Föför 26:3 - Chuukese Bible

³ Nge a fokun öch, pun ka fokun silefichi örünien ekewe chon Juta me mine ra anini won. Iei mine üa tüngor om kopwe aüselingaei fän mosonotam.

Föför 26:3 Iomraidhean Croise

Jeremaia 32:11

Mürin, üa angei ekewe ruachö toropwen atipeeuin kamö, ewe mi appach o impwang a makelong lon pwüngün me lapalapen ai kamö, pwal ewe echö mi suk,

Föför 21:21

Ir ra rong usumw, pwe ka afalafala ekewe chon Juta meinisin mi nonom lon ekewe fanüen chon lükün Israel, pwe repwe pöütala än Moses kewe allük, ka pwal üreniir pwe resap sirkomsaisi nöür semirit ika aleasochisi örünien ekewe chon Juta.

Föför 24:10

Iwe, ewe kepina a pwome ngeni Paulus an epwe kapas. Iwe, Paulus a üra, “Ngang üa silei pwe en ka fen soukapwüngün ei mwü lon chomong ier. Iei mine üa pwapwa ai üpwe püsin peniei me mwomw.

Föför 24:4

Ngang üsap mochen atai om fansoun, nge üa tüngor ngonuk pwe kopwe kirikiröch ngenikem o aüseling ngeni äm kewe kapas mi mochomoch.

Föför 25:26

Nge esap wor och mine üpwe tongeni makkeela ren ewe Sisar usun föförün ätei. Iei mine üa emwenato i me mwemi meinisin, fokun me mwomw king Akripa, pun wesin ei angangen chosa fän itan, epwe wor mine üpwe tongeni makkeetiu usun.

Föför 26:2

“King Akripa! Üa fokun kilisou, pun üa tongeni püsin peniei me mwomw usun ekewe mettoch meinisin ekewe chon Juta ra atipisiei won.

Föför 26:26

King Akripa, en ka silei usun ekei mettoch meinisin, iei mine üa pwora le kapas ngonuk. Üa lükü pwe ka sileiöchü ekei mettoch meinisin, pun resap fis le monomon chök.

Föför 26:7

ewe chök pwon aramasach kewe seni ekewe engol me ruu ainang ra apilükülükü pwe repwe angei lupwen ra fel ngeni Kot lerän me lepwin. Iwe, ämäfen king, pokiten ei apilükülük ekewe chon Juta ra atipisiei ren.

Föför 28:17

Mürin ülüngat rän, Paulus a körato ekewe souemwenin ekewe chon Juta mi chon lefanüla lon Rom pwe repwe mwichfengen. Iwe, lupwen ar chufengen, Paulus a üreniir, “Ämi pwii kana chon Israel! Inamwo ika ngang üsap föri och mi ü ngeni aramasach ika örüniach kewe sia angei seni ach kewe lewo, nge ra fötekiniei lon Jerusalem o atolongaei fän nemenien chon Rom.

Föför 6:14

Äm aia rongorong an apasa, pwe ei Jesus seni Nasaret epwe ataetiu ewe imwenfel o akasiwili ekewe örünien lamalam Moses a aiti ngenikich!”

1. Korint 13:2

Are üpwe eäni ewe tufichin osuni o weweöchiti meinisin mine a monomon o eäni silelap meinisin, are üpwe pwal eäni lükülük meinisin, pwe üpwe tongeni amwökütü chuk kana, nge üsap eäni chen, esap wor ai aüchea.

Tuteronomi 17:18

Lupwen epwe tolong lon wisan wisen king lon mwün, epwe apirüelong lon eu puk ekei allük fän itan seni ewe puk mi nom fän tümwünüen ekewe souasor ir chon ewe ainangen Lefi.