Föför 4:4 - Chuukese Bible

⁴ Nge chomong aramas mi rongorong ngeni ar afalafal ra lükü. Iwe, iteiter fengen meinisin ina epwe ükükün limungeröü mwän.

Föför 4:4 Iomraidhean Croise

Keneses 49:10

Esap mwöküt senuk, Juta, ewe asisilen samol, nge mwirimwirum kana repwe nemenem fansoun meinisin tori epwe war ätewe mine an ewe nemenem. Iwe, chon ekewe mwü meinisin repwe aleasochis ngonuk.

Aisea 45:24

Iwe, repwe apasa usi, ‘Ren ewe Samol mi Lapalap chök a wor pwüng me pöchökül.’ Iwe, chokewe meinisin mi pälüeni Kot fän song repwe feito ren o küna säw.

Aisea 53:12

Iei mine üpwe ngeni wisan me lein chokewe mi iteüöch, nge epwe ineti ngeni ekewe chon pwora liapan. Pun a fangala manauan o mäla, a pwal alealong lein chon pupungau. Iwe, a uwei tipisin chomong aramas o iotek fän iten chon pupungau.

Johannes 12:24

Enlet, üpwe wesewesen ürenikemi: Eföü föün wiich epwe chök nonom lon ususun are esap mworotiu lepwül o mäla. Nge are epwe mäla, mürin epwe awora chomong föün wiich.

Föför 2:41

Iwe, chomong me leir ra lükü an afalafal o ra papatais. Lon ewe rän ina epwe ükükün ülüngat ngeröü aramas ra pach ngeni ewe mwichen chon lükü Jesus.

Föför 2:47

Ra mwareiti Kot, ra pwal küna chen me ren ekewe aramas meinisin. Iwe, iteiten rän ewe Samol a apacha ngeni ar we mwich aramas mi küna manau.

Föför 28:24

Iwe, ekoch me leir ra lükü, pwe mine a apasa a let, nge ekoch resap lükü.