Föför 28:3 - Chuukese Bible

³ Paulus a pwal ionifengeni amwüch. Nge lupwen a uwoutä won ewe ekkei, eman serepenit a towu me lon ekewe amwüch pokiten pwichikaren ewe ekkei, a küüw pöün o nikemeitiu won.

Föför 28:3 Iomraidhean Croise

Hiop 20:16

Epwe atumuw poisonun ekewe serepenit, nge epwe mäla ren küwen eman serepenit.

Aisea 30:6

Iei kapasen osuni usun ekewe mönün ewe fanü Nekep: Ekewe chon künö ra pwerela lon eu fanüen osupwang me riaföü, eu lenien laion me serepenit mi afeiengau, pwal lenien ewe trakon mi äs. Ra uwei ar pisek mi aüchea won nöür kewe aas me kamel, pwe ar lifang ngeni ewe mwü mi lomotongau ngeniir.

Aisea 41:24

Nge esap fokun wor aücheami, oua wesewesen lipwäkingau lon ämi angang. Chokewe meinisin mi fel ngenikemi ra anioput.

Aisea 59:5

Ar rawangau a afeiengau usun chök än eman alopa sokulen serepenit mi poison. Eman mi ochei ekewe sokul epwe mäla, nge seni eföü sokul mi mök eman serepenit mi poison epwe towu. Ra pwal türüni türün ninnä.

Amos 5:19

Epwe usun chök are eman aramas epwe sü seni eman laion, nge a churi eman pear. Ika usun chök are eman epwe sülong lon imwan o itetä won etippan, nge eman serepenit a küw.

Mateus 12:34

Ämi serepenit! Ifa usun, oua tongeni apasa mine a mürina ika ämi aramas mi ngau? Pun ekewe kapas ra towu seni awemi iei somwen lelukemi.

Mateus 23:33

Ämi serepenit me etelien serepenit! Ifa usun, ämi oupwe tongeni sü seni liwiningauen ämi tipis lon hell?

Mateus 3:7

Nge lupwen Johannes a küna chomongun ekewe Farisi me Satusi mi feito ren pwe repwe papatais, a üreniir, “Ämi serepenit! Iö a ürenikemi pwe oupwe sü seni än Kot song epwe awarato womi?

Markus 16:18

Are repwe amwöchü serepenit ika ünümi poison, resap feiengau ren. Repwe pwal iseis pöün won chon samau, iwe, repwe pöchökületä.”

Föför 28:2

Chon ei fanü ra fokun kirikiröch ngenikem. Ra aküetä eu ekkei o etiwakem meinisin, pun a püng üt o patekich.

Föför 28:4

Iwe, lupwen chon ewe fanü ra küna ewe serepenit mi nikemeitiu won pöün Paulus, ra kapasfengen lefiler, “Ei mwän i eman chon niela aramas. Pun inamwo ika a fen manaueto seni le matau, nge ewe anün pwüng esap mwüt ngeni an epwe manau.”

2. Korint 11:23

Ra apasa pwe ir nöün Kraist chon angang. Üa aloni alon eman mi umwes, ngang eman nöün Kraist chon angang mi mürina seniir! Üa fokun angang weires lap seniir, üa nom lon imwen fötek lap seniir, üa angei wichiwich lap seniir, üa arap ngeni ar repwe nieila lap seniir.

2. Korint 6:9

Aramas resap silekem, nge aia sil me ren aramas lon ekewe leni meinisin. Aia wewe ngeni chon mäla, nge nengeni aia manau. Ra wichikem, nge resap nikeemila.