Föför 3:13 - Chuukese Bible

¹³ Än Apraham, Isaak me Jakop we Kot, än ach kewe lewo we Kot a alingala nöün Chon Angang Jesus. Nge ämi oua atolonga lepöün ekewe souemwenin chon Juta o amamäsini i me mwen Pilatus, oua fen mwo nge föri ei, lupwen Pilatus a ekiekin angasala i.

Föför 3:13 Iomraidhean Croise

Ekistos 3:13

Mürin, Moses a kapas ngeni Kot, “Nge ika üpwe churi ekewe aramasen Israel o üreniir, ‘Än ämi kewe lewo we Kot a tinieito remi,’ nge ir repwe aisiniei, ‘Ifa itan?’ iwe, met üpwe pälüeni ngeniir?”

Ekistos 3:15

Iwe, Kot a pwal üreni Moses, “Kopwe kapas ngeni ekewe aramasen Israel: Ewe Samol mi Lapalap, än ämi kewe lewo Apraham, Isaak me Jakop we Kot a tinieito remi. Iei itei tori feilfeilachök, nge ren ei it oupwe chechemeniei seni eu täppin aramas tori eu täppin.

Ekistos 3:6

A pwal apasa, “Ngang än om kewe lewo Apraham, Isaak me Jakop we Kot.” Iwe, Moses a pwölü mesan, pun a niuokus an epwe nenengeni Kot.

Mateus 11:27

“Semei a ngeniei mettoch meinisin. Esap wor eman a silei ewe Nau, pwe ewe Sam chök, esap pwal wor eman a silei ewe Sam, pwe ewe Nau chök me chokewe ewe Nau a afiliir an epwe pwäri i ngeniir.

Mateus 20:19

mürin repwe atolonga lepöün ekewe chon lükün Israel. Ir repwe urumwotei, repwe wichi o iräpengesi. Nge mürin ülüngat rän epwe manausefälitä.”

Mateus 22:32

‘Ngang än Apraham, Isaak me Jakop we Kot!’ Ei Kot än ekewe mi manau Kot, nge sap än ekewe mi mäla.”

Mateus 27:2

Ra föti ngeni sein o etekinala pwe repwe atolonga lepöün ewe kepina Pilatus.

Mateus 28:18

Nge Jesus a kan ngeniir o üreniir, “Nemenem meinisin won läng me fanüfan a toriei.

Markus 15:11

Nge ekewe souasor mi lap ra pese ngeni ewe mwichen aramas pwe repwe tüngor Pilatus, pwe epwe amusa ngeniir Parapas, nge sap Jesus.

Lukas 22:57

Nge Petrus a amamäsini o üreni, “Fefin, ngang üsap silei ätewe.”

Lukas 23:4

Mürin Pilatus a üreni ekewe souasor mi lap me ewe mwicheichen aramas, “Üsap küna och tipis ren ei mwän.”

Lukas 6:37

“Ousap apwüngü aramas, pwe Kot esap apwüngükemi. Ousap atipisi aramas, pwe Kot esap atipisikemi. Oupwe amusala än eman aramas tipis, pun Kot epwe pwal amusala ämi tipis.

Johannes 12:16

Lon ena fansoun nöün kewe chon kaiö resap weweiti ekei mettoch. Nge lupwen Jesus a tolong lon lingan, ra chechemeni pwe a fen mak lon ekewe Toropwe mi Pin usun i, pwal usun ar föri ekei mettoch ngeni.

Johannes 18:40

Iwe, ra kökkö fän leüömong, “Apwi, sap i. Kopwe amusa ngenikem Parapas.” (Parapas i eman chon achomau.)

Johannes 19:11

Jesus a pölüeni, “A chök wor om pwüüng woi pokiten Kot a ngonuk. Iei mine ätewe mi atolongaei lepoumw a kon watte an tipis lap seni om.”

