Föför 22:3 - Chuukese Bible

³ “Ngang eman re Juta, üa uputiu lon ewe telinimw Tarsus lon Silisia, nge üa mämäritä ikei lon Jerusalem. Üa sukul ren ewe sense Kamaliel, a aiti ngeniei tichikin ekewe allük seni ach kewe lewo pwe üpwe apwönüretä. Üa fangala manauei ngeni Kot usun chök ämi oua föri ikenai.

Föför 22:3 Iomraidhean Croise

2. Samuel 21:2

Ekewe chon Kipeon sap ir aramasen Israel, nge ir chokewe mi chüen manau me lein ekewe chon Amor. Ekewe aramasen Israel ra pwon fän akapel pwe repwe tümwünüür, nge Saul a ekiekin aroserela lon an tiliken fän iten ekewe aramasen Israel me Juta. Iwe, ewe king Tafit a titi ekewe chon Kipeon

2. King 4:38

Iwe, Elisa a liwinsefäliti Kilkal lupwen fansoun lengita lon ewe fanü. Nge lupwen ekewe soufos ra mwicheto ren, Elisa a üreni nöün we chon angang, “Kopwe isetä ewe nape mi watte won ewe ekkei o kuk suup fän iten ewe mwichen soufos.”

Lukas 10:39

Marta a wor eman pwiin itan Maria, neminei a mottiu arun pechen Jesus o aüseling an afalafal.

Lukas 2:46

Mürin ülüngat rän ra küna me lon ewe imwenfel, pwe a mot lein ekewe sense, a aüseling ngeniir o kapas ais ngeniir.

Lukas 8:35

Mürin ekewe aramas ra feila, pwe repwe küna mine a fis. Nge lupwen ar feito ren Jesus, ra küna ewe mwän ekewe anün rochopwak ra towu seni, a mot arun pechen Jesus, a üföüf o miritila. Iwe, ir meinisin ra niuokus.

Föför 11:25

Mürin Parnapas a feila Tarsus pwe epwe kütta Saul.

Föför 15:23

Iei masouen ewe toropwe ra tini ngeniir: “Äm pwimi kewe soukünö me souakom, aia tinala äm kapong ngeni ämi pwiim kana meinisin chon lükün Israel mi nom lon Antiokia, Siria me Silisia.

Föför 15:41

A saifeil lon Siria me Silisia o apöchöküla chon ekewe mwichefel.

Föför 21:20

Mürin ar rongorong ngeni, ir meinisin ra mwareiti Kot. Mürin ra üreni Paulus, “Pwiim Paulus, ka küna pwe mi wor chomong ngeröün chon Juta ra lükü Jesus, nge ir meinisin ra fokun achocho le apwönüetä ekewe Allük.

Föför 21:39

Iwe, Paulus a pölüeni, “Ngang eman re Juta, üa uputiu lon ewe telinimw Tarsus lon Silisia, ngang eman chon eu telinimw mi iteföüla. Kose mochen mwüt ngeniei ai üpwe kapas ngeni ekei aramas.”

Föför 23:34

Ewe kepina a aleani ewe toropwe o aisini Paulus meni fanü a feito seni. Iwe, lupwen a silei pwe Paulus a feito seni ewe fanü Silisia,

Föför 23:6

Iwe, lupwen Paulus a küna pwe ekoch chon ewe mwich ir Satusi, nge pwal ekoch ir Farisi, a leüömong le kapasowu ren ewe mwichen soupwüng, “Ämi pwii kana re Israel! Ngang eman Farisi, nöün eman Farisi. Üa kapwüng ikei pokiten ai apilükülük pwe ekewe mi mäla repwe manausefäl!”

Föför 26:5

Ra fen silei seni me lom, nge ika ra mochen ra tongeni pwärätä usi, pwe ngang eman Farisi, chon ewe mwich mi fokun tichik me lon ach lamalam.

Föför 26:9

Püsin ngang üa ekieki, pwe üpwe fokun föri meinisin mine üa tongeni ai üpwe ü ngeni ewe Jesus seni Nasaret.

Föför 5:34

Nge eman Farisi itan Kamaliel, eman Sensen Allük mi wor sufölün me ren ekewe aramas meinisin, a ütä me lon ewe mwichen soupwüng. A allük pwe ekewe soukünö repwe towu lükün lon ekis fansoun mochomoch.

Föför 6:9

Nge ekoch mwän ra ü ngeni Stefanus, ir chon ewe imwen felikis mi iteni “Chon Ngas”, ekoch chon Juta seni Kirene me Aleksantria ra choni ei mwich. Ir me pwal ekoch chon Juta seni ekewe fanü Silisia me Asia ra popuetä le anini ngeni Stefanus.

Föför 9:1

Lon ena fansoun Saul a chök sopwela le eniweniwa ekewe chon lükü ach Samol pwe epwe niirela. Iwe, a feila ren ewe Souasor mi Lap

Föför 9:11

Ach Samol a üreni, “Kopwe amolokotä o feila lon imwen Jutas mi nom won ewe al itan Wenechar o ais usun eman mwän itan Saul seni Tarsus, pun i a iotek.

Föför 9:30

Lupwen ekewe chon lükü Jesus ra rongorong usun ei ekiek, ra emwenala Saul ngeni Seserea o tinala Tarsus.

Nöün Paulus Toropwe ngeni ekewe Souläng lon Rom 11:1

Iwe, üa ais: Ifa usun, Kot a pöütala nöün kewe aramas? Apwi, esap fokun ina! Püsin ngang eman chon Israel, eman mwirimwirin Apraham, eman chon ewe ainangen Peniamin.

2. Korint 11:22

Ra apasa pwe ir re Ipru, pwal ngang. Ra apasa pwe ir chon Israel, pwal ngang. Ra apasa pwe ir mwirimwirin Apraham, pwal ngang.

Kalatia 1:14

Üa fokun fefeitä lon ai angang ngeni ewe lamalamen chon Juta lap seni chomong piloi kana me lein aramasei, üa pwal fokun tiliken le apwönüetä örünien ach kewe lewo.

Kalatia 1:21

Mürin üa feila lon ekewe fanü Siria me Silisia.

Tuteronomi 33:3

Ellet, a tongei nöün aramas. Nöün chon pin ra nom lepöün. Iwe, ra chapetiu arun pechen o angei an öüröür,