Föför 26:9 - Chuukese Bible

⁹ Püsin ngang üa ekieki, pwe üpwe fokun föri meinisin mine üa tongeni ai üpwe ü ngeni ewe Jesus seni Nasaret.

Föför 26:9 Iomraidhean Croise

Johannes 15:21

Repwe föri ngenikemi ekei mettoch meinisin, pokiten ämi nei. Pun resap silei ewe mi tinieito.

Föför 21:13

Mürin Paulus a pölüeni, “Pwota oua kechü o atai letipei? Ngang üa molotä sap ngeni chök ai üpwe föfö, nge pwal ngeni ai üpwe mäla lon Jerusalem fän iten ach Samol Jesus.”

Föför 22:3

“Ngang eman re Juta, üa uputiu lon ewe telinimw Tarsus lon Silisia, nge üa mämäritä ikei lon Jerusalem. Üa sukul ren ewe sense Kamaliel, a aiti ngeniei tichikin ekewe allük seni ach kewe lewo pwe üpwe apwönüretä. Üa fangala manauei ngeni Kot usun chök ämi oua föri ikenai.

Föför 22:4

Üa ariaföüü ekewe aramas tori ar mäla, ir chokewe mi fetal won Alen ewe Samol. Üa turufi mwän me fefin o atururelong lon imwen fötek.

Föför 22:8

Nge ngang üa aisini, ‘Samol, en iö?’ Iwe, a pölüeniei, ‘Ngang Jesus seni Nasaret ewe ka ariaföüü.’

Föför 24:5

Äm aia mefi pwe ei mwän eman aramas mi fokun afeiengau. A popuetä fitikoko lein ekewe chon Juta won unusen fanüfan, i eman souemwenin ewe mwichen Nasaret.

Föför 3:17

“Ämi pwii kana, iei üa silei pwe met ämi me nöümi souemwen oua föri ngeni Jesus, oua föri pokiten ämi silemang.

Föför 3:6

Nge Petrus a üreni, “Esap wor moni rei, nge mine a wor rei üpwe ngonuk: Fän iten Jesus Kraist seni Nasaret üpwe ürenuk kopwe ütä o fetal!”

Föför 9:1

Lon ena fansoun Saul a chök sopwela le eniweniwa ekewe chon lükü ach Samol pwe epwe niirela. Iwe, a feila ren ewe Souasor mi Lap

Föför 9:16

Nge ngang üpwe pwäri ngeni meinisin ükükün ewe riaföü epwe küna fän itei.”

Nöün Paulus Toropwe ngeni ekewe Souläng lon Rom 10:2

Üa tongeni pwärätä usur, pwe ra fokun tiliken le angang ngeni Kot, nge ar tiliken le angang esap longolong won ar silei usun mine a let.

Filipi 3:6

üa pwal fokun tiliken lon ai ariaföüü ekewe chon lükü Jesus. Are eman aramas a ekieki pwe a tongeni küna pwüng ren an aleasochisi ekewe Allük, ngang üa apwönüretä meinisin.

1. Timoty 1:13

Inamwo ika me lom üa kapasingau usun i, üa ariaföüü o turunufaseei. Nge Kot a eäni tong ngeniei, pun esap mwo wor ai lükülük, iei mine üsap silei mine üa föri.

Soukapwüng 6:30

Mürin, mwänin ewe telinimw ra üreni Joas, “Kopwe emwenawu noum we mwän pwe aipwe niela, pun a ataela ewe rongen asor fän iten ewe anü Paal o pöküetiu uluulun ewe anüfefin Asera mi nom ünükün.”