Föför 20:3 - Chuukese Bible

³ o a nonom ikenan lon ükükün ülüngat maram. Lupwen Paulus a amolätä an epwe sai ngeni Siria, a rongorong pwe ekewe chon Juta ra rawangauei. Iei mine a filätä an epwe liwinsefäliti lemenen ewe fanü Masetonia.

Föför 20:3 Iomraidhean Croise

Esra 8:31

Iwe, lon engol me ruuen ränin ewe aeuin maram aia feil seni ewe chanpupu Ahawa pwe aipwe feila Jerusalem. Iwe, äm we Kot a etikem o tümwünükem seni ekewe chon oputakem, pwal seni ekewe chon solä mi nom won ewe al.

Än Salomon Fos 1:11

Are repwe apasa, “Kopwe etikem, ousipwe op lon eu lenien op pwe sipwe niela aramas. Ousipwe rawangauei chokewe esap wor ar mwäl.

Jeremaia 5:26

Pun aramasangau ra nom lein nei aramas. Ra op usun aramas ra op lupwen ra eseichi machang. Ra föri eu sär pwe repwe liapeni aramas.

Mateus 4:24

Iwe, pworausen Jesus a chöfetal lon unusen ewe fanü Siria, pwe ekewe aramas ra uwato ren ekewe chon samau meinisin, chokewe mi üriir sokopaten samau o metek, aramas mi waan anü, mään kawakau me aramas mi mwök. Iwe, Jesus a apöchöküleretä meinisin.

Föför 16:12

Seni ikenan aia sai won fanü tori Filipi, iei ewe akaeuin telinimw lon ewe kinikinin fanü lon Masetonia, pwal eu telinimw ia ekewe chon Rom ra nonom ie. Iwe, äm aia nonom ikenan ekoch rän.

Föför 16:9

Lon ewe pwinin a wor künaan Paulus. A küna eman mwän seni Masetonia, a üta o tüngormau ngeni, “Kose mochen feito Masetonia o alisikem!”

Föför 18:18

Iwe, Paulus a nonom ren ekewe chon lükü Jesus lon Korint lon chomong rän. Mürin a feila seniir o a sai ngeni Siria, nge Prisila me Akwila ra eti. Me mwen än Paulus epwe sai seni Kenkrea, a reipöpöla möküran pokiten eu pwon a eäni.

Föför 19:21

Mürin an fis ekei mettoch, Paulus a filätä fän emwenien ewe Ngünmifel pwe epwe sai lemenen Masetonia me Akaia o feila Jerusalem. A apasa, “Mürin ai feila ikenan, üpwe pwal fokun tori Rom.”

Föför 20:1

Iwe, wesin ewe fitikoko, Paulus a körifengeni ekewe chon lükü Jesus, a kapong ngeniir o eäni kapasen amwirimwir ngeniir mi apöchöküla letiper. Mürin a feil seniir o feila Masetonia.

Föför 20:19

Fän unusen tipetekison pwal fän watten chönün mesei üa föri ai angang usun eman nöün ewe Samol chon angang lon ekewe fansoun weires mi toriei pokiten än ekewe chon Juta rawangauaei.

Föför 20:2

A saifeil lemenen ewe fanü o apöchöküla letipen ekewe aramas ren chomong an afalafal. Mürin a tori Akaia

Föför 21:3

Iwe, aia tori eu leni ia aia tongeni küna Saipros me ie. Mürin aia saila örün ewe fanü o sai ngeni Siria. Aia tiwelong Tirus ia ra atötiu wosen ewe sip me ie.

Föför 25:3

pwe epwe alisiir pwe Paulus epwe feito Jerusalem, pun ra föri eu raw pwe repwe niela won ewe al.

2. Korint 1:15

Pokiten üa apilükülükü ei, üa akota ai üpwe akomwen churikemi, pwe oupwe küna feiöch fän ruu.

2. Korint 11:26

Lon ai saifeil fän chomong üa nom lon feiengauen puun chanpupu, pwal feiengau seni chon achomau, feiengau me ren aramasei ekewe chon Juta me feiengau me ren ekewe chon lükün Israel. A wor afeiengau lon ekewe telinimw, afeiengau lon fanüapö, afeiengau me le matau, pwal afeiengau seni ekewe souläng chofona.

2. Korint 7:5

Pun lupwen aia tori Masetonia, esap wor äm asösö, nge aia tolong lon riaföü fansoun meinisin. Ekoch aramas ra anini ngenikem, o niuokus a wor lon letipem.

Kalatia 1:21

Mürin üa feila lon ekewe fanü Siria me Silisia.