Föför 26:5 - Chuukese Bible

⁵ Ra fen silei seni me lom, nge ika ra mochen ra tongeni pwärätä usi, pwe ngang eman Farisi, chon ewe mwich mi fokun tichik me lon ach lamalam.

Föför 26:5 Iomraidhean Croise

Föför 15:5

Mürin ekoch me lein ekewe chon lükü Jesus, ir chon ewe mwichen Farisi, ra ütä o apasa, “Ekewe chon lükün Israel repwe fokun sirkomsais. Oupwe pwal üreniir, pwe repwe fokun aleasochisi än Moses kewe Allük.”

Föför 22:3

“Ngang eman re Juta, üa uputiu lon ewe telinimw Tarsus lon Silisia, nge üa mämäritä ikei lon Jerusalem. Üa sukul ren ewe sense Kamaliel, a aiti ngeniei tichikin ekewe allük seni ach kewe lewo pwe üpwe apwönüretä. Üa fangala manauei ngeni Kot usun chök ämi oua föri ikenai.

Föför 22:5

Ewe Souasor mi Lap me unusen ewe mwichen soupwüng ra tongeni alletätä pwe mine üa apasatä a let. Üa angei seniir ekewe toropwe ra mak ngeni pwiir kewe chon Juta mi nom lon Tamaskus. Iei mine üa feila ikenan pwe üpwe turufi ekei aramas o aliwinisefäliireto ngeni Jerusalem fän föföör, pwe repwe angei liwinin ar föför.

Föför 23:6

Iwe, lupwen Paulus a küna pwe ekoch chon ewe mwich ir Satusi, nge pwal ekoch ir Farisi, a leüömong le kapasowu ren ewe mwichen soupwüng, “Ämi pwii kana re Israel! Ngang eman Farisi, nöün eman Farisi. Üa kapwüng ikei pokiten ai apilükülük pwe ekewe mi mäla repwe manausefäl!”

Föför 24:14

Nge ngang üpwe pwärätä ei ngonuk: Üa fel ngeni än ach kewe lewo we Kot ren ai fetal won ewe Al ir ra apasa pwe mi mwäl. Nge üa pwal lükü meinisin mine a mak lon än Moses kewe Allük pwal lon ekewe puken soufos.

Föför 24:5

Äm aia mefi pwe ei mwän eman aramas mi fokun afeiengau. A popuetä fitikoko lein ekewe chon Juta won unusen fanüfan, i eman souemwenin ewe mwichen Nasaret.