Föför 5:16 - Chuukese Bible

¹⁶ Iwe, chomong aramas ra feito seni ekewe telinimw mi nom ünükün Jerusalem, ra ekieto ekewe mi samau ika chokewe mi wor ngününgau wor. Iwe, ir meinisin ra pöchökületä.

Föför 5:16 Iomraidhean Croise

Mateus 2:16

Lupwen Herotes a mefi, pwe ekewe souürür ra atupu, a fokun lingeringer. Iwe, a tinala nöün sounfiu pwe repwe niela ekewe ät meinisin lon Petleem me lükün Petleem mi ierini ruu are kis seni. A föri iei usun, pun a aükü ngeni ewe fansoun pwään ewe fü a silei seni ekewe souürür ngeni ei otun.

Mateus 4:24

Iwe, pworausen Jesus a chöfetal lon unusen ewe fanü Siria, pwe ekewe aramas ra uwato ren ekewe chon samau meinisin, chokewe mi üriir sokopaten samau o metek, aramas mi waan anü, mään kawakau me aramas mi mwök. Iwe, Jesus a apöchöküleretä meinisin.

Mateus 8:16

Iwe, lekuniolun ewe rän, lupwen akkar a tuputiu, aramas ra uwato ren Jesus chomong aramas mi waan anü. Jesus a atowu ekewe ngününgau ren an kapas o apöchöküla chokewe meinisin mi samau.

Lukas 5:17

Lon eu rän, lupwen Jesus a afalafal, ekoch ekewe Farisi me Sensen Allük ra mot ren, ra feito seni ekewe telinimwen Kalilea me Jutea meinisin, pwal seni Jerusalem. Iwe, manamanen ewe Samol a nom ren Jesus, pwe a tufichin apöchöküla ekewe chon samau.

Lukas 6:18

Ra feito pwe repwe rong ngeni än Jesus afalafal, epwe pwal apöchöküleretä seni ar kewe samau. Pwal chokewe mi riaföü ren ngününgau ra feito ren o küna pöchökül.

Lukas 9:11

Lupwen ewe mwichen aramas ra rong usun, ra tapwela mürin. Iwe, Jesus a etiweer o afalafaleer usun Mwün Kot, a pwal apöchöküla chokewe mi samau.

Johannes 14:12

Enlet, üpwe wesewesen ürenikemi: Iö a lüküei epwe föri ekewe föför ngang üa föriir, ewer, epwe pwal mwo nge föri föför mi lap seni ekei, pun ngang üpwe feila ren Semei.

Föför 4:30

Kopwe pwärala om pöchökül pwe chon samau repwe pöchökületä, kopwe mwütätä pwe asisil me manaman repwe fis ren iten Jesus noumw we Chon Angang mi pin.”

Föför 5:15

Pokiten mine ekewe soukünö ra föri, aramas ra ekieto chon samau won ekewe al o alenier won peet me kieki, pwe are Petrus epwe pwereto o pwere seniir, nürün epwe tori ekoch me leir.

Föför 5:17

Mürin ewe Souasor mi Lap me chiechian kewe meinisin, ir chon ewe mwichen Satusi, ra fokun lolowoiti ekewe soukünö.

1. Korint 12:9

Ewe chök Ngün a lifang ngeni eman an epwe wor an lükülük, nge ngeni pwal eman a lifang ewe tufich an epwe apöchöküla aramas.

James 5:16

Iei mine oupwe pwärifengeni ämi tipis kana, eman ngeni eman o iotekifengenikemi, pwe oupwe pöchökületä. Än eman chon pwüng iotek a manaman o a fokun pwönüetä.