Föför 27:4 - Chuukese Bible

⁴ Aia saila seni ikenan, nge pokiten pöchökülen ewe asepwäl mi torikem, aia saila lepekin ewe fanü Saipros ewe ia a ekis lüa ie.

Föför 27:4 Iomraidhean Croise

Mateus 14:24

Nge lon ena otun ewe wa a fokun toau seni fanü, a nuponup ren watten nono, pun ewe asepwäl a pöchökül le eniti.

Markus 6:48

Iwe, a küna pwe nöün kewe chon kaiö ra pekus le fötül, pun ewe asepwäl a enito me mwer. Iwe, wünümweerän ina epwe lefilen kulok ülüngat me kulok wonu, Jesus a feito rer, nge a fetal won matau. Jesus a fetaleto o sänger seniir.

Lukas 8:22

Lon eu rän Jesus me nöün kewe chon kaiö ra tötä won efoch wa. Iwe, a üreniir, “Ousipwe saila epek ewe noom.” Iei mine ra sai.

Föför 13:4

Iwe, Parnapas me Saul, ätekewe ewe Ngünmifel a tiniirela, ra feitiu Selusia, ra sai seni ikenan o sai ngeni ewe fanü Saipros.

Föför 15:39

Iwe, a fis eu watten aninifengen lefiler, pwe ra imwüfesen. Parnapas a uwei Markus o saila Saipros,

Föför 21:16

Nge ekoch me lein ekewe chon lükü Jesus me lon Seserea ra pwal etikem o emwenikeemila lon imwen eman mwän itan Mnason ia aia wasöla ie. Ätei i seni Saipros, eman chon lükü Jesus seni chök lom.

Föför 21:3

Iwe, aia tori eu leni ia aia tongeni küna Saipros me ie. Mürin aia saila örün ewe fanü o sai ngeni Siria. Aia tiwelong Tirus ia ra atötiu wosen ewe sip me ie.

Föför 27:7

Iwe, äm aia mang le sai lon chomong rän, nge fän watten weires aia arap ngeni ewe telinimw Knitus. Pokiten ewe asepwäl a pöto me mwem, aisap tongeni sopwela äm sai, iei mine aia saila lepekin ewe fanü Kreta, ewe ia a ekis lüa ie awenewenen Salmone.

Föför 4:36

Iwe, a wor eman mwän itan Josef seni ewe ainangen Lefi, a uputiu lon ewe fanü Saipros, ekewe soukünö ra pwal aita ngeni Parnapas (wewen ei it: Eman mi apöchöküla letipen aramas).