Föför 26:6 - Chuukese Bible

⁶ Nge iei üa ütä ikei pwe üpwe kapwüng pokiten ai apilükülükü ewe pwon Kot a ngeni ach kewe lewo,

Föför 26:6 Iomraidhean Croise

Keneses 12:3

Iwe, üpwe afeiöchü ekewe chon afeiöchuk, nge afeiengaua ekewe chon afeiengauok. Iwe, chon ekewe mwü meinisin won fanüfan repwe küna feiöch reöm.”

Keneses 22:18

Chon ekewe mwü won unusen fanüfan repwe feiöch me ren mwirimwirum kana, pun en ka aleasochis ngeni ai kapas.”

Keneses 26:4

Ngang üpwe achomongala mwirimwirum kana pwe repwe usun chök chomongun fün läng, üpwe pwal ngeniir unusen ei fanü. Iwe, chon ekewe mwü meinisin won fanüfan repwe küna feiöch reöm,

Keneses 3:15

Üpwe afiukemi me ewe fefin, pwal mwirimwirum me mwirimwirin. Men epwe puri mökürom, nge en kopwe küw apilipilin pechen.”

Keneses 49:10

Esap mwöküt senuk, Juta, ewe asisilen samol, nge mwirimwirum kana repwe nemenem fansoun meinisin tori epwe war ätewe mine an ewe nemenem. Iwe, chon ekewe mwü meinisin repwe aleasochis ngonuk.

Kölfel 132:11

Ewe Samol mi Lapalap a akapel ngeni Tafit eu pwon mi let, nge esap atai, “Üpwe awisa eman me lein noum kewe mwän epwe siwiliik lon wisom wisen king.

Kölfel 132:17

Ikenan üpwe awora eman mwirimwirin Tafit mi pöchökül epwe king, üpwe föri pwe nei we mi kepit epwe chök nemenem.

Kölfel 98:2

Ewe Samol mi Lapalap a asile ngeni aramas an win, a pwärätä an pwüng me fän mesen chon ekewe mwü.

Aisea 4:2

Lon ena fansoun, ewe irä ewe Samol mi Lapalap a ämärätä epwe fokun öch me ling, nge uän ewe fanü epwe fokun mürina me ling ngeni chokewe mi chüen manau mürin än Israel feiengau.

Aisea 7:14

Iei mine ewe Samol mi Lapalap epwe püsin ngenikemi eu asisil. Nengeni, eman föpwül epwe pwopwo o nöüni eman ät, nge epwe aita ngeni Emanuel .

Isikiel 21:27

Üpwe atai, üpwe atai, üpwe atai ewe telinimw. Esap chüen kaüsefäl tori epwe war ätewe mine wesewesen an. Iwe, ngang üpwe awisa ngeni meinisin.”

Isikiel 37:24

Eman king usun chök nei chon angang Tafit epwe nemeniir, epwe wor eman chök ar chon mas, nge repwe tümwünüöchü le apwönüetä ai kewe allük o aleasochis ngeni ai kewe pwüüng.

Osea 3:5

Mürin, ekewe chon Israel repwe kul o kütta ewe Samol mi Lapalap ar we Kot, pwal eman mwirimwirin Tafit ar we king. Repwe feito ren ewe Samol mi Lapalap fän chechech o angei an feiöch lon fansoun epwe feito.

Sowel 2:32

Iwe, epwe fis pwe iö epwe köri iten ewe Samol mi Lapalap epwe manau. Pun won ewe chuk Sion pwal lon Jerusalem repwe nom chokewe mi sü seni feiengau, usun ewe Samol mi Lapalap a apasa. Nge me lein ekewe mi chüen manau epwe wor chokewe ewe Samol mi Lapalap a afiliir.”

Opataia 1:21

Iwe, ekewe chon pwora seni Jerusalem repwe maun ngeni Etom o nemeni. Nge püsin ewe Samol mi Lapalap epwe king.”

Mika 5:2

En Petlehem Efrata, inamwo ika ka kisikis me lein ekewe telinimwen Juta, nge ewe mi towu senuk epwe samolun Israel, a nonom seni lomlom, seni fansoun esepop.

Mika 7:20

Kopwe pwäri om allükülük me tong ellet ngeni äm noum kei aramas, äm mwirimwirin Apraham me Jakop usun ka pwon fän akapel ngeni äm kewe lewo lon ekewe fansoun lom.

