Föför 6:3 - Chuukese Bible

³ Iei mine ämi pwii kana, oupwe filätä füman mwän me leimi mi uren Ngünmifel o fokun tipachem, pwe sipwe awisa ngeniir ei angang.

Föför 6:3 Iomraidhean Croise

Ekistos 18:21

Nge kopwe filätä me lein ekewe aramas mwän mi lipwäköch o meniniti Kot, ir mi wenechar o oput lifangen amichimich. Ekei sokun mwän kopwe seikiretä, pwe repwe nemenem won ngeröü me pükü, won lime me engol aramas.

Aisea 28:26

Iwe, ewe chon tanipi a sileöchü mine epwe föri, pun an Kot a aiti ngeni.

Aisea 28:6

Epwe afisätä ekiekin pwüngüöch ngeni ätewe mi wiseni ewe wisen soukapwüng, epwe pwal apworai chokewe mi wisen asüela chon maun lükün asamalapen tittin ewe telinimw.

Mateus 23:8

Nge ämi ousap mwüt ngeni aramas pwe repwe kökköri ngenikemi ‘Sense’, pun a chök wor eman nöümi Sense, nge ämi meinisin oua pwipwi.

Johannes 21:23

Iei mine a chöfeil ewe kapas lein ekewe chon kaiö, pwe ei eman chon kaiö esap mäla. Nge Jesus esap apasa pwe ätewe esap mäla, pwe a chök apasa, “Are üa mochen an epwe nonom tori ai üpwe liwinto, met pwal wewen ngonuk?”

Föför 1:15

Ekoch rän mürin a fis eu mwichen chon lükülük, ina epwe ükükün ipükü rüwe. Iwe, Petrus a ütä lefiler

Föför 1:21

Iei mine a öch ach sipwe filätä eman me lein ekei mwän mi etikich lon unusen fansoun ach Samol Jesus a nom rech.

Föför 10:22

Ekewe mwän ra pölüeni, “Kornelius ewe meilapen sounfiu a tinikeemito. I eman mwän mi pwüng o niuokusiti Kot, a wor meninin me ren ekewe aramasen Juta meinisin. Eman chon läng mi pin a üreni pwe epwe titi en, pwe kopwe feila lon imwan, pun a mochen rongorong met kopwe üreni.”

Föför 15:23

Iei masouen ewe toropwe ra tini ngeniir: “Äm pwimi kewe soukünö me souakom, aia tinala äm kapong ngeni ämi pwiim kana meinisin chon lükün Israel mi nom lon Antiokia, Siria me Silisia.

Föför 16:2

Timoty a iteüöch me ren ekewe chon lükü Jesus meinisin lon Listra me Ikonium.

Föför 2:4

Iwe, ir meinisin ra urela ren Ngünmifel o ra popuetä le kapas lon kapasen ekis usun Ngünmifel a amwelielier.

Föför 22:12

“Lon ena telinimw a wor eman mwän itan Ananias. I eman mwän mi achocho le fel ngeni Kot o aleasochisi ach kewe allük, a pwal watte sufölün me ren ekewe chon Juta meinisin mi nom lon Tamaskus.

Föför 28:14

Ikenan aia churi ekoch chon lükü Jesus mi tüngor ngenikem pwe aipwe nonom rer lon ükükün eu wiik. Iei usun aia sai ngeni Rom.

Föför 6:2

Iwe, ekewe engol me ruoman soukünö ra amwichafengeni unusen ewe mwichen chon lükülük o üreniir, “Esap pwüng ngenikem äm aipwe tümwününgau ngeni äm afalafala kapasen Kot fän iten äm tümwünü ewe angangen inetin mongö.

Föför 6:5

Iwe, unusen ewe mwich a tipeeu ngeni mine ekewe soukünö ra eäni akot. Iei mine ra filätä Stefanus, eman mwän mi fokun lükülük o uren Ngünmifel, me Filip, Prokorus, Nikanor, Timon, Parmenas me Nikolaus seni Antiokia, eman chon lükün Israel mi etiwa lamalamen chon Juta me mwan.

Föför 6:6

Iwe, ra emwenala ekei mwän ren ekewe soukünö, nge ir ra iseis pöür won möküren eman me eman leir o iotek wor.

Föför 9:30

Lupwen ekewe chon lükü Jesus ra rongorong usun ei ekiek, ra emwenala Saul ngeni Seserea o tinala Tarsus.

1. Korint 12:8

Ewe Ngün a lifang ngeni eman aramas an epwe afalafala ewe kapas fän tipachem, pwal ewe chök Ngün a lifang ngeni eman an epwe afalafala ewe kapas fän silelap.

1. Korint 16:3

Lupwen üpwe torikemi, üpwe tinala ätekewe oua filiiretä o ngeniir toropwe, pwe repwe uwala ewe lifang lon Jerusalem.

Efisos 5:18

Ousap apuchakemi ren wain, pun ei epwe afeiengauakemi. Nge oupwe urela ren Ngünmifel.

Tuteronomi 1:13

Oupwe filätä mwän mi mirit me tipachem me mwokos seni ämi kewe ainang, pwe üpwe seikiretä womi.’

1. Timoty 5:10

a pwal sil me ren aramas ren an föför mürina, a foleniöchü nöün kana, a etiwaöchü wasöla lon imwan, a talü pechen ekewe chon pin, a alisi aramas mi nom lon osupwang o fokun achocho le föri föför mürina fansoun meinisin.

James 1:17

Lifang mi mürina meinisin me feiöch mi unusöch meinisin ra feitiu seni läng, ra feitiu seni ewe Sam mi föri ekewe Saram lon läng, ewe esap siwil, esap pwal fis rochopwak ren an kul.

3. Johannes 1:12

Aramas meinisin ra kapasöch usun Temetrius, pwal ewe let a kapasöch usun i. Iwe, pwal iei usun mine kich sia pwärätä o oua silei pwe met sia apasa a let.