Föför 20:2 - Chuukese Bible

² A saifeil lemenen ewe fanü o apöchöküla letipen ekewe aramas ren chomong an afalafal. Mürin a tori Akaia

Föför 20:2 Iomraidhean Croise

Sekaraia 9:13

Üpwe nöünöü chon Juta usun efoch esefich, pwal chon Israel usun ekewe föün esefich. Üpwe nöünöü ekewe re Sion usun efoch ketilas, pwe üpwe maun ngeni ekewe re Kriis.”

Lukas 3:18

Iwe, lon chomong sokopaten kapas Johannes a aea le afalafala ewe Pworaus Allim ngeni ekewe aramas o fönöör, pwe repwe siwili manauer.

Föför 14:22

Ra apöchöküla ekewe chon lükü o anüküchareer pwe repwe tupwöl lon ar lükülük. Ra pwal üreniir, “Sipwe tolong lon Mwün Kot ren riaföü mi chomong.”

Föför 15:41

A saifeil lon Siria me Silisia o apöchöküla chon ekewe mwichefel.

Föför 16:12

Seni ikenan aia sai won fanü tori Filipi, iei ewe akaeuin telinimw lon ewe kinikinin fanü lon Masetonia, pwal eu telinimw ia ekewe chon Rom ra nonom ie. Iwe, äm aia nonom ikenan ekoch rän.

Föför 17:1

Iwe, Paulus me Silas ra sai tori ekewe telinimw Amfipolis me Apolonia, ra pwal tori Tesalonika, ia a wor ie eu imwen felikis än chon Juta.

Föför 17:10

Iwe, lupwen a pwinila, ekewe chon lükü Jesus ra tinala Paulus me Silas Perea. Lupwen ra tori ikenan, ra feila lon ewe imwen felikis än chon Juta.

Föför 2:40

Petrus a fönöü ir ren chomong kapas, a pese ngeniir o apasa, “Oupwe amanauakemi seni ewe feiengau epwe tori ei täppin aramas mi ngau!”

Föför 20:1

Iwe, wesin ewe fitikoko, Paulus a körifengeni ekewe chon lükü Jesus, a kapong ngeniir o eäni kapasen amwirimwir ngeniir mi apöchöküla letiper. Mürin a feil seniir o feila Masetonia.

Föför 20:11

Mürin a liwinsefälitä won ewe sässärin asan, a utu pilawa o ra mongöfengen me ekewe chon lükü Jesus. Iwe, Paulus a kapas ngeniir tori akkar a tötä, mürin a feil seniir.

Föför 20:3

o a nonom ikenan lon ükükün ülüngat maram. Lupwen Paulus a amolätä an epwe sai ngeni Siria, a rongorong pwe ekewe chon Juta ra rawangauei. Iei mine a filätä an epwe liwinsefäliti lemenen ewe fanü Masetonia.

1. Korint 4:19

Nge are epwe fen letipen Kot, ngang üpwe müttir feila remi. Mürin üpwe püsin küna ewe tufich ekei aramas mi lamalamtekia ra eäni, nge sap chök lon met ra apasa.

Kolose 1:28

Iei mine sia arongafeili Kraist ngeni aramas meinisin. Sia fönöör o asukuler ren sokun tipachem meinisin, pwe sipwe emwenato eman me eman mwen Kot fän ar unusöch lon Kraist.

1. Tesalonika 2:11

Ämi oua silei pwe aia alisi eman me eman leimi usun chök eman sam a alisi püsin nöün kana.

1. Tesalonika 2:3

Äm afalafal ngenikemi esap longolong won met mi mwäl ika won ekieksolä, sisap pwal atupu eman.

1. Tesalonika 4:1

Ämi pwiim kana, iei soposopolan met oua kaiö senikem usun ewe sokun manau oupwe manaueni pwe oupwe apwapwai Kot ren. Ewer, iei usun mine oua fen manau lon. Nge iei äm aia tüngormau o pese ngenikemi fän iten ach Samol Jesus, pwe manauemi epwe fokun mürinala.