Föför 26:8 - Chuukese Bible

⁸ Pwota ämi chon Juta oua ekieki pwe esap tufich ach sipwe lükü pwe Kot epwe amanauatä ekewe mi mäla?

Föför 26:8 Iomraidhean Croise

Keneses 18:14

Ifa usun, epwe wor och ewe Samol mi Lapalap esap tufich ngeni? Üpwe fokun liwinto reöm mürin eu ier, usun üa fen pwon ngonuk me mwan. Lon na otun Sara epwe nöüni eman ät.”

Lukas 1:37

Pun esap wor och Kot esap tongeni.”

Lukas 18:27

Jesus a pölüeni, “Mine esap tufich ngeni aramas a tufich ngeni Kot.”

Föför 23:6

Iwe, lupwen Paulus a küna pwe ekoch chon ewe mwich ir Satusi, nge pwal ekoch ir Farisi, a leüömong le kapasowu ren ewe mwichen soupwüng, “Ämi pwii kana re Israel! Ngang eman Farisi, nöün eman Farisi. Üa kapwüng ikei pokiten ai apilükülük pwe ekewe mi mäla repwe manausefäl!”

Föför 25:19

A chök wor ekoch kapasen anini ngeni usun pwüngün ar lamalam, pwal usun eman mwän itan Jesus mi mäla, nge Paulus a apasa pwe a manausefäl.

Föför 4:2

Ra song pokiten ekewe ruoman soukünö ra afalafala ngeni ekewe aramas pwe Jesus a manausefäl seni mäla, ei a alletätä pwe ekewe mi mäla repwe manausefäl.

1. Korint 15:34

Oupwe miritila, iwe, oupwe ükütiu le föri tipis. Pun ekoch me leimi resap silei Kot, üa pwärätä ei pwe oupwe säw ren.

Filipi 3:21

i ätewe epwe awili inisich inisin tekison pwe epwe wewe ngeni inisin we mi ling ren an we manaman a tongeni anomu mettoch meinisin fän nemenian.