Föför 26:13 - Chuukese Bible

¹³ Ämäfen king, lupwen üa fetal won ewe al leoloas, üa küna eu saram seni läng mi saramaram seni akkar a sarametiu ünüki me chiechiei kewe mi etiei.

Föför 26:13 Iomraidhean Croise

Aisea 24:23

Mürin, maram me akkar repwe tinengauala ren ar säw, pun ewe Samol mi Unusen Manaman epwe nemenem won ewe chuk Sion, pwal lon Jerusalem. Iwe, ekewe souakomwen lon ewe telinimw repwe küna an ling.

Aisea 30:26

Iwe, tinen maram epwe wattela usun chök tinen akkar, nge tinen akkar epwe wattela fän fisu usun chök saramen fisu rän, lupwen ewe Samol mi Lapalap epwe filiti kinasen nöün aramas o amoola metekir a püsin ngeniir.

Mateus 17:2

Lupwen ar nenengeni Jesus, a wilila inisin: won mesan a saramaram usun akkar, nge üfan kana ra fokun pwechela o molupolup.

Föför 22:6

“Iwe, lupwen ai sai o üa arap ngeni Tamaskus, leoloas a fis pwe a pwäkai ngeniei och saram mi fokun saramaram me läng a feitiu woi.

Föför 22:9

Iwe, ekewe mwän mi etiei ra chök küna ewe saram, nge resap rongorong möngüngün ewe eman mi kapas ngeniei.

Föför 26:12

“Iwe, fän iten ei popun üa feila Tamaskus fän pwüngün me akünöüen ekewe souasor mi lap.

Föför 26:14

Iwe, äm meinisin aia turutiu lepwül, nge ngang üa rong eu möngüngü mi kapas ngeniei lon fosun Ipru, ‘Saul, Saul, pwota ka ariaföüüei? Ka püsin afeiengauok ren om ü ngeniei, usun eman kow a chepeti ewe wok mi nom lepöün ewe chon tümwünü.’

Föför 9:3

Iwe, lupwen Saul a sai o arap ngeni ewe telinimw Tamaskus, lon ena chök otun eu saram me läng a feitiu won.

Pwärätä 1:16

A amwöchü füföü fü lon pöüifichin, nge efoch ketilas mi seisei me ruupekin a itiwu seni lon awan. Won mesan a saramaram usun saramen akkaren leoloas.

Pwärätä 21:23

Esap lomot ngeni ewe telinimw tinen akkar ika tinen maram, pun än Kot ling a tinetiu won, o ewe Lam iei an atitin.