Föför 6:2 - Chuukese Bible

² Iwe, ekewe engol me ruoman soukünö ra amwichafengeni unusen ewe mwichen chon lükülük o üreniir, “Esap pwüng ngenikem äm aipwe tümwününgau ngeni äm afalafala kapasen Kot fän iten äm tümwünü ewe angangen inetin mongö.

Föför 6:2 Iomraidhean Croise

Nehemia 6:3

Iwe, üa tinala chon künö rer pwe repwe üreniir, “Üa föri eu angang mi fokun aüchea, üsap tongeni feila remi. Pwota ewe angang epwe kaüla pokiten ai likitala o feila remi?”

Föför 21:22

Met sipwe föri? Ir repwe fokun rongorong pwe ka war.

Föför 25:27

Pun esap pwüng ngeniei ai üpwe tinala eman chon fötek, nge esap fatöch ekewe kapasen atutur ra atipisi won.”

Föför 4:19

Nge Petrus me Johannes ra pölüeniir, “Oupwe püsin apwüngü are a pwüng mwen mesen Kot ach sipwe aleasochis ngenikemi mwen ach aleasochisi Kot.

Föför 6:1

Ekoch fansoun mürin, lupwen ekewe chon lükü Jesus ra chomongola, a fis eu anini lefilen ekewe chon Juta mi fos lon kapasen Krik me ekewe chon Juta mi chök fos lon kapasen Ipru. Ekewe chon Juta mi fos lon kapasen Krik ra apasa, pwe ekewe fefin mi mä pwülüer seni lon ar we mwich resap angei inetiir mongö iteiten rän.

Föför 6:3

Iei mine ämi pwii kana, oupwe filätä füman mwän me leimi mi uren Ngünmifel o fokun tipachem, pwe sipwe awisa ngeniir ei angang.

2. Timoty 2:4

Eman sounfiu mi föri wisan a mochen föri met an samol epwe pwapwa ren, nge esap pachelong lon sokun angangen manauen aramas.