Föför 21:8 - Chuukese Bible

⁸ Sorotän ewe rän aia sai seni ikenan o tori Seserea. Ikenan aia nonom lon imwen Filip, i eman chon arongafeili ewe Pworausen Manau, pwal i eman lein ekewe füman mwän mi kefilitä me lon Jerusalem.

Föför 21:8 Iomraidhean Croise

Föför 10:1

Iwe, a wor eman mwän lon Seserea itan Kornelius, i eman meilapen ewe mwichen sounfiu seni Rom a iteni “Mwichen Itali”.

Föför 16:10

Mürin künaan Paulus ei, äm aia müttir amolätä pwe aipwe feila Masetonia, pun aia mefi pwe Kot a körikem pwe aipwe afalafala ewe Pworausen Manau ngeni ekewe aramas ikenan.

Föför 16:13

Lon ewe ränin Sapat aia feila ngeni eu leni ünükün eu chanpupu lükün ewe telinimw, ewe ia aia ekieki pwe chon Juta ra mwichfengen ie pwe repwe iotek. Iwe, aia mottiu o kapas ngeni ekewe fefin mi mwichfengen ikenan.

Föför 16:16

Lon eu rän, lupwen aia feila ngeni ewe lenien iotek, eman amanau föpwül a churikem, eman ngününgau a wäni pwe a tufichin osuni mine epwe fis lon fansoun epwe feito. Neminei a awora chomong moni tolong ngeni nöün kewe masta ren an osuni mine epwe fis ngeni aramas.

Föför 18:22

Iwe, lupwen a tori Seserea, a pwal feila ngeni Jerusalem o kapong ngeni chon ewe mwichefel. Mürin a feila Antiokia.

Föför 20:13

Iwe, äm aia akomwola won sip o saila tori Assos, ikenan äm aia angei Paulus me ie. Pun Paulus a ürenikem pwe aipwe föri iei usun, pokiten i a mochen fetal won fanü tori Assos.

Föför 20:6

Iwe, äm aia sai seni Filipi mürin ewe Chulapen mongö pilawa esap wor iis lon, nge limu rän mürin aia chufengen me ir lon Troas. Iwe, aia nonom ikenan lon ükükün eu wiik.

Föför 21:16

Nge ekoch me lein ekewe chon lükü Jesus me lon Seserea ra pwal etikem o emwenikeemila lon imwen eman mwän itan Mnason ia aia wasöla ie. Ätei i seni Saipros, eman chon lükü Jesus seni chök lom.

Föför 23:23

Mürin ewe sounemenemen sounfiu a körato ruoman nöün kewe meilapen sounfiu o üreniir, “Oupwe amolätä ruopükü sounfiu pwe repwe feila Seserea me fik chon wawa oris, pwal ruopükü chon uwou siles. Iwe, oupwe molotä ämi oupwe sü seni ikei kulok tiu lepwinei.

Föför 27:1

Iwe, lupwen a pwüngüla pwe aipwe saila Itali, ra atolonga Paulus me ekoch chon fötek fän nemenien Julius, eman meilapen ewe mwichen sounfiun Rom itan “Än Sisar Mwichen Sounfiu”.

Föför 28:11

Iwe, mürin äm nonom ikenan ülüngat maram, aia sü won efoch sip seni Aleksantria mi wor liosun ekewe “Kot Lipwe” won lesopun me mwan iter Kastor me Polluk. Ei sip a mamaram ikenan fansoun lefen.

Föför 28:16

Iwe, lupwen äm tori Rom, ra mwüt ngeni Paulus pwe epwe tongeni aemanüla le nonom, nge eman sounfiu epwe nom ren o mamasa.

Föför 6:5

Iwe, unusen ewe mwich a tipeeu ngeni mine ekewe soukünö ra eäni akot. Iei mine ra filätä Stefanus, eman mwän mi fokun lükülük o uren Ngünmifel, me Filip, Prokorus, Nikanor, Timon, Parmenas me Nikolaus seni Antiokia, eman chon lükün Israel mi etiwa lamalamen chon Juta me mwan.

Föför 9:30

Lupwen ekewe chon lükü Jesus ra rongorong usun ei ekiek, ra emwenala Saul ngeni Seserea o tinala Tarsus.

Efisos 4:11

I ewe mi “ngeni aramas lifanger”. A filätä ekoch pwe repwe soukünö, pwal ekoch repwe soufos, pwal ekoch repwe chon asoulängala aramas, nge pwal ekoch repwe soumas me sense.

2. Timoty 4:5

Nge en kopwe ekisaram lon om föför meinisin, kopwe likitü lon riaföü, kopwe föri angangen eman chon asoulängala aramas, kopwe unusen apwönüetä wisom usun eman nöün Kot chon angang.