Föför 6:10 - Chuukese Bible

¹⁰ Nge Ngünmifel a ngeni Stefanus tipachem, pwe lupwen a kapas, ir resap tongeni pölüeni.

Föför 6:10 Iomraidhean Croise

Hiop 32:18

Pun üse chüen tongeni fanafanala. Üse chüen tongeni amwöchü ai kapas.

Hiop 32:8

Nge Ngünün Ewe mi Unusen Manaman mi nom lon aramas a atufichiir pwe repwe weweöch.

Ekistos 4:12

Iei mine kopwe feila, nge ngang üpwe alisuk le kapas o aiti ngonuk mine kopwe eäni fos.”

Aisea 54:17

Nge esap wor och pisekin maun epwe tongeni afeiengauok. Iwe, kopwe tongeni pälüeni chokewe meinisin mi atipisuk lon kapwüng. Iei feiöchün nei kewe chon angang me rei, iei usun üa awineer.” Ewe Samol mi Lapalap a kapas.

Jeremaia 15:20

Iwe, üpwe föri pwe kopwe wewe ngeni eu tit mi pöchökül seni piras ngeni ekei aramas. Ir repwe fiu ngonuk, nge resap tongeni akufuk, pun ngang üa etuk pwe üpwe amanauok o angasok.

Isikiel 3:27

Nge lupwen ai fos ngonuk, üpwe suki awom pwe kopwe üreniir, ‘Iei alon Kot ewe Samol mi Lapalap.’ Iö a mochen rongorong, epwe rongorong, nge iö esap mochen, epwe chök lükümach. Pun ir eu täppin aramas mi lükümach o ü ngeniei.”

Mika 3:8

Nge ngang, ewe Samol mi Lapalap a aüraei ren Ngünün me an manaman, a atufichiei, pwe üpwe weweiti mine a pwüng o apworaei, pwe üpwe pwäri ngeni ekewe chon Israel ar kewe tipis.

Lukas 1:17

I epwe akom mwen ewe Samol lon tufichin ewe Ngün me ewe manaman mi nom ren Elias. Epwe akulu leluken ekewe sam ngeni nöür o akulusefäli letipen ekewe aramas mi lükümach, pwe repwe eäni ekiekin ekewe chon pwüng. Pun epwe amolätä fän iten ewe Samol eu mwichen aramas mi amolöch.”

Lukas 21:15

pun üpwe fang ngenikemi ekewe kapas me tipachem, pwe esap wor eman chon oputakemi epwe tongeni ü ngenikemi ika öpölüakemi.

Johannes 7:46

Ra pölüeni, “Esap wor eman aramas a afalafal usun än ei mwän afalafal.”

Föför 5:39

nge are a pop seni Kot, ousap tongeni aüküretiu. Oupwe chök silei pwe oua fiu ngeni Kot.” Iwe, ewe mwichen soupwüng a tipeeu ngeni än Kamaliel we öüröür ngeniir.

Föför 6:11

Iei mine ra möni ekoch mwän pwe repwe apasa, “Äm aia rongorong pwe Stefanus a eäni kapasen turunufas usun Moses me Kot!”

Föför 6:9

Nge ekoch mwän ra ü ngeni Stefanus, ir chon ewe imwen felikis mi iteni “Chon Ngas”, ekoch chon Juta seni Kirene me Aleksantria ra choni ei mwich. Ir me pwal ekoch chon Juta seni ekewe fanü Silisia me Asia ra popuetä le anini ngeni Stefanus.

Föför 7:51

Iwe, Stefanus a sopwela le kapas ngeniir, “Ämi aramas mi tipeförea! Letipemi ra usun chök chokewe resap lükü Kot, oua rongomang ngeni kapasen Kot! Ämi oua usun chök ämi kewe lewo: Pwal ämi oua ü ngeni Ngünmifel fansoun meinisin.

1. Korint 2:4

Iwe, ai afalafal me ai asukul ngenikemi esap fis ren kapasen tipachemen aramas ra aea le elliapa aramas, nge a fis ren sokun afalafal mi alletätä manamanen Kot me Ngünün,