Föför 5:5 - Chuukese Bible

⁵ Lon ewe chök otun Ananias a rong ekei kapas, a turula o mäla. Iwe, ir meinisin mi rongorong usun mine a fis ngeni, ra fokun rükö.

Föför 5:5 Iomraidhean Croise

2. King 2:24

Elisa a kul, nge lupwen a küneer, a anümamaueer fän iten ewe Samol mi Lapalap. Mürin, ruoman liafefinin pear ra towu seni ewe wöllap o atatakisi inisin faik me ruoman me lein ekewe ät, pwe ra mäla.

1. Kronika 13:12

Lon ewe ränin Tafit a niuokusiti Kot o apasa, “Ifa usun, üpwe tongeni uwato än Kot we pworofel pwe epwe nom rei?”

1. Kronika 15:13

Pokiten ämi ousap mwärei ewe pworofel lon ewe aeuin fansoun, ewe Samol mi Lapalap ach we Kot a afeiengauakich, pun sisap aisini Kot usun mine sipwe föri ngeni.”

Kölfel 119:120

Inisi a chechech ren ai niueituk. Üa niuokus ren om kewe kapwüng.

Kölfel 64:9

Mürin, aramas meinisin repwe niuokus. Repwe ekieki mine Kot a föri o apworausa usun.

Jeremaia 5:14

Iei popun ewe Samol mi Lapalap ewe Kot mi Unusen Manaman a apasa, “Pokiten ekewe aramas ra apasa ekei kapas, ngang üpwe föri pwe ai kewe kapas repwe usun chök ekkei me lon awom, nge ir repwe usun chök mwüch. Iwe, ewe ekkei epwe kenirela.”

Isikiel 11:13

Iwe, lupwen üa osuni, a fis pwe Pelatia nöün Penaia we a mäla. Iwe, üa chapetiu lepwül o kökkö fän leüömong, “Ai Kot Samol mi Lapalap. Ifa usun, ka ekiekin arosala ekewe lusun mi chüen manau lon Israel?”

Lifitikos 10:3

Mürin, Moses a üreni Aaron, “Iei usun wewen mine ewe Samol mi Lapalap a apasa: Üpwe pwärätä pwe ngang üa pin me lein chokewe ra kan ngeniei, nge üpwe pwal alinga ai ling fän mesen aramas meinisin.” Iwe, Aaron a chök fanafanala.

Föför 13:11

Pöün ach Samol epwe feitiu womw iei chök. Kopwe mesechun, pwe kosap chüen tongeni küna saramen akkar lon eu fansoun.” Lon ewe chök otun och toputop me rochopwak a feitiu won Elimas o atoputopala lon mesan. Iwe, a atapfeil o kütta eman epwe wisen amwöchü pöün o emweni.

Föför 2:43

Iwe, chomong asisil me manaman ra fis ren ekewe soukünö, o ekewe aramas ra fokun mairü ren.

Föför 5:13

Esap wor eman me lükün ar we mwich a pwora le chu ngeniir, inamwo ika ekewe aramas ra meninitiir o kapasöch usur.

1. Korint 4:21

Met ämi oua mochen? Oua mochen ai üpwe feila remi fän efoch wok, ika üpwe feila remi fän tong me lukpwetete?

2. Korint 13:10

Iei popun üa makkei ekei toropwe lupwen üa toau senikemi, pun lupwen üpwe wareitikemi üsap mochen pöchökül ngenikemi lon ai üpwe aea ewe pwüüng ach Samol a ngeniei, ewe pwüüng üpwe aea le apöchöküla ämi souläng, nge üsap aea le atai ämi souläng.

2. Korint 13:2

Üa fen ürenikemi me mwan lupwen üa nom remi aruen fansoun, nge iei üpwe pwal aliwinisefäli ngenikemi ai kewe kapas lupwen üa toau senikemi: Lupwen üpwe liwinsefälitikemi üpwe fokun apwüngü chokewe mi tipis me mwan ika pwal ekewe ekoch,

2. Korint 7:11

Oupwe nenengeni met Kot a föri ren ämi letipeta: A afisätä ämi achocho pwal ämi mochen alletätä pwe esap wor ämi tipis. A afisätä ämi song, ämi niuokus, ämi pwos, ämi tiliken me ämi mochen apwüngü mine a ngau. Ren ekei mettoch meinisin oua pwärätä pwe esap wor och mwäl remi.

Tuteronomi 13:11

Mürin, chon Israel meinisin repwe rong usun o niuokus, pwe esap chüen wor eman me leimi epwe föri ei sokun föföringau.

Tuteronomi 21:21

Mürin, mwänin ewe telinimw meinisin repwe monei ngeni fau tori a mäla. Iei usun oupwe atowu ewe mi ngau seni leimi. Iwe, chon Israel meinisin repwe rong usun o niuokus.”

Josua 22:20

Oupwe chechemeni, pwe lupwen Akan nöün Sera we mwän a aleasolap ngeni ewe allük ren an angei ekewe mettoch mi pin repwe kata, än Kot song a tori unusen ewe mwichen Israel. Sap Akan chök a mäla fän iten an tipis.”

Pwärätä 11:13

Lon ewe chök otun a wor eu chechechin fanü mi pöchökül o eu leengolun ewe telinimw a tala. Iwe, fisungeröü aramas ra mäla ren, nge ekewe lusun aramas mi chüen manau ra fokun rükö o mwareiti manamanen ewe Kot mi nom läng.

Pwärätä 11:5

Ika chon oputer ra mochen afeiengauer, ekkei epwe ngetewu seni lon awer o keniirela. Iei usun, ika eman a mochen afeiengauer epwe ninnila.