Föför 24:11 - Chuukese Bible

¹¹ Usun ka tongeni püsin silei pwe esap mwo lap seni engol me ruu rän ra la, pwe ngang üa feila Jerusalem ai üpwe fel ngeni Kot.

Föför 24:11 Iomraidhean Croise

Föför 21:18

Sorotän ewe rän, Paulus a etikem le feila churi James. Iwe, ekewe souakomwen mwichefel meinisin ra pwal nom.

Föför 22:30

Iwe, ewe sounemenemen sounfiu a wesewesen mochen küttaöchü met ekewe chon Juta ra atipisi Paulus won. Iei mine sorotän ewe rän a apichi ekewe sein Paulus a föfö ngeni, a pwal allük ngeni ekewe souasor mi lap me unusen ewe mwichen soupwüng pwe repwe mwichfengen. Mürin a angei Paulus o aütai me mwer.

Föför 23:11

Lon ewe pwinin, ewe Samol a ütä ren Paulus o a üreni, “Kosap niuokus! Ka pwäriei ikei lon Jerusalem, iei usun kopwe pwal fokun pwäriei lon Rom.”

Föför 23:23

Mürin ewe sounemenemen sounfiu a körato ruoman nöün kewe meilapen sounfiu o üreniir, “Oupwe amolätä ruopükü sounfiu pwe repwe feila Seserea me fik chon wawa oris, pwal ruopükü chon uwou siles. Iwe, oupwe molotä ämi oupwe sü seni ikei kulok tiu lepwinei.

Föför 24:1

Iwe, limu rän mürin ewe Souasor mi Lap Ananias a feila Seserea fiti ekoch souakom me eman souallük itan Tertullus. Ra feito mwen mesen ewe kepina Feliks o pwärätä ekewe tipis ra tipi ngeni Paulus.

Föför 24:17

“Mürin ai toau seni Jerusalem ekoch ier, üa liwinto ikei ai üpwe uwato moni fän iten alilisin aramasei kewe chon Juta mi osupwang, üpwe pwal uwato ai asor.