Föför 22:5 - Chuukese Bible

⁵ Ewe Souasor mi Lap me unusen ewe mwichen soupwüng ra tongeni alletätä pwe mine üa apasatä a let. Üa angei seniir ekewe toropwe ra mak ngeni pwiir kewe chon Juta mi nom lon Tamaskus. Iei mine üa feila ikenan pwe üpwe turufi ekei aramas o aliwinisefäliireto ngeni Jerusalem fän föföör, pwe repwe angei liwinin ar föför.

Föför 22:5 Iomraidhean Croise

Lukas 22:66

Iwe, lupwen a ränila, ekewe souakomwen lamalam, ekewe souasor mi lap me ekewe Sensen Allük ra mwichfengen. Mürin ra etekinala Jesus mwen ewe mwichen souapwüng.

Föför 1:15

Ekoch rän mürin a fis eu mwichen chon lükülük, ina epwe ükükün ipükü rüwe. Iwe, Petrus a ütä lefiler

Föför 13:26

Ämi pwii kana re Israel, ämi mwirimwirin Apraham me ämi chon lükün Israel meinisin mi fel ngeni Kot: Ei kapasen manau Kot a fen tinato ngenikich!

Föför 2:29

“Ämi pwii kana, üpwe kapas ngenikemi o afataöchü usun ach we lewo mi iteföüla King Tafit. A mäla o peias, nge peiasan a chüen nonom rech ikei tori ikenai.

Föför 22:1

“Ämi pwii me semei kana, oupwe aüseling ngeniei, pun üpwe püsin peniei mwemi.”

Föför 23:1

Iwe, Paulus a newenewen ngeni ewe mwichen soupwüng o apasa, “Ämi pwii kana re Israel! Üa manaueni manauei mwen mesen Kot, nge esap wor och mengiringirin letipei tori ikenai.”

Föför 23:6

Iwe, lupwen Paulus a küna pwe ekoch chon ewe mwich ir Satusi, nge pwal ekoch ir Farisi, a leüömong le kapasowu ren ewe mwichen soupwüng, “Ämi pwii kana re Israel! Ngang eman Farisi, nöün eman Farisi. Üa kapwüng ikei pokiten ai apilükülük pwe ekewe mi mäla repwe manausefäl!”

Föför 26:10

Iwe, iei met üa föri lon Jerusalem. Üa angei ai mwümwütä seni ekewe souasor mi lap pwe üpwe aturalong lon imwen fötek chomong nöün Kot kewe aramas, nge lupwen a towu pwüngün pwe repwe ninnila, üa pwal tipeeu ngeni.

Föför 26:11

Fän chomong üa ariaföüür lon ar kewe imwen felikis, üa pwal achocho le föri mine repwe fangata ar lükülük ren. Lon ai lingeringeritiir üa fen mwo nge feila ngeni ekewe telinimwen chon ekis pwe üpwe ariaföüür.

Föför 26:12

“Iwe, fän iten ei popun üa feila Tamaskus fän pwüngün me akünöüen ekewe souasor mi lap.

Föför 28:17

Mürin ülüngat rän, Paulus a körato ekewe souemwenin ekewe chon Juta mi chon lefanüla lon Rom pwe repwe mwichfengen. Iwe, lupwen ar chufengen, Paulus a üreniir, “Ämi pwii kana chon Israel! Inamwo ika ngang üsap föri och mi ü ngeni aramasach ika örüniach kewe sia angei seni ach kewe lewo, nge ra fötekiniei lon Jerusalem o atolongaei fän nemenien chon Rom.

Föför 28:21

Iwe, ekewe chon Juta ra üreni Paulus, “Äm aisap angei echö toropwe seni Jutea usumw, esap pwal wor eman me lein aramasach a feito seni ikenan fän och pworaus, ika fän och kapas mi ngau usumw.

Föför 3:17

“Ämi pwii kana, iei üa silei pwe met ämi me nöümi souemwen oua föri ngeni Jesus, oua föri pokiten ämi silemang.

Föför 4:5

Iwe, sorotän ewe rän ekewe souemwenin chon Juta, ekewe souakom me ekewe Sensen Allük ra chufengen lon Jerusalem.

Föför 5:21

Iwe, ekewe soukünö ra aleasochisi alon ewe chon läng. Lupwen a ränila ra tolong lon ewe imwenfel o popuetä le afalafal. Lupwen ewe Souasor mi Lap me chiechian kewe ra war, ra körifengeni ekewe souakomwen chon Israel meinisin pwe epwe le fis eu mwichen soupwüng. Mürin ra tinala ekoch chon mas lon ewe imwen fötek, pwe repwe emwenato ekewe soukünö me mwer.

Föför 9:14

A feito ikei fän ewe pwüüng a angei seni ekewe souasor mi lap pwe epwe fötekiniir meinisin mi fel ngonuk.”

Kalatia 1:13

Ämi oua fen rong usun manauei me lom, lupwen üa achocho lon ewe lamalamen chon Juta. Oua rong usun ai ariaföüü chon ewe mwichefelin Kot, nge üsap eäni tong, üa pwal achocho ngeni ai üpwe atala ewe mwichefel.

Filipi 3:6

üa pwal fokun tiliken lon ai ariaföüü ekewe chon lükü Jesus. Are eman aramas a ekieki pwe a tongeni küna pwüng ren an aleasochisi ekewe Allük, ngang üa apwönüretä meinisin.

1. Timoty 4:14

Kosap tümwününgau ngeni ewe lifang seni ewe Ngünmifel, a toruk ren än ekewe soufos kapas, lupwen ekewe souakom ra iseis pöür womw.