Föför 26:11 - Chuukese Bible

¹¹ Fän chomong üa ariaföüür lon ar kewe imwen felikis, üa pwal achocho le föri mine repwe fangata ar lükülük ren. Lon ai lingeringeritiir üa fen mwo nge feila ngeni ekewe telinimwen chon ekis pwe üpwe ariaföüür.

Föför 26:11 Iomraidhean Croise

Kölfel 102:8

Iteiten fansoun chon oputaei ra takirin ämängauaei, chokewe mi kapasingau usi ra eäni itei le ottek.

Än Salomon Afalafal 9:3

Iei och mettoch mi ngau a fis won fanüfan, pwe eu chök lapalap a fis ngeni aramas meinisin. Letipen aramas ra uren mettoch mi ngau, ra pwal uren song lupwen ra manau, nge mürin ra chök mäla.

Mateus 10:17

Oupwe mamasa, pun epwe wor aramas repwe fötekinikemi o emwenikemi lon kapwüng, repwe pwal wichikemi me lon ar kewe imwen felikis.

Markus 13:9

Oupwe püsin mamasakemi. Pun repwe fötekinikemi o emwenikemiilong lon kapwüng. Repwe wichikemi lon ar kewe imwen felikis. Oupwe ütä mwen ekewe kepina me king pokitei, pwe oupwe pwärätä ngeniir mine a let.

Markus 3:28

Enlet, üpwe ürenikemi, pwe än aramas tipis meinisin repwe musala, pwal ar kewe kapasen turunufas ra apasa,

Lukas 15:17

Mürin a nela lelukan. Iwe, a apasa, ‘Nöün semei kewe chon angang mi liwin meinisin a watte aner, lap seni ar tongeni mongö, nge iei üa nom ikei lon ai mään echik.

Lukas 21:12

Nge me mwen ekewe mettoch meinisin repwe fisitä, repwe turufikemi o ariaföüükemi, repwe etekinikemiila pwe oupwe kapwüng lon ekewe imwen felikis o atolongakemi lon imwen fötek. Repwe pwal emwenikemiila mwen ekewe king me kepina pokiten itei.

Lukas 6:11

Nge ekewe Farisi me Sensen Allük ra fokun song o ra popuetä le pwüngüpwüngfengen lefiler usun mine repwe föri ngeni Jesus.

Föför 13:45

Nge lupwen ekewe chon Juta ra küna ewe mwicheichen aramas, ra fokun lolowo. Ra esita mine Paulus a apasa o kapasingau usun.

Föför 18:6

Nge lupwen ekewe chon Juta ra ü ngeni Paulus o apasatä kapas mi ngau usun i, Paulus a pölüeniir ren an wichikala pwülün üfan o üreniir, “Are ämi oua pöütmwälila, püsin tipisimi, nge sap tipisi! Seni ikenai üpwe feila ren ekewe chon lükün Israel.”

Föför 22:19

Iwe, üa pölüeni, ‘Ai Samol, ir ra fokun silei pwe ngang üa feila lon ekewe imwen felikis ai üpwe turufi o wichi chokewe mi lükü en.

Föför 22:5

Ewe Souasor mi Lap me unusen ewe mwichen soupwüng ra tongeni alletätä pwe mine üa apasatä a let. Üa angei seniir ekewe toropwe ra mak ngeni pwiir kewe chon Juta mi nom lon Tamaskus. Iei mine üa feila ikenan pwe üpwe turufi ekei aramas o aliwinisefäliireto ngeni Jerusalem fän föföör, pwe repwe angei liwinin ar föför.

Föför 9:1

Lon ena fansoun Saul a chök sopwela le eniweniwa ekewe chon lükü ach Samol pwe epwe niirela. Iwe, a feila ren ewe Souasor mi Lap

James 2:7

Ifa usun, esap pwal ir chokewe mi turunufasei ewe it mi mürina a föü womi?

2. Petrus 2:16

iwe, a küna apwüng fän iten an tipis. Nöün we aas a kapas ngeni lon möngüngün eman aramas o aükätiu än ewe soufos föför mi umwes.