Föför 24:5 - Chuukese Bible

⁵ Äm aia mefi pwe ei mwän eman aramas mi fokun afeiengau. A popuetä fitikoko lein ekewe chon Juta won unusen fanüfan, i eman souemwenin ewe mwichen Nasaret.

Föför 24:5 Iomraidhean Croise

Ester 3:8

Mürin, Haman a üreni ewe king Asuroworos, “A wor eu mwichen aramas mi toropasfeil lein ekewe aramas lon ekewe sop meinisin mi nom fän nemeniom. Ar allük kana ra sokofesen seni än ekewe lusun aramas allük, resap pwal aleasochis ngeni om kewe allük. Iei mine esap lomot ngonuk en ai king ar repwe manau.

Jeremaia 37:13

Lupwen a tori ewe Asamalapen Peniamin, ewe meilapen mwichen chon mas itan Iria nöün Selemia we mwän, nge Selemia nöün Hanania, a turufi Jeremaia o üra, “En ka mochen sü ngeni ekewe chon Papilon.”

Jeremaia 38:4

Mürin, ekewe nöüwis ra üreni ewe king, “Kopwe mwütätä pwe ei mwän epwe ninnila. Pun a akisikisala leluken ekewe sounfiu mi chüen nom lon ei telinimw me leluken ekewe aramas meinisin ren an apasa ekei sokun kapas ngeniir. Ei mwän esap kütta feiöchün ekei aramas, ngei feiengauer.”

Amos 7:10

Mürin, Amasia ewe souasor mi nom lon Petel a titila ren Jeropoam ewe kingen Israel o apasa, “Amos a rawangaueek lein chon Israel. An kapas a angauala chon ei fanü.

Mateus 10:25

Iei mine eman chon kaiö epwe menemenöch an epwe wewe ngeni nöün sense, nge eman chon angang epwe menemenöch an epwe wewe ngeni an masta. Are ra aita ngeni möküren ewe famili Peelsepul, epwe ifan me ngauen ewe it repwe aita ngeni chon an famili meinisin.

Mateus 2:23

o chonlefanüla lon eu telinimw itan Nasaret. Iei usun a pwönüetä mine ekewe soufos ra fen apasa, “Epwe iteni re Nasaret.”

Markus 1:24

“Met ka mochen föri ngenikem, Jesus seni Nasaret? Ka feito pwe kopwe afeiengauakem? Ngang üa silei pwe en Ewe mi Pin, Kot a tinato.”

Lukas 23:19

(Parapas a fen nom lon imwen fötek pokiten an afisätä eu fitikoko lon ewe telinimw, pwal fän iten an niela aramas.)

Lukas 23:2

Ikenan ra popuetä le atipisi Jesus o üra, “Äm aia küna ei mwän pwe a emweningaua aramasen fanüach. A üreniir pwe resap takises ngeni Sisar, a pwal apasa pwe püsin i Kraist ewe king.”

Lukas 23:25

A amusala ewe mwän mi nom lon imwen fötek pokiten an afisätä fitikoko me niela aramas, i ätewe ra tüngor an epwe musala. Nge a mwüt ngeniir Jesus pwe repwe föri ngeni mine ra mochen.

Lukas 23:5

Nge ir ra chök alapala ar kapasen tipitipmwäl ngeni, “A afitikokoi ekewe aramas ren an afalafal lon unusen Jutea, a popuetä seni lon Kalilea o otourato ikei.”

Föför 15:5

Mürin ekoch me lein ekewe chon lükü Jesus, ir chon ewe mwichen Farisi, ra ütä o apasa, “Ekewe chon lükün Israel repwe fokun sirkomsais. Oupwe pwal üreniir, pwe repwe fokun aleasochisi än Moses kewe Allük.”

Föför 21:28

Ra kökkö fän leüömong, “Ämi re Israel! Oupwe alisikem! Iei i ewe mwän mi saifeil ekis meinisin o a eäni och sokun afalafal ngeni aramas meinisin mi ü ngeni ekewe aramasen Israel, än Moses kewe Allük me ei imwenfel. Nge iei a fen mwo nge uwato ekoch chon lükün Israel lon ei imwenfel o apiningaua ei leni mi pin!”

Föför 22:22

Iwe, ekewe aramas ra aüseling ngeni Paulus tori a apasatä ekei kapas. Nge mürin ra popuetä le pupuchör fän mwelier mi leüömong, “Oupwe fokun niela ätei! Esap fokun öch an epwe manau!”

Föför 24:14

Nge ngang üpwe pwärätä ei ngonuk: Üa fel ngeni än ach kewe lewo we Kot ren ai fetal won ewe Al ir ra apasa pwe mi mwäl. Nge üa pwal lükü meinisin mine a mak lon än Moses kewe Allük pwal lon ekewe puken soufos.

Föför 24:4

Ngang üsap mochen atai om fansoun, nge üa tüngor ngonuk pwe kopwe kirikiröch ngenikem o aüseling ngeni äm kewe kapas mi mochomoch.

Föför 25:7

Nge lupwen Paulus a war, ekewe chon Juta mi feito seni Jerusalem ra ütä pwelin ünükün o popuetä le aturu won chomong föför mi ngau ra atipisi won. Nge resap tongeni alletätä pwe a pwüng.

Föför 26:5

Ra fen silei seni me lom, nge ika ra mochen ra tongeni pwärätä usi, pwe ngang eman Farisi, chon ewe mwich mi fokun tichik me lon ach lamalam.

Föför 28:22

Nge aia mochen rongorong mefiom, pun aia silei pwe ekis meinisin aramas ra kapasen ü ngeni ei mwich ka choni.”

Föför 5:17

Mürin ewe Souasor mi Lap me chiechian kewe meinisin, ir chon ewe mwichen Satusi, ra fokun lolowoiti ekewe soukünö.

Föför 6:13

Mürin ra emwenato ekoch mwän ar repwe apasa kapas chofona usun i. Ra üra, “Ei mwän esap ükütiu le kapasingau usun ach ei mwichefel me än Moses kewe allük.

1. Korint 11:19

Ewer, epwe fokun wor kinikinfesen lefilemi, pwe chokewe mi pwüng repwe fokun pwäpwäla.

1. Korint 4:13

Lupwen ra aitengauakem, aia pölüeniir lon kapas pwetete. Aia wewe ngeni mettoch lon lenien koturula, aia wewe ngeni limengauen ei fanüfan tori ikenai.

1. Petrus 2:19

Kot epwe afeiöchükemi are oupwe anomukemi fän weiresin ekewe riaföü esepwüng, pokiten oua mefi pwe iei letipen Kot.