Johannes 19:12

Iei mine Pilatus a sotuni le kütta efoch al an epwe angasa Jesus. Nge ewe mwichen aramas a kökkö ngeni fän leüömong, “Are en kopwe angasala ätei, kosap chiechien Sisar! Pun eman mi püsin apasa pwe i king, a ü ngeni Sisar!”

Johannes 19:15

Nge ir ra kökkö ngeni fän leüömong, “Kopwe niela, kopwe niela, kopwe iräpengesi!” Pilatus a aisiniir, “Ifa usun, oua mochen pwe üpwe iräpengesi nöümi king?” Ekewe souasor mi lap ra pölüeni, “Esap wor eman nöüm king pwe Sisar chök.”

Johannes 7:39

Jesus a kapas won ei usun ewe Ngünmifel, chokewe mi lükü i repwe angei. Lon ena fansoun Kot esamwo tinato Ngünmifel, pun Jesus esamwo tolong lon lingan.

Föför 22:14

Iwe, Ananias a üra, ‘Än ach kewe lewo we Kot a filuketä pwe kopwe silei letipan, kopwe pwal küna nöün we Chon Angang mi pwüng o kopwe rongorong mwelian lupwen a kapas ngonuk.

Föför 24:14

Nge ngang üpwe pwärätä ei ngonuk: Üa fel ngeni än ach kewe lewo we Kot ren ai fetal won ewe Al ir ra apasa pwe mi mwäl. Nge üa pwal lükü meinisin mine a mak lon än Moses kewe Allük pwal lon ekewe puken soufos.

Föför 3:12

Iwe, lupwen Petrus a küna ekewe aramas, a üreniir, “Ämi aramasen Israel, pwota oua fokun mairü ren mine a fis, pwota oua nefotofot ngenikem? Oua ekieki pwe ren äm manaman me äm soulängöch aia tongeni apöchökülätä ei mwän pwe a tongeni fetal?

Föför 3:26

Iei usun Kot a filätä nöün Chon Angang o tinato akom remi, pwe epwe afeiöchükemi ren an alisikemi pwe ämi meinisin oupwe kul seni ämi föför mi ngau.”

Föför 4:27

Pun iei usun mine a fis: Herotes me Pontius Pilatus ra mwichfengen me ekewe chon lükün Israel me ekewe aramasen Israel lon ei telinimw ar repwe ü ngeni Jesus noumw Chon Angang mi pin, ätewe en ka epiti.

Föför 4:30

Kopwe pwärala om pöchökül pwe chon samau repwe pöchökületä, kopwe mwütätä pwe asisil me manaman repwe fis ren iten Jesus noumw we Chon Angang mi pin.”

Föför 7:32

‘Ngang än om kewe lewo we Kot, ngang än Apraham, Isaak me Jakop we Kot.’ Iwe, Moses a chechech ren an niuokus, pwe esap tongeni nenengeni ewe mettoch.

Nöün Paulus Toropwe ngeni ekewe Souläng lon Rom 9:5

Ir mwirimwirin ar kewe lewo re Ipru mi iteföüla, pwal Kraist eman me leir lon an nom lon fituk. Sipwe mwareiti Kot tori feilfeilachök, ewe mi nemeni mettoch meinisin. Amen.

Ipru 2:9

Nge sia küna Jesus, ewe Kot a föri pwe epwe kis fän ekewe chon läng lon fansoun mochomoch, pwe ren än Kot ümöümöch epwe mäla fänäsengesin aramas meinisin. Iwe, iei sia küna i, pwe a mwärini ling me iteüöch pokiten an riaföü me mäla.

Pwärätä 1:18

Ngang ewe mi manau! Üa mäla, nge iei üa manau tori feilfeilachök. A wor ai nemenem won mäla me ewe lenien sotup.

Pwärätä 1:5

pwal seni Jesus Kraist ewe chon pwärätä mi allükülük, ewe mwänichi, Kot a amanauasefäli seni mäla, i ewe mi nemeni ekewe king won fanüfan. I a echenikich o angasakich seni ach tipis ren chaan,