Sekaraia 13:1

Lon ena fansoun eu puächen koluk epwe puächetä fän iten ekewe mwirimwirin Tafit me chon Jerusalem, pwe epwe limetiir seni ar tipis me limengau.”

Sekaraia 13:7

Iei alon ewe Samol mi Unusen Manaman, “Kopwe pwök, en ketilas, o fiu ngeni nei chon mas, ngeni ewe aramas mi fokun kan ngeniei. Kopwe niela ewe chon mas, pwe ekewe sip repwe toropasfeil. Üpwe ü ngeni ekewe aramas mi kis.

Sekaraia 6:12

Iwe, kopwe üreni, ‘Iei alon ewe Samol mi Unusen Manaman: Nengeni, iei i ewe mwän mi iteni Ewe Palan. Epwe märitä seni lon lenian, epwe pwal aüsefälietä Imwenfelin ewe Samol mi Lapalap.

Sekaraia 9:9

Oupwe fokun meseik, ämi aramasen Sion. Oupwe akapwas fän pwapwa, ämi aramasen Jerusalem. Nengeni, ämi King a feito remi. A pwüng o pwora, nge a tipetekison o wawa eman aas, eman nienifön aas.

Malakai 3:1

Iwe, ewe Samol mi Unusen Manaman a pälüeni, “Nengeni, üpwe tinala nei chon künö pwe epwe amolätä efoch al fän itei. Mürin, ewe Samol mi Lapalap, ewe oua kütta, epwe müttir feito lon imwan imwenfel. Nengeni, epwe feito ewe chon künön ewe pwon, ätewe oua pwapwaiti.”

Malakai 4:2

Nge usun akkar a asarama fanü, iei usun pwüng epwe uwato manau ngenikemi mi aleasochisiei. Ämi oupwe towu o mwetemwet usun chök ekewe nienifön kow ra mwetemwet lupwen ra towu seni lenier.

Föför 23:6

Iwe, lupwen Paulus a küna pwe ekoch chon ewe mwich ir Satusi, nge pwal ekoch ir Farisi, a leüömong le kapasowu ren ewe mwichen soupwüng, “Ämi pwii kana re Israel! Ngang eman Farisi, nöün eman Farisi. Üa kapwüng ikei pokiten ai apilükülük pwe ekewe mi mäla repwe manausefäl!”

Föför 24:15

Üa pwal apilükülük lon ewe Kot ir ra pwal apilükülük ngeni, pwe aramas meinisin, ekewe chon pwüng me ekewe aramas mi ngau, repwe manausefäl seni mäla.

Föför 24:21

chilon chök ewe eu mettoch üa kökkö lupwen üa ütä me mwer, ‘Ngang üa küna kapwüng me remi ikenai fän iten üa lükü pwe ekewe sotup repwe manausefäl.’”

Föför 26:8

Pwota ämi chon Juta oua ekieki pwe esap tufich ach sipwe lükü pwe Kot epwe amanauatä ekewe mi mäla?

Föför 28:20

Ina popun üa tüngor pwe üpwe churikemi o kapas ngenikemi. Pun ngang üa fötek pokiten än ekewe chon Israel apilükülük.”

Föför 3:24

Iwe, ekewe soufos, pwal Samuel me chokewe mi tapw me mürin, ir meinisin mi afalafal, ra fen kapas usun met epwe fis lon ekei rän.

Nöün Paulus Toropwe ngeni ekewe Souläng lon Rom 15:8

Pun üa ürenikemi pwe Kraist a wiliti eman chon angang fän iten ekewe chon Juta an epwe pwärätä pwe Kot a allükülük, o epwe apwönüetä än Kot kewe pwon ngeni ar kewe lewo,

Kalatia 4:4

Nge lupwen a war ewe fansoun mi kapwüngüla, Kot a tinato püsin Nöün. A uputiu seni eman fefin o a nonom fän ekewe Allük,

Tuteronomi 18:15

“Iwe, ewe Samol mi Lapalap ämi we Kot epwe awora eman soufos me leimi usun ngang, nge ämi oupwe aleasochisi.

Titus 2:13

Iwe, sipwe witiwiti ewe Ränin feiöch sia apilükülük ngeni, lupwen lingen ach we Kot mi tekia, ach Chon Amanau Jesus Kraist epwe wareto.