Föför 21:16 - Chuukese Bible

¹⁶ Nge ekoch me lein ekewe chon lükü Jesus me lon Seserea ra pwal etikem o emwenikeemila lon imwen eman mwän itan Mnason ia aia wasöla ie. Ätei i seni Saipros, eman chon lükü Jesus seni chök lom.

Föför 21:16 Iomraidhean Croise

Kölfel 92:14

Ra chüen ua lon ar chinlap, ra uren pöchökül o wowoöch fansoun meinisin,

Än Salomon Fos 16:31

Meten mökür mi üwan epa mwärämwär mi ling, a fis ngeni eman mi manau fän pwüng.

Föför 10:24

Sorotän ewe rän ra tori Seserea. Iwe, Kornelius a awitiir, a pwal körifengeni aramasan me chiechian kana mi kan ngeni.

Föför 10:48

Iei mine a allük ngeniir pwe repwe papatais lon iten Jesus Kraist. Mürin ra tüngor ngeni Petrus pwe epwe nonom rer ekoch rän.

Föför 11:19

Iwe, ekewe chon lükü Jesus ra toropasfeil pokiten ewe riaföü watte a toriir lupwen Stefanus a ninnila. Ekoch leir ra feila tori Fönisia, Saipros me Antiokia o afalafala kapasen Kot ngeni ekewe chök chon Juta.

Föför 15:39

Iwe, a fis eu watten aninifengen lefiler, pwe ra imwüfesen. Parnapas a uwei Markus o saila Saipros,

Föför 15:7

Mürin chomongun ar akaninifengen Petrus a ütä o üreniir, “Ämi pwii kana, oua silei pwe ekoch ier ra la Kot a filiei me leimi pwe üpwe afalafala ewe Pworausen Manau ngeni ekewe chon lükün Israel, pwe repwe tongeni rongorong o lükü Jesus.

Föför 21:8

Sorotän ewe rän aia sai seni ikenan o tori Seserea. Ikenan aia nonom lon imwen Filip, i eman chon arongafeili ewe Pworausen Manau, pwal i eman lein ekewe füman mwän mi kefilitä me lon Jerusalem.

Föför 4:36

Iwe, a wor eman mwän itan Josef seni ewe ainangen Lefi, a uputiu lon ewe fanü Saipros, ekewe soukünö ra pwal aita ngeni Parnapas (wewen ei it: Eman mi apöchöküla letipen aramas).

Föför 8:40

Iwe, Filip a pwä me lon Astot. A saifeil lon ekewe telinimw meinisin o afalafala ewe Pworausen Manau tori a tori Seserea.

Nöün Paulus Toropwe ngeni ekewe Souläng lon Rom 16:7

Pwal ai kapong ngeni Antronikus me Junias chienei kewe chon Juta mi etiei le nom lon imwen fötek. Ra fokun iteföüla me lein ekewe soukünö o ra pwal akom le souläng mwei.

Filimon 1:9

Nge pokiten ai echenuk üpwe le tüngor ngonuk. Ngang üa föri ei, inamwo ika ngang Paulus üa chinlap, nge pwal lon ei fansoun üa eman chon fötek fän iten Kraist Jesus.