Föför 23:9 - Chuukese Bible

⁹ Iwe, ar kapas a leüömongola o ekoch seni ekewe Sensen Allük, ir seni lon ewe mwichen Farisi, ra ütä o ra pöchökül le anini, “Äm aisap tongeni küna och mwälin ei mwän! Eli eman ngün ika eman chon läng a wesewesen kapas ngeni!”

Föför 23:9 Iomraidhean Croise

Än Salomon Fos 16:7

Are än eman aramas föför a apwapwai ewe Samol mi Lapalap, i epwe pwal föri pwe chon oputan repwe kinamwe ngeni.

Jeremaia 26:16

Mürin, ekewe nöüwis me ekewe aramas meinisin ra üreni ekewe souasor me ekewe soufos, “Ese pwüng ngeni ei mwän an epwe mäla, pun a kapas ngenikem fän alon ewe Samol mi Lapalap ach we Kot.”

Markus 2:16

Iwe, ekoch Sensen Allük, ir Farisi, ra küna pwe Jesus me ekewe chon tipis me chon ioni takises ra mongöfengen. Iei mine ra aisini nöün kewe chon kaiö, “Pwota ätei a mongöfengen me ekei sokun aramas?”

Lukas 23:22

Iwe, Pilatus a kapas ngeniir fän aülüngatin, “Pwota? Meni sokun tipis a föri? Üsap küna ren ei aramas och tipis an epwe ina popun pwe epwe mäla. Iei mine üpwe chök wichi o amusala.”

Lukas 23:4

Mürin Pilatus a üreni ekewe souasor mi lap me ewe mwicheichen aramas, “Üsap küna och tipis ren ei mwän.”

Lukas 5:30

Iwe, ekoch ekewe Farisi me ekoch Sensen Allük mi choni ar kewe mwich, ra ngününgün ngeni nöün Jesus kewe chon kaiö o aisiniir, “Pwota oua mongö o ün me ekewe chon ioni takises me ekewe chon tipis?”

Johannes 12:29

Iwe, ewe mwichen aramas mi ütä ikenan ra rong ewe möngüngü. Ekoch me leir ra apasa pwe och chopulap, nge pwal ekoch ra apasa, “Eman chon läng a kapas ngeni.”

Föför 11:17

A fokun fat pwe Kot a fang ngeni ekei chon lükün Israel ewe chök lifang a ngenikich lupwen sia lükü ach Samol Jesus Kraist. Iö ngang pwe üpwe tongeni pinei mine Kot a mochen föri?”

Föför 22:6

“Iwe, lupwen ai sai o üa arap ngeni Tamaskus, leoloas a fis pwe a pwäkai ngeniei och saram mi fokun saramaram me läng a feitiu woi.

Föför 22:7

Üa turutiu lepwül o üa rong eu möngüngü a üreniei, ‘Saul, Saul, pwota ka ariaföüüei?’

Föför 23:29

Iwe, üa küna pwe esap föri och mine epwe tipisin mäla ren ika tolong lon imwen fötek. Ar kewe kapasen tipi ngeni ra pop seni ekewe kapasen anini usun püsin ar kewe allük.

Föför 23:8

(Pun ekewe Satusi ra apasa pwe esap wor manausefäl seni mäla, ra pwal apasa pwe esap wor chon läng me ngün. Nge ekewe Farisi ra lükü lon ir me ülüngat.)

Föför 25:25

Ngang üsap küna och föför a föri fän iten an epwe tipisin mäla. Iwe, pokiten püsin i a tüngor pwe an kapwüng epwe amwet ngeni ewe Sisar, üa ekieki ai üpwe tinala ren.

Föför 26:31

Mürin ar towu ra kapasfengen lefiler, “Ei aramas esap föri och mine epwe tipisin mäla ren ika nom lon imwen fötek.”

Föför 27:23

Pun lepwin ewe eman nöün Kot chon läng, ewe Kot üa nonom fän nemenian o üa angang ngeni, a feito rei

Föför 5:39

nge are a pop seni Kot, ousap tongeni aüküretiu. Oupwe chök silei pwe oua fiu ngeni Kot.” Iwe, ewe mwichen soupwüng a tipeeu ngeni än Kamaliel we öüröür ngeniir.

Föför 9:4

Iwe, a turutiu le pwül, nge a rongorong eu möngüngü mi üreni, “Saul, Saul, pwota ka ariaföüüei?”

1. Korint 10:22

Ika sia mochen asonga ach Samol? Ifa usun, sia pöchökül seni i?

1. Samuel 12:5

Nge Samuel a üreniir, “Ewe Samol mi Lapalap a küna, pwal nöün we mi kepit a küna ikenai pwe ousap oori ngeniei och.” Iwe, ra üreni, “Ewer, Kot a küna.”

1. Samuel 24:17

A üreni Tafit, “En ka pwüng lap seniei. Ka liwini ngeniei mine a mürina, nge ngang üa liwini ngonuk mine a ngau.