Föför 6:1 - Chuukese Bible

¹ Ekoch fansoun mürin, lupwen ekewe chon lükü Jesus ra chomongola, a fis eu anini lefilen ekewe chon Juta mi fos lon kapasen Krik me ekewe chon Juta mi chök fos lon kapasen Ipru. Ekewe chon Juta mi fos lon kapasen Krik ra apasa, pwe ekewe fefin mi mä pwülüer seni lon ar we mwich resap angei inetiir mongö iteiten rän.

Föför 6:1 Iomraidhean Croise

Hiop 29:13

Chokewe mi arap ngeni ar repwe mäla ra afeiöchüei, üa pwal apwapwai leluken ekewe fefin mi mä pwülüer.

Hiop 31:16

Ifa usun, üa amwöchü seni ekewe chon wöüngau mine ra tüngor, ika popwi pwe ewe fefin mi mä pwülüan a tton mesan ren kechü?

Kölfel 110:3

Lon ränin om kopwe maun ngeni chon oputom noum aramas repwe etuk fän püsin letiper o üföüf ekewe üf mi pin. Usun amurenipwin mi nom lesosorusich, iei usun noum kewe alüal repwe feito reöm.

Kölfel 72:16

Amwo epwe wor chomong wiich lon ewe fanü. Amwo epwe wor uän irä won ekewe chuk. Resin ewe fanü epwe usun chök resin Lepanon. Nge ekewe telinimw repwe ur ren aramas usun chök ewe lemäl a ur ren fetil.

Aisea 1:17

Iwe, oupwe kaiö föföröch o kütta pwüngüöch, nge oupwe epeti angangen chon mwänewüs. Oupwe peni chokewe mi mäsen, oupwe pwal alisi ekewe fefin mi mä pwülüer.”

Aisea 27:6

Lon fansoun epwe feito, ekewe chon Israel, ir ekewe mwirimwirin Jakop, repwe apwükü warer usun efoch irä, repwe fasar me sot, repwe pwal amasoua unusen fanüfan ren uar.

Jeremaia 30:19

Seni lon ekewe imw aramas repwe chietä kölün kilisou o mweireiren pwapwa. Üpwe achomongerela, pwe resap chokükün. Üpwe aitöchüür, pwe resap chüen itengau.

Isikiel 22:7

Iwe, ämi chon ei telinimw ousap meniniti sememi me inemi, oua kirikiringau ngeni ekewe chon ekis o ariaföüü chon mäsen me fefin mi mä pwülüer.

Malakai 3:5

Iei alon ewe Samol mi Unusen Manaman, “Mürin, üpwe feito remi pwe üpwe apwüngükemi. Ngang üpwe eman chon pwärätä mi atipisi ekewe sourong, ekewe chon lisowu, ekewe mi akapelmwäl me ekewe mi angaua liwinin nöür chon angang, pwal chokewe mi ariaföüü ekewe fefin mi mä pwülüer, ekewe mi mäsen me ekewe chon siamü. Üpwe atipisi chokewe meinisin resap niuokusitiei.”

Mateus 23:13

“Feiengauemi, ämi Sensen Allük me Farisi! Ämi chon likatuputup! Oua öpüngala ewe asam ngeni Mwün Läng seni aramas. Nge püsin ämi ousap tolong lon, ousap pwal mwüt ngeni chokewe mi mochen tolong ar repwe tolong.

Föför 11:20

Nge ekoch me lein ekewe chon lükü Jesus, ir mwän seni Saipros me Kirene, ra feila Antiokia o arongafeili kapasen Kot ngeni pwal ekewe chon lükün Israel, ra afalafala ngeniir ewe Pworausen Manau usun ach Samol Jesus.

Föför 11:26

Iwe, lupwen an küna, a emwenato Antiokia. Lon ükükün eu ier Parnapas me Saul ra chufengen me chon ei mwichefel o asukula eu mwichen aramas mi watte. A fis me lon Antiokia, pwe aramas ra popuetä le aita ngeni ekewe chon lükü “souläng” (Chon tapwela mürin Kraist).

Föför 11:29

Iwe, ekewe chon lükü Jesus ra tipeeufengen, pwe än eman me eman leir alilis won ükükün an tongeni epwe titila ngeni pwiir kewe chon lükü mi nom lon Jutea.

Föför 2:41

Iwe, chomong me leir ra lükü an afalafal o ra papatais. Lon ewe rän ina epwe ükükün ülüngat ngeröü aramas ra pach ngeni ewe mwichen chon lükü Jesus.

Föför 2:45

Ra amömöla fanüer me pisekir o ra ineti lefiler ewe moni ra angei won ükükün met eman me eman a osupwang ren.

