Föför 3:2 - Chuukese Bible

² Iwe, eman mwän mi pechemä seni leuputiuan a mot ünükün ewe asamen imwenfel mi iteni “Asamalap mi echipwör”. Iteiten rän aramas ra uweeto i ünükün ei asamalap pwe epwe tütüngor moni seni ekewe aramas mi tolong lon ewe imwenfel.

Föför 3:2 Iomraidhean Croise

Lukas 16:20

A pwal wor eman mwän mi wöüngau itan Lasarus, a kula inisin ren rup, aramas ra uweela lükün asamen imwen ewe mwän mi pisekisek.

Lukas 18:35

Iwe, lupwen Jesus a arap ngeni Jeriko, eman mwän mi chun a mot lepekin al o tütüngor lifangan.

Johannes 9:8

Mürin chon arun me chokewe mi küküna ei mwän me mwan lon an tütüngor lifangan, ra ais, “Ifa usun, sap iei i ewe mwän mi momot o tütüngor lifangan?”

Föför 10:31

o a apasa, ‘Kornelius! Kot a aüselinga om iotek o chechemeni om alilis ngeni ekewe chon wöüngau.

Föför 10:4

Kornelius a newenewen ngeni lon an niuokus o aisini, “Ai samol, met ka mochen?” Ewe chon läng a pölüeni, “Kot a etiwa om iotek me om alisi ekewe chon wöüngau o a chechemenuk.

Föför 14:8

A wor eman mwän lon Listra a ter inisin. A mä pechen seni leuputiuan, pwe esap tongeni tufichin fetal.

Föför 3:10

Nge lupwen ra asilla pwe i ewe chon tütüngor mi momot ünükün ewe imwenfel ren ewe Asamalap mi echipwör, ir meinisin ra mairü o weitifengeniir ren mine a fis ngeni.

Föför 4:22

Pun ierin ewe mwän mi pöchökületä ren ewe manaman a fen lap seni faik ier.