Föför 24:2 - Chuukese Bible

² Mürin ar körato Paulus, Tertullus a popuetä le pwärätä an kapasen atutur. Iei usun mine a apasa: “En ämäfen kepina! Om tipachem le emwenikich a aworato kinamwe ngenikich lon fansoun langatam, pwal chomong minefön mettoch ra fisitä fän iten feiöchün fanüach.

Föför 24:2 Iomraidhean Croise

Kölfel 10:3

Ewe aramasangau a sikäsini mochenin lelukan, nge ewe aramas mi mochenian win a otteki o pöütala ewe Samol mi Lapalap.

Än Salomon Fos 26:28

Eman mi eäni kapas chofana a oput chokewe a ariaföüür, nge kapas motoutou ra chök afisätä feiengau.

Än Salomon Fos 29:5

Eman aramas mi eäni kapas amichimich ngeni chon arun a ameresala eu cheew fän iten püsin pechen.

Föför 24:1

Iwe, limu rän mürin ewe Souasor mi Lap Ananias a feila Seserea fiti ekoch souakom me eman souallük itan Tertullus. Ra feito mwen mesen ewe kepina Feliks o pwärätä ekewe tipis ra tipi ngeni Paulus.

Föför 24:3

Ekis meinisin pwal fansoun meinisin äm aia etiwa ei sokun feiöch, nge äm aia fokun kilisou chapur ngonuk.

Jutas 1:16

Ekei aramas ra chök lal o atipisi aramas. Ra chei mochenin letiper mi ngau, ra eäni kapasen tunomong usun püsin ir, ra pwal kapas amichimich, pwe repwe angei mine ra mochen.