Föför 2:47

Ra mwareiti Kot, ra pwal küna chen me ren ekewe aramas meinisin. Iwe, iteiten rän ewe Samol a apacha ngeni ar we mwich aramas mi küna manau.

Föför 4:35

o ngeni ekewe soukünö. Iwe, ei moni ra aineti ngeni eman me eman leir won ükükün mine a osupwang ren.

Föför 4:4

Nge chomong aramas mi rongorong ngeni ar afalafal ra lükü. Iwe, iteiter fengen meinisin ina epwe ükükün limungeröü mwän.

Föför 5:14

Nge a chomongola mwän me fefin ra lükü ewe Samol o pach ngeni ewe mwich.

Föför 5:28

A üreniir, “Äm aia allük pöchökül ngenikemi pwe ousap chüen afalafal mine ei mwän a aiti ngenikemi. Oupwe nengeni met oua föri! Oua achöfetalei ämi afalafal lon unusen Jerusalem, oua pwal ekiekin atipisikem ren än ei mwän mäla.”

Föför 6:2

Iwe, ekewe engol me ruoman soukünö ra amwichafengeni unusen ewe mwichen chon lükülük o üreniir, “Esap pwüng ngenikem äm aipwe tümwününgau ngeni äm afalafala kapasen Kot fän iten äm tümwünü ewe angangen inetin mongö.

Föför 6:7

Iei usun ewe kapasen Kot a chöfetal. Nge ewe mwichen chon lükü Jesus lon Jerusalem ra fokun chochomongola, iwe, chomong lein ekewe souasor ra pwal lükü.

Föför 9:29

A pwal kapas o anini ngeni ekewe chon Juta mi fos lon kapasen Krik. Nge ir ra ekieki usun ar repwe niela.

Föför 9:39

Iei mine Petrus a ütä o etiir. Iwe, lupwen a tori ewe imw, ra emwenätä lon ewe ruum asan. Ikenan ekewe fefin mi mä pwülüer ra mwicheto ünükün, ra kechü o aiti ngeni Petrus ekewe söch me sokopaten üf Torkas a tei fän iter lupwen a chüen manau.

Föför 9:41

Petrus a amwöchü pöün o alisätä pwe epwe ütä. Mürin a kökköri ekewe chon lükü meinisin fiti ekewe fefin mi mä pwülüer o api ngeniir neminewe pwe a manau.

Nöün Paulus Toropwe ngeni ekewe Souläng lon Rom 12:7

Are eman a tufichin angang lon mwichefel, epwe angang, are eman a tufichin asukul, epwe asukul.

1. Korint 10:10

Sisap pwal lalangau usun ekoch me leir ra föri, iei mine ra ninnila o rosola ren ewe Chon Läng.

2. Korint 11:22

Ra apasa pwe ir re Ipru, pwal ngang. Ra apasa pwe ir chon Israel, pwal ngang. Ra apasa pwe ir mwirimwirin Apraham, pwal ngang.

Tuteronomi 26:12

Iwe, kopwe uwätiu om eu leengol seni uän fotom irä meinisin iteiten mürin ülüngat ier o ngeni chon ewe aingangen Lefi, ngeni ekewe chon ekis, ekewe mi mäsen me ekewe fefin mi mä pwülüer, pwe repwe mongö o möt lon ar kewe telinimw.

Filipi 3:5

Ngang üa sirkomsais lon awaluen ränin mürin ai uputiu, ngang eman wesewesen re Israel seni chök ai uputiu, seni lon ewe ainangen Peniamin, ai kewe lewo meinisin ir re Ipru. Ngang eman Farisi lon ai apwönüetä än ekewe chon Juta kewe Allük,

1. Timoty 5:3

Kopwe meniniti ekewe fefin mi mä pwülüer, chokewe mi wesewesen akaleman, esap wor eman a tümwünüür.

1. Timoty 5:9

Kopwe makkeelong eman fefin mi mä pwülüan lon tettelin ewe mwichen fefin mi mä pwülüer are a ierini wone feitä. Pwal eu, are neminewe a chök pwülüeni eman chök mwän,

Ipru 13:1

Oupwe sopwela le tongfengen lefilemi, pun ämi pwipwi lon Kraist.

James 1:27

Än eman souläng limöch me pwüng mwen mesen Samach Kot a fis are epwe iei usun: epwe tümwünü ekewe mi mäsen me ekewe fefin mi mä pwülüer lon ar riaföü, epwe pwal püsin tümwünü i, pwe esap limengau ren ngauen ei fanüfan.

James 4:5

Ousap ekieki pwe a lomotongau mine a mak lon ekewe Toropwe mi Pin, “Ewe ngün Kot a anomu loch a fokun ekimong woch.”

James 5:9

Ämi pwii kana, ousap lalefengen lefilemi, pwe Kot esap apwüngükemi. Ewe Soukapwüng a ütä arun asam.