Föför 5:4 - Chuukese Bible

⁴ Ifa usun, esap fanüom mwen om ka amömöla? Nge mürin om amömöla ewe moni esap noumw? Pwota ka ekiekin föri ei sokun lapalap? Kosap chofona ngeni aramas, pwe ka chofona ngeni Kot.”

Föför 5:4 Iomraidhean Croise

1. Kronika 29:17

Ai Kot, üa silei pwe en ka sotuni leluken aramas, ka pwal efich wenechar. Fän wenecharen lelukei üa fangafangöch ekei mettoch meinisin. Nge iei üa küna noum aramas mi nom ikei, pwe ra pwal fangafangöch ngonuk fän pwapwa.

1. Kronika 29:3

Nge lükün ekei pisek üa amolätä fän iten ewe imwenfel üa pwal achu ngeni kolt me silifer seni püsin ai lenien iseis pisek mi aüchea. Iwe, pokiten üa aücheani imwen ai we Kot, üa fangala fän itan ekei mettoch:

1. Kronika 29:5

pwe epwe wor kolt me silifer fän iten ar repwe aea le föri ekewe sokopaten pisek, pwal fän iten ekewe angang meinisin ekewe souangang repwe föri. Nge iö me leimi a pwal mochen fangala och seni letipan ngeni ewe Samol mi Lapalap?”

1. Kronika 29:9

Mürin, ekewe aramas ra pwapwa, pun nöür kewe souemwen ra fangala chomong seni mochenin letiper ngeni ewe Samol mi Lapalap. Ewe king Tafit a pwal fokun pwapwa ren.

Hiop 15:35

Ir ekewe aramas mi chök ekiekietä mine esepwüng o föri föför mi ngau, leluker a uren atuputup.”

Kölfel 139:4

Nengeni, mwen ai üsamwo kapas, en, ai Samol mi Lapalap, ka fen unusen silei mine üpwe apasa.

Kölfel 7:14

Nengeni, ekewe aramasangau ra chök ekiekietä mine a ngau, ra chök föri föför esepwüng o eäni kapas chofana.

Ekistos 16:8

Moses a pwal üra, “Ewe Samol mi Lapalap epwe ngenikemi fituk lekuniol pwe oupwe ochoch, nge lesosor epwe ngenikemi pilawa ükükün ämi mochen, pun a rongorong ämi lal ngeni. Pun iö äm? Ousap lal ngenikem, pwe oua lal ngeni ewe Samol mi Lapalap.”

Ekistos 35:29

Iwe, ekewe aramasen Israel meinisin mwän me fefin mi mochen ra uwato ar alilis ren ewe Samol mi Lapalap seni mefien letiper fän iten ewe angang meinisin ewe Samol mi Lapalap a allük ngeni Moses pwe epwe fis.

Än Salomon Afalafal 5:5

A mürina om kosap pwon, lap seni om kopwe pwon, nge kosap apwönüetä.

Aisea 59:4

Esap wor eman a kapwüng ngeni aramas fän pwüng me wenechar. Iwe, ra lükülük won kapas mi lomotongau, ra chofana, ra pwal ekiekin fitikoko o föföringau.

Isikiel 38:10

Iei alon Kot ewe Samol mi Lapalap ngeni Kok, “Lon ena rän kopwe aüfarafarätä ekiekin lelukom usun angangen rawangau.

Numperis 16:11

Iei mine oua ü ngeni ewe Samol mi Lapalap, ämi me chienom kewe mi mwichefengen. Pun iö Aaron pwe oua lal ngeni?”

Lukas 10:16

Iwe, Jesus a üreni nöün kewe chon kaiö, “Iö a aüselingakemi a aüselingaei, nge iö a aliwinikemi, a aliwiniei, nge iö a aliwiniei a aliwini ewe mi tiniei.”

Föför 5:3

Mürin Petrus a üreni, “Ananias, pwota ka mwüt ngeni Satan pwe epwe nemeni letipom, pwe ka chofona ngeni Ngünmifel ren om aopala och seni ewe moni ka angei fän iten fanüom we?

Föför 5:9

Iei mine Petrus a üreni, “Pwota en me pwülüom oua tipeeufengen le sotuni Ngünün ewe Samol? Nengeni, ekewe alüal mi peiaseni pwülüom we ra nom lükün ewe asam iei, repwe pwal ekiikewu!”

1. Korint 8:8

Iwe, mongö esap alisikich lon ach chiechi ngeni Kot. Sisap lus och are sisap mongö och, sisap pwal feiöch ren are sia mongö och.

1. Tesalonika 4:8

Iei mine iö a pöütala ekei kapasen fön, esap pöütala kapasen aramas pwe kapasen Kot, ewe mi fang ngenikich ngünün we Ngünmifel.

Filimon 1:14

Nge ngang üsap mochen arianuk om kopwe alisiei, pun üa mochen pwe kopwe föri ei seni mochenin letipom. Iei mine üsap föri och are kosap tipeeu ngeni.

James 1:15

Iwe, are än eman mochenia a liapeni letipan, a fis an tipis, nge are an tipis a unusela, a fis an mäla.

1. Samuel 8:7

Nge ewe Samol mi Lapalap a üreni Samuel, “Kopwe aüselinga alon ekewe aramas lon meinisin mine ra ürenuk. Pun resap pöütukela, nge ra pöütieila pwe üsap nöür king.