Föför 4:1 - Chuukese Bible

¹ Iwe, lupwen Petrus me Johannes ra chüen kakapas, ekewe souasor, ewe meilapen chon tümwünü imwenfel me ekoch Satusi ra war.

Föför 4:1 Iomraidhean Croise

Mateus 16:12

Mürin ekewe chon kaiö ra weweiti, pwe Jesus esap üreniir pwe repwe afäliir ren ewe iis mi nom lon pilawa, nge repwe afäliir ren än ekewe Farisi me Satusi afalafal.

Mateus 22:16

Ra tinala ren Jesus ekoch nöür kewe chon kaiö me ekoch chiechien Herotes pwe repwe üreni, “Sense, äm aia silei pwe en ka kapas wenechar. Ka afalafala mine a let usun letipen Kot fän iten aramas, nge kosap ekieki mine aramas ra eäni ekiek, pun kosap nenengeni wisen eman.

Mateus 27:20

Iwe, ekewe souasor mi lap me ekewe souakom ra pese ngeni ewe mwichen aramas pwe repwe tüngor ngeni Pilatus pwe epwe amusala Parapas, nge epwe niela Jesus.

Mateus 27:41

Pwal ina chök usun ekewe souasor mi lap, ekewe Sensen Allük me ekewe souakom ra takirin ämängaua Jesus o üra,

Mateus 3:7

Nge lupwen Johannes a küna chomongun ekewe Farisi me Satusi mi feito ren pwe repwe papatais, a üreniir, “Ämi serepenit! Iö a ürenikemi pwe oupwe sü seni än Kot song epwe awarato womi?

Lukas 20:1

Lon eu rän, lupwen Jesus a nom lon ewe imwenfel o afalafala ekewe aramas ewe Pworausen Manau, ekewe souasor mi lap, ekewe Sensen Allük me ekewe souakom ra feito ren

Lukas 22:4

Iei mine Jutas a feila o kapas ngeni ekewe souasor mi lap me ekewe meilapen chon tümwünü ewe imwenfel usun an epwe tongeni afangamä Jesus ngeniir.

Johannes 15:20

Oupwe chechemeni pwe üa ürenikemi, ‘Esap wor eman chon angang a lap seni an masta.’ Are ra ariaföüüei, repwe pwal ariaföüükemi. Are ra aleasochisi ai kewe kapas, repwe pwal aleasochisi ämi kewe kapas.

Johannes 18:3

Iei mine Jutas a feila ren ewe tanipi, o a emwenala eu mwichen sounfiu seni Rom me ekoch chon tümwünü imwenfel, ekewe souasor mi lap me ekewe Farisi ra tiniirela. Ra uwou pisekin maun, lamp me töl.

Föför 4:6

Anas, ewe Souasor mi Lap, Kaifas, Johannes, Aleksanter me pwal ekoch mwän seni familien ewe Souasor mi Lap ra pwal nom lon ewe mwich.

Föför 5:17

Mürin ewe Souasor mi Lap me chiechian kewe meinisin, ir chon ewe mwichen Satusi, ra fokun lolowoiti ekewe soukünö.

Föför 5:24

Iwe, lupwen ekewe souasor mi lap me ewe meilapen chon tümwünü imwenfel ra rongorong ei pworaus, ra mairü ren met a fis ngeni ekewe soukünö.

Föför 5:26

Iei mine ewe meilap fiti ekewe chon tümwünü imwenfel ra feila o emwenisefälieto ekewe soukünö. Nge resap pöchökül ngeniir, pun ra niuokus ika ekewe aramas repwe mone ngeniir fau.

Föför 6:12

Ren ei sokun lapalap ra amwökütükütü letipen aramas me ekewe souakom me ekewe Sensen Allük. Iwe, ra turufi Stefanus o etekinala mwen ewe mwichen soupwüng.

Föför 6:7

Iei usun ewe kapasen Kot a chöfetal. Nge ewe mwichen chon lükü Jesus lon Jerusalem ra fokun chochomongola, iwe, chomong lein ekewe souasor ra pwal lükü.