Föför 21:3 - Chuukese Bible

³ Iwe, aia tori eu leni ia aia tongeni küna Saipros me ie. Mürin aia saila örün ewe fanü o sai ngeni Siria. Aia tiwelong Tirus ia ra atötiu wosen ewe sip me ie.

Föför 21:3 Iomraidhean Croise

2. Samuel 8:6

Mürin, Tafit a anomu mwichen sounfiu lon Siria. Ekewe chon Siria ra nom fän nemenien Tafit o takises ngeni. Iwe, ewe Samol mi Lapalap a awinna Tafit ekis meinisin ia a feila ie.

Kölfel 45:12

Ekewe aramasen Tirus repwe uwato ar lifang ngonuk, ekewe aramas mi fokun pisekisek repwe kütta chenir me reöm.

Kölfel 87:4

Üpwe makei iten Isip me Papilon lon tettelin ekewe mwü mi aleasochisiei, pwal ekewe chon Filistia me Tirus me Itiopia üpwe alearelong lein chokewe mi imweimw lon Jerusalem.

Aisea 7:2

Iwe, lupwen ewe pworaus a tori Ahas ewe kingen Juta pwe Siria a aileni Israel, i me nöün aramas ra fokun niuokus pwe ra chechech usun irä, lupwen asepwäl a pöniir.

Mateus 11:21

“Feiengauom Korasim! Feiengauom Petsaita! Are ekewe manaman mi fen fis me lomi repwe fen fis lon Tirus me Siton, ekewe aramas lon ekei telinimw repwe üföüf üf seni tuk me lomlom o amoratiu falang won mökürer, pwe asisilen ar kul seni tipis!

Mateus 4:24

Iwe, pworausen Jesus a chöfetal lon unusen ewe fanü Siria, pwe ekewe aramas ra uwato ren ekewe chon samau meinisin, chokewe mi üriir sokopaten samau o metek, aramas mi waan anü, mään kawakau me aramas mi mwök. Iwe, Jesus a apöchöküleretä meinisin.

Lukas 10:13

“Feiengauom Korasim, feiengauom Petsaita! Pun are ekewe manaman mi fen fis lomi ra fis lon Tirus me Siton, ekewe aramas lon ekei telinimw repwe mottiu me lomlom fän üfer seni tuk o amworatiu falang won mökürer pwe asisilen ar aier seni tipis.

Lukas 2:2

Iei aeuin makken it lupwen Kirenius a kepinan Siria.

Föför 11:19

Iwe, ekewe chon lükü Jesus ra toropasfeil pokiten ewe riaföü watte a toriir lupwen Stefanus a ninnila. Ekoch leir ra feila tori Fönisia, Saipros me Antiokia o afalafala kapasen Kot ngeni ekewe chök chon Juta.

Föför 12:20

Iwe, Herotes a fokun song ngeni ekewe chon Tirus me Siton. Iei mine ekoch me leir ra tipeeufengen o feila pwe repwe churi Herotes. Ra akomwen aliapa Plastus, eman nöün ewe king nöüwis mi wisen nemelapei imwan, pwe epwe nom lon pekiir. Mürin ra feila ren Herotes o tüngor an epwe kinamwe ngeniir, pun ir me aramasen fanüer ra angei aner mongö seni fanüen ewe king.

Föför 13:4

Iwe, Parnapas me Saul, ätekewe ewe Ngünmifel a tiniirela, ra feitiu Selusia, ra sai seni ikenan o sai ngeni ewe fanü Saipros.

Föför 15:23

Iei masouen ewe toropwe ra tini ngeniir: “Äm pwimi kewe soukünö me souakom, aia tinala äm kapong ngeni ämi pwiim kana meinisin chon lükün Israel mi nom lon Antiokia, Siria me Silisia.

Föför 15:39

Iwe, a fis eu watten aninifengen lefiler, pwe ra imwüfesen. Parnapas a uwei Markus o saila Saipros,

Föför 15:41

A saifeil lon Siria me Silisia o apöchöküla chon ekewe mwichefel.

Föför 18:18

Iwe, Paulus a nonom ren ekewe chon lükü Jesus lon Korint lon chomong rän. Mürin a feila seniir o a sai ngeni Siria, nge Prisila me Akwila ra eti. Me mwen än Paulus epwe sai seni Kenkrea, a reipöpöla möküran pokiten eu pwon a eäni.

Föför 21:16

Nge ekoch me lein ekewe chon lükü Jesus me lon Seserea ra pwal etikem o emwenikeemila lon imwen eman mwän itan Mnason ia aia wasöla ie. Ätei i seni Saipros, eman chon lükü Jesus seni chök lom.

Föför 21:2

Ikenan aia küna efoch sip mi saila Fönisia, iei mine aia tötä won o fitala.

Föför 21:7

Iwe, aia sopwela äm we sai, aia seres seni Tirus tori Ptolemais. Ikenan aia kapong ngeni ekewe chon lükü Jesus o nonom rer eu rän.

Föför 27:4

Aia saila seni ikenan, nge pokiten pöchökülen ewe asepwäl mi torikem, aia saila lepekin ewe fanü Saipros ewe ia a ekis lüa ie.

Föför 4:36

Iwe, a wor eman mwän itan Josef seni ewe ainangen Lefi, a uputiu lon ewe fanü Saipros, ekewe soukünö ra pwal aita ngeni Parnapas (wewen ei it: Eman mi apöchöküla letipen aramas).

Soukapwüng 10:6

Iwe, ekewe aramasen Israel ra pwal förisefäli mine a ngau me fän mesen ewe Samol mi Lapalap, pwe ra angang ngeni ekewe anü Paal me Astarot, ngeni ekewe koten Siria me Siton, ekewe koten Moap me än chon Amon pwal än chon Filistia kewe kot. Ra likitala ewe Samol mi Lapalap o ükütiu le angang ngeni.