwen an küna, a emwenato Antiokia. Lon ükükün eu ier Parnapas me Saul ra chufengen me chon ei mwichefel o asukula eu mwichen aramas mi watte. A fis me lon Antiokia, pwe aramas ra popuetä le aita ngeni ekewe chon lükü “souläng” (Chon tapwela mürin Kraist).

Föför 11:27

Lon ena fansoun ekoch soufos ra feito Antiokia seni Jerusalem.

Föför 13:1

Iwe, a wor soufos me sense lon ewe mwichefel lon Antiokia iter Parnapas, Simeon a pwal iteni Niker, Lusius seni Kirene me Manaen, (ätei a folfengen me ewe samol Herotes) pwal Saul.

Föför 15:22

Mürin ekewe soukünö me ekewe souakom fiti unusen chon ewe mwichefel ra apwüngala pwe repwe filätä ekoch mwän me leir, pwe repwe tiniirela Antiokia fiti Paulus me Parnapas. Iwe, ra filätä Silas me Jutas mi pwal iteni Parsapas, ir ruoman souemwen me lein ekewe chon lükü Jesus.

Föför 2:4

Iwe, ir meinisin ra urela ren Ngünmifel o ra popuetä le kapas lon kapasen ekis usun Ngünmifel a amwelielier.

Föför 21:8

Sorotän ewe rän aia sai seni ikenan o tori Seserea. Ikenan aia nonom lon imwen Filip, i eman chon arongafeili ewe Pworausen Manau, pwal i eman lein ekewe füman mwän mi kefilitä me lon Jerusalem.

Föför 22:20

Nge lupwen ar niela noumw chon pwärätä Stefanus, ngang üa nom ikenan o tipeeu ngeni ar niela, üa pwal tümwünü üfen ätekewe mi niela i.’

Föför 6:10

Nge Ngünmifel a ngeni Stefanus tipachem, pwe lupwen a kapas, ir resap tongeni pölüeni.

Föför 6:3

Iei mine ämi pwii kana, oupwe filätä füman mwän me leimi mi uren Ngünmifel o fokun tipachem, pwe sipwe awisa ngeniir ei angang.

Föför 6:8

Iwe, Stefanus eman mwän mi uren feiöch me ren Kot, a fokun wor an tufich, pwe a föri manaman me asisil mi lapalap me lein ekewe aramas.

Föför 7:1

Iwe, ewe Souasor mi Lap a aisini Stefanus, “Ifa usun, a let mine ra aturuk won?”

Pwärätä 2:15

Ina chök usun a pwal wor reöm aramas mi aleasochis ngeni aitien ekewe chon Nikolaus.

Pwärätä 2:6

Nge iei met a wor reöm üa efich: Ka oput mine ekewe chon Nikolaus ra föri, usun pwal ngang üa oput.