Föför 23:12 - Chuukese Bible

¹² Lesosorun sorotän ewe rän ekoch chon Juta ra chufengen o föri eu raw. Ra atolongeer lon eu pwon mi fis fän akapel, pwe resap mongö ika ün och tori ar repwe niela Paulus.

Föför 23:12 Iomraidhean Croise

Keneses 37:18

Iwe, pwin kewe ra küna Josef me toau. Nge lupwen esamwo arap ngeniir, ra pwüngüpwüngfengen lemonomon usun ar repwe niela.

1. King 19:2

Mürin, Isipel a tinala eman chon künö ren Elias pwe epwe üreni, “Ekewe kot repwe nieila ika üsap föri ngonuk lesor lon ei otun usun mine ka föri ngeni ekewe soufos.”

2. King 6:31

Iwe, ewe king a üra, “Amwo Kot epwe nieila, are üen Elisa nöün Safat we mwän esap pöküpök ikenai.”

Nehemia 10:29

aia chufengen me äm kewe souemwen le pwon fän akapel. Aia pwon fän akapel pwe aipwe apwönüetä än Kot we allük Moses nöün Kot we chon angang a ngenikem, aipwe pwal aleasochisi än ewe Samol mi Lapalap äm we Samol kewe allük me pwüüng meinisin. Nge iö kana ra atai ei pwon repwe anümamau.

Ester 2:22

Iwe, Mortokai a silei ar ei ekiek o asile ngeni kiwiin Ester, nge Ester a asile ngeni ewe king fän iten Mortokai.

Kölfel 31:13

Ewer, üa rongorong pwe chomong ra möngününgün. Lupwen ra raweei usun ar repwe angei manauei, niuokus watte a nom pwelin ünüki.

Jeremaia 11:19

Nge ngang üa usun chök eman apanen sip mi mosonoson, aramas ra emwenala ren ewe chon niela. Ngang üsap mefi pwe ra ekiekin rawangauaei, lupwen ra apasa, “Ousipwe ataala ewe irä fiti uan. Ousipwe ukufala i me lon fanüen chokewe mi manau, pwe esap chüen wor eman epwe chechemeni itan.”

Jeremaia 44:25

Iei alon ewe Samol mi Unusen Manaman, ewe Koten Israel: Ämi me pwülüemi kewe oua pwärätä ren ämi föför mine oua pwon, lupwen oua apasa, ‘Äm aipwe fokun apwönüetä äm we pwon pwe aipwe keni apach mi pwokus ngeni ewe kiwinen läng o ninätiu ngeni asoren ün.’ Iei oupwe föri o apwönüetä mine oua pwon.

Lifitikos 27:29

Eman aramas mi apinipin pwe epwe kärila esap tufich pwe epwe mösefäl, nge epwe ninnila.

Mateus 26:4

Ra pwüngüpwüngfengen usun ar repwe turufi Jesus le monomon o niela.

Mateus 26:74

Mürin Petrus a üra, “Üa fokun akapel pwe üa pwärätä mine a let! Amwo Kot epwe apwüngüei are üsap apasa mine a let! Ngang üsap fokun silei ena mwän.” Lon ewe chök otun ewe chuko a kökkö.

Mateus 27:25

Mürin ekewe aramas meinisin ra pölüeni, “Liwinin chaan epwe nonom wom me won nöüm kana!”

Föför 23:13

Mi wor lap seni faik mwän mi akotafengeni ei raw.

Föför 23:14

Mürin ra feila ren ekewe souasor mi lap me ekewe souakom o ra üreniir, “Äm aia atolongakem lon eu pwon, pwe aisap mongö och tori äm aipwe niela Paulus.

Föför 23:21

Nge üa tüngor ngonuk pwe kosap aüseling ngeniir, pun a wor lap seni faik mwän ra op o witiwit. Ra atolongeer lon eu pwon mi fis fän akapel, pwe resap mongö ika ün tori ra niela Paulus. Iei ra molotä pwe repwe föri ei o witiwiti om kopwe apwüngala ar tüngor.”

Föför 23:30

Nge lupwen ar asile ngeniei, pwe ekoch chon Juta ra rawangauei ei mwän, üa müttir tinala reöm. Iwe, üa üreni ekewe chon atipisi, pwe repwe feila reöm o pwäri ngonuk me mwomw ar kewe kapasen tipi ngeni.”

Föför 25:3

pwe epwe alisiir pwe Paulus epwe feito Jerusalem, pun ra föri eu raw pwe repwe niela won ewe al.

Föför 9:23

Iwe, mürin chomong rän ekewe chon Juta ra chufengen o ekiekifengeni usun ar repwe niela Saul.

Föför 9:24

Nge eman a pwäri ngeni Saul ar ekiek. Lerän me lepwin ra mamasa ekewe asamalapen ewe telinimw fän iten ar repwe niela.

1. Korint 16:22

Iö esap tongei ach Samol i epwe anümamau! Maranatha. (wewen: Äm Samol kopwe feito!)

2. Korint 11:26

Lon ai saifeil fän chomong üa nom lon feiengauen puun chanpupu, pwal feiengau seni chon achomau, feiengau me ren aramasei ekewe chon Juta me feiengau me ren ekewe chon lükün Israel. A wor afeiengau lon ekewe telinimw, afeiengau lon fanüapö, afeiengau me le matau, pwal afeiengau seni ekewe souläng chofona.

Kalatia 3:13

Nge ren än Kraist küna anümamau fän itach a angasakich seni ewe anümamau ekewe Allük ra atoto woch, pun a mak lon ekewe Toropwe mi Pin, “Iö a mwöch won efoch irä a anümamau me ren Kot.”

1. Tesalonika 2:16

Ra pwal mwo nge sotuni ar repwe pinekem seni äm afalafala ngeni ekewe chon lükün Israel ewe kapasen Kot mi atoto rer manau. Iei ewe amüchülan me lein ekewe tipis meinisin ra föri seni me lom. Iwe, iei än Kot song a fokun feitiu wor.

Josua 6:26

Lon ei fansoun Josua a eäni ei pwon fän akapel ngeni chon Israel o apasa, “A anümamau me ren ewe Samol mi Lapalap eman mwän mi aüsefälietä ewe telinimw Jeriko. Iö a föri longolongun ewe telinimw, nöün mwänichi epwe mäla. Nge iö a apachätä asamalapan, nöün setiputur epwe mäla.”

Josua 7:1

Nge ekewe chon Israel ra atai allükün ekewe mettoch mi pin repwe kata. Pun Akan nöün Karmi we mwän, nge Karmi nöün Sapti, nge Sapti nöün Sera seni ewe ainangen Juta, a angei ekoch ekewe mettoch repwe kata. Iwe, ewe Samol mi Lapalap a fokun song ngeni ekewe aramasen Israel.

Josua 7:15

Iwe, ätewe mi siil pwe a anomu ekewe mettoch mi pin ngeni epwe kekila, i me chon an famili pwal an mettoch meinisin, pokiten a atai än ewe Samol mi Lapalap we pwon, pwal pokiten a föri eu föför mi äsäw me lon Israel.”

1. Samuel 14:24

Iwe, ekewe re Israel ra weires lon ewe ränin, pun Saul a eäni eu pwon fän akapel ngeni ekewe aramas o apasa, “Epwe anümamau ewe mwän mi mongö och me mwen lekuniol tori üpwe ngeni ekewe chon oputaei chappen ar föför.” Iei mine ekewe sounfiu resap neni och mongö.