Föför 21:5 - Chuukese Bible

⁵ Nge lupwen äm fansoun nonom rer a wes, aia likitiir o sopwela äm sai. Nge ir meinisin fiti pwülüer me nöür kana ra etikeemiwu seni ewe telinimw tori ewe pi. Ikenan äm meinisin aia fotopwäsuk o iotek.

Föför 21:5 Iomraidhean Croise

1. King 8:54

Lupwen Salomon a wes le eäni ekei iotek me tüngor meinisin ngeni ewe Samol mi Lapalap, a ütä me mwen ewe rongen asor, ia a fotopwäsuk ie o eitietä pöün läng.

2. Kronika 20:13

Iwe, ekewe re Juta meinisin, pwülüer me nöür kewe ra ütä me fän mesen ewe Samol mi Lapalap.

Nehemia 12:43

Lon ena rän ra eäni asor chomong mönün asor, ra pwal meseik, pun Kot a föri pwe repwe meseik fän pwapwa mi watte. Pwal ekewe fefin me semirit ra meseik. Iwe, aramas ra rongorong me toau än chon Jerusalem pwapwa.

Kölfel 95:6

Ou etto, ousipwe chapetiu o fel ngeni, ousipwe fotopwäsuk fän mesen ewe Samol mi Lapalap ewe chon förikich.

Mateus 14:21

Iwe, iteiten ekewe mwän mi mongö ei mongö ina epwe ükükün limungeröü, nge esap alealong fefin me semirit.

Markus 1:40

Iwe, a wor eman mwän mi rupun pwötür a feito ren Jesus, a fotopwäsuk o tüngormau ngeni pwe epwe alisi. A apasa, “Are ka mochen, ka tongeni alimöchüei.”

Lukas 22:41

Mürin a feila seniir ina epwe ükükün toauen än eman monei eföü fau. Iwe, a fotopwäsuketiu o iotek.

Föför 15:3

Iwe, chon ewe mwichefel ra tiniirela, nge lupwen ar saifetal lon Fönisia me Samaria, ra apworausa ngeni ekewe chon lükü Jesus usun än ekewe chon lükün Israel kul ngeni Kot. Ei pworaus a afisätä watten pwapwa lon leluken ekewe chon lükülük meinisin.

Föför 17:10

Iwe, lupwen a pwinila, ekewe chon lükü Jesus ra tinala Paulus me Silas Perea. Lupwen ra tori ikenan, ra feila lon ewe imwen felikis än chon Juta.

Föför 20:36

Lupwen än Paulus wes le apasatä ekei kapas, a fotopwäsuketiu fiti ir meinisin o iotek.

Föför 20:38

Ra fokun lolilen ren an apasa, pwe resap chüen künasefäli. Mürin ra etala tori ewe sip epwe eti.

Föför 9:40

Iwe, Petrus a atowu ekewe aramas meinisin me lon ewe ruum, a fotopwäsuketiu o iotek. Mürin a kul ngeni ewe somä o apasa, “Tapita, kopwe pwätä!” Iwe, neminewe a nenela, nge lupwen a küna Petrus a pwätä.

Josua 24:15

Nge ika ousap mochen angang ngeni ewe Samol mi Lapalap, ikenai oupwe filätä iö oupwe angang ngeni. Oupwe filätä ika oupwe angang ngeni ekewe kot ämi kewe lewo ra angang ngeniir me lon ewe fanü pekilan ewe chanpupu Oifrat, ika än chon Amor kewe kot mine fanüer we oua nom lon. Nge ngang me chon leimwei, äm aipwe angang ngeni ewe Samol mi Lapalap.”

Josua 8:35

Iwe, esap wor eu kapas Josua a likiti seni ekewe kapas meinisin Moses a allük, pwe a aleaniir meinisin me fän mesen unusen ewe mwichen chon Israel, me fän mesen ekewe fefin, ekewe semirit me ekewe chon ekis mi nom